1 PETER 3:8 - Cho Bible Common Language 2016

⁸ Ak hnu ah ka pyein hlü cu, nangmi cu m’lung ät, ngaih ät ne nami om vai; phäi nau ah mäih ah ng’yumhni tu u ne, m’lung neim nak la chimgein nak awn nami om vai.

1 PETER 3:8 Referans Kwoze

ROMAN 12:10

Nang mi cu tumat la tumat khritha phäi nau ah mäih ah nami ng’khawtsheng vai, tumat la tumat chang m’sui nak tu cu ang ghit ah nami bi vai.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

EPHESIAN 4:31

Thüisei nak, ngetngawng nak, m’lungshe nak gui cu nawng ge vä. Käng li ng’lai kä ng’plah ng’taang ba vä, käm thüikhang kä ng’gen hteet ba vä.

JAMES 3:17

Cun ung phi Khankho ah kaa cüivai nak läi cu ak htük bäi ah theingcim netah dimdeeih nak, ng’awigi nak la khawtsheng nak gui cu dang sak ci. Cun cu chimgein nak awn kümbe ne, nikiom nak cu vuipai sak ci, m’khoi m’hnga nak kä om ci, thuvi nak kä om ci.

EPHESIAN 4:2

Ang täi sei nami m’lung neim sak ne, ng’awi ng’gi ne, hnimgei ne nami om vai nei. Tumat la tumat Lung gei, ngaih ni nak awn, nami m’hni cu dang sak vä.

ZEKHARIAH 7:9

“Cau pui shin ah ng’thumkhän cu chang gui am ka pe gui ci: ‘Nangmi naw taga nak bi pyi cu nami hmuh vai nei, Tumat la tumat ng’khawt gei nak la chimgein nak cu nami m’dang vai.

KOLOSE 3:12

Nangmi cu Khanpughi ah chang ah nami kyak ci, Khanpughi naw ning m’hni gui ne amät ah chang ah ning ghü gui ci. Cun ah kya sei nami ng’thon nak vai cu m’hteihtang nak, chimgein nak, mät hnga ngaih nak, hniphnoi nak la hniimgei nak ah kyak ci.

1 KORIN 12:26

Pumsa ah ang phyeekpai tumat a yaica ah a kyak ung, a hei gui ami van yaica yawp ci gui; pumsa ang phyeek pai tumat m’hlüngtai nak a om ah a kyak ung, a hei gui ami van yei kyai yawp ci gui.

MATTHE 18:33

Kei naw nang ka ning m’gein ah mäih ah na chang paw kä nam gein tu ba ci ma? cine,

1 JOHAN 3:14

Mikmi cu mi phäi nau gui mi m’hni ah hmawk ah sih nak nawng shüt ne ghin nak ung mi gawk pyi ci, cicu mi hmat ci. A phäi nau käm hni ciah chang cu sih nak ah kaa ah om lä ciah kyak ci.

1 KORIN 1:10

Phäinau gui aw, Mi Bawipa Jesuh Khrit ah huham awn kei naw nangmi cu ka ning m’cumcäi gui ci nei. Nami thu m’gawng ung nami kawng ät vai, cun ung nami ng’phyeekpai nak kä om khai. M’lung ngaih tumat, bü nak tumat ung nami kawng ät yawp vai.

LAMKTU 4:32

Yum ciah chang gui cu ami m’lung ngaih kawng ät u neh, a u naw phi amät ah khawh cham cu aka ah käm tung sei, ami khawh cham avan cu ami ka ghawm ah ngai ci gui.

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

HEBRU 13:1

Krihta ah kya ne tumat la tumat nami yumhni tu vai nei.

2 PETER 1:7

Khanpughi ung bä nak cu ng’phäi nau nak awn, ng’phäinau nak cu yum hni nak awn akümbe vai ah nami tha nak pi bäih vai nei.

1 PETER 2:17

Chang phung cu nami chang m’sui vai, khritha phäinau cu anmi m’hni vai, Khanpughi cu nami m’tamkhah vai, ghangpughang cu nami kyih aa vai.

SAM 103:13

Ami pa naw a hta gui cu am hni gui ah mäih ah, Bawipa naw amät chang m’sui cicu m’hni gui ci.

JAMES 5:11

Ngahmi cu khüighaat ci gui ah kyasei yeikyai ci gui ah khü gui ah kyak ci. Job ung a i hlawk ah hnimgei nak a om cu nami ng’ya pyi ci, ak hnu ah Khanpughi naw a i hlawk ah am hteihtang cun phi nami hmat ci. A i ah kyasei ci ung Khanpughi cu chimgein nak la chihna nak awn be ciah Bawipa ah kyak ci.

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

PHILIPPIAN 3:16

A i ah a kyak ung phi, mikmi naw tuhbäi ung khüt khai ah ng’cäi nak mi läk ah mäih ah mi läk lä khai nei.

ROMAN 15:5

Nang mi naw Bawi Khrit Jesuh ah lam shüm cu läk ne, m’lung ät ngaih ät awn nami om vai ah hnimgei nak la k’thamah nak ning pe gui ciah Khanpughi naw, nangmi cu ning m’htei gui sä.

LAMKTU 28:7

A cun na pei et ah ami ng’vaipi Publius ah akaa, lai gui om ci. Ani naw keimi gui cu na dou gui ne, hnüüp thum ung na khin nah gui ci.

LAMKTU 27:3

A ngawi ung keimi cu Sidon ah kami gawk ci. A cu ah Julius naw Paul cu m’gein netah a teihpüi gui awn hmuh sak gui ci. Ngami am phi khin chah na sak gui ci.

LAMKTU 2:1

Pentekos hnüüp ung yum ciah chang gui cu hmun ät ung a täng ah ng’bum ci gui.

NG'THU K'THUUK~ 28:8

Chang gui ah khan ah na lak ah a taw anglon awn na bühmang ah akyak ung, nang ah khawh cu dukhaih ci m’gein ciah chang ung gawk yawp khai.

LUKA 10:33

Cun ung phi Samaritan chang tumat cu cun ah lam ung a hteh nak lam ah leim ne ng’yän ciah chang cu hmu netah, ang htei ah m’gein ci.

EPHESIAN 4:32

Tumat la tumat hnip hnoi ne ng’awi gi tu vä, Khanpughi naw Bawi Khrit ung a ning m’geinsei gui ah mäih ah tumat la tumat m’geinsei tu vä.

PHILIPPIAN 2:3

Khäghah nak hlü la mät ah ng’yak hlü shui nak awn a i phi kä nami bi vai, chang cu mät ah mä, bä tu ba ci, ciah ngaih tüh ne, nami m’lung nami ng’neim sak vai nei.