1 PETER 4:10 - Cho Bible Common Language 2016

¹⁰ Nangmi tumat täi cu Khanpughi ah m’shumphyuk nak a hnga hnga nami gah ci. Cun ah Khanpughi ah m’shumphyuk ak küikyang ah gah ci naw a paw chang ah ni kyom nak vai ah a mang vai nei.

1 PETER 4:10 Referans Kwoze

MAKUH 10:45

Chang ah Htapacun phi chang tüitäk khai ah lawk ciah kä kiak ci, chang ah tüihtäk vai la amät ah hnun gui pe ne chang khli hun m’htei khai ah kyum lawk ciah kyak ci” ci ne m’thein gui ci.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

1 KORIN 3:10

Kei naw Khanpughi ah na peit ah m’gein nak cokyang thei ciah chang ah mäih ah, ng’lei leh ne kam hnep ci, a hei chang tumat naw acun ah khan ah cokyang ci. Cun ung phi cokyang lawk ciahchang cu a i chaa ah a cawhkyan law ah geing nak khenggeng vai nei.

EPHESIAN 4:11

Hnicim chang am m’cümhnah nak m’shumphyuk gui ci cun phi, acun ah Bawipa ah kyak ci. Ani naw amshah cu ang düihpüi gui ah, amshah cu profet gui ah, amshah cu thu shä ci gui ah, amshah cu pastor gui ah, amshah cu saya gui ah, m’düih gui ci.

ROMAN 15:27

Cun ah ami k’bäi cu, chang ah bi sak gui ah kä kyak ci, ami mät ah ngaih ah, ami mät ah m’gein nak awn ami bi ah kyak ci, pyamthaam ci m’gein tu vai cu ngami ah bi ah kyak ci. Jew chang gui naw, khui hei chang gui am, ami mümcha hrilham cu ami teipai tu gui ah kya sei, khui hei chang gui naw phi, Jew chang gui am ami pumsa hrilham cu, ami teipai gui vai ah kyak ci.

TITUS 1:7

Khritha k’tahnga cu Khanpughi ah khuut kutshum ne bik ciah kyasei m’kat vai kä om-en ciah chang ah kyak khai. Ani cu m’ghämce ci, m’lungshe ci, awktat ci, ng’tuk ghüh ci, ngui ng’ya hlü aih ciah kä kia-en khai.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

LUKA 12:42

Bawipa Naw, “Bekhüt ne cüivai ciah changshäm cu a u ang? Khuimah tumat naw akchangshäm gui khawngmang gui ne, uk gui ne, ei-awk phi tei gui khai ah changshäm tumat cu ghü ne m’düih khai.

1 KORIN 4:7

A u naw nangmi cu chang hei ah nami hang tai pi khai ah ning piang gui khai ang? Nangmi ung om ci phung avan cu Khanpughi ah ning peit tui ah kä kya na ang! Nami gah taang gui avan Khanpughi ah kä ning peit gui ah ngaih vai ah nami khähghah nak cu, a i hawkchaa ah ang?

LUKA 19:13

Kä a hteh pha ung akchang shäm gui sing ghaa cu khü gui netah, kei kä ka gawk law ba phaa ah chuih nami sumlei vai” cine gui tangka a phe ci pe gui ci.

LUKA 8:3

Herod ah mangkyong ung bawi ah kyak ciah Chuya ah chu Joanna; Susanna la Bawipa Jesuh la ang düihpüi gui-am tu m’bei gui vai ah ami mät ah ei awk phui ne law tuk ci gui ah a hei hnumi akda gui ah kyak ci.

2 KORIN 6:1

Cun ah kyasei Khanpughi ah khuut bi nak ghawm awn nangmi cu kami ning hui na gui ci. Nangmi cu Khanpughi ah m’gein nak nami gah ci kyasei, cun cu kä nami m’di en vai.

ROMAN 15:25

Cun ung phi tuk bäi hta kei cu, Khanpughi ah chang gui m’hteihtang gui vai ah, Jerusalem ah ka hteit khai nei.

MATTHE 25:44

“Cun ah chang gui naw, ‘Bawipa, nang ei na cawi, tui na gha khin ah na kiak, sui ah nak kheei, na gawpai, thawng ung na kium cu ning hmu lang ne. A i yah ung ang kä ning tu m’bei, kä ning m’hteihtang ah kami om’ cine pyein tu ba khai gui.

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

2 TIMOTHI 1:18

Ephasus gawnu ah ani naw kei a i hlawk ah anam htei cu nang naw na hmat ci nei. Cun ah Hnüüp ung ani ah khan ah Bawipa ah chimgein nak om sä.

MATTHE 24:45

“Düng ciah changshäm cu a u ang? Cun ah chang cu a hei chang shäm gui uk khai la a khin päng ung ei awk vai tei gui khai ah a bawi naw am düih ah kyak ci.

MATTHE 24:14

Khankho uknak ah mawng thu ni cu khodek khan avan ung chang nüng ah ma ah saksi ne pyein yawp kawn ah, kho ah ng’pyi nak vai ah khin cu gawk lawk khai nei.

2 KORIN 9:1

Judea kho ah Khanpughi ah chang gui m’hteihtang gui vai ah mawng cu ca awn ka guk vai kä hlü ci.

MATTHE 24:21

Cun ah a khin ung ang htei ah shekak ciah yaica nak gawk lawk khai. Cun hlawk ah shekak ciah yaica nak cu khodek ang tüi law ung tün ne a i yah ung phi chang gui naw kä bui awt man khai gui. Ngawi ah phi bui awt ba vai ah kä kyak ci.

1 PETER 5:10

Cun ung phi nangmi cu cun ah geinvai nak a shänghta nami aut kawn ah, M’Gein nak ah Khanpughi, Bawi Khrit ung ning kawng ät sak gui ne, ng’täi ciah abämang nak ning k’pai tu gui khai ah ning khü gui ciah Bawipa naw, nangmi cu ning kümbe sak gui ne, ng’khäntaang nak, k’thamah nak la khüighaat nak ung ning khanhtek sak gui khai nei.

1 PETER 5:12

Shin ah ca k’tawi hta cu Silas ah nak khüi vong nak awn ka ning guk law gui nei. Ani cu bekhüt ciah khritha phäunau ah, kei naw ka yum ah kyak ci nei. Shin ah ca cu kei naw k’tha gui ka ning peit nak gui hlü la, shin cu Khanpughi ah m’gein nak akcang ah kiak ci, cicu ka saksi nak ah kyak ci nei. Cun ah m’gein nak ung khäng sei ng’düi vä.

MATTHE 25:17

Acun ah mäih ah pit m’ku gah ciah chang cun phi pit m’ku ah khan ah pit m’ku ak pawih khai ah gah ci.