1 PETER 3:5 - Cho Bible Common Language 2016

⁵ Cau Khanpughi ung ng’ap u ne, Khanpughi yum ciah hnumi gui cu, a cun ah mäih ah ng’bi lawh u ne, ami cei ah thu cu ngai ci gui nei.

1 PETER 3:5 Referans Kwoze

1 TIMOTHI 5:5

A mät om ciah hmeinu cu m’hteihtang khai a u kä om sei, Khanpughi ngaih u ne, amü ak hnüüp taigü ne ng’yoi thäh ci nei.

1 TIMOTHI 5:10

a om ani ah mawng ngaih gep nak om khai, a hta gui ak ni ah m’htei ci, khin chang m’htei ci, yum ciah chang gui ni kyom püi gui ci, yaica ciah chang gui m’htei gui ci, nik ciah bi phung tha na ne bik ciah kyak khai.

1 TIMOTHI 2:15

Cun ung phi hnumi gui cu, a htingling ah om ne, yum nak, m’hni nak la theingciim nak awn ami be ah a kyak ung, ami hta nau nak awn hun nak gah khai gui nei.

LAMKTU 9:36

Joppa pigaw ung, Khanpughi yum ci, Tabitha ming nak ciah hnumi tumat om ci. (Karik thu awn ah ming cu Dorcas ah kya ne kigang ciah kyak ci.) Ani cu angtäi sei ak ni bi ne chang phi geinsei ci.

LUKA 2:37

Ani cu tuhbäi a khokum cheit-kip-lei-phli law pyi ci. Ani cu amü ak hnüüp Taigüim ah om ne ei hlawi ne taigü ci.

JEREMIAH 49:11

Nami hmeihta gui nawng shüt vä, kei naw ka m’htei gui khai. Nami hmeinu gui cu kei ung shungshet u sä.

NG'THU K'THUUK~ 31:30

M’däk nak cu lam hma nak ah kyak ci, kyom nak cu ng’kawn khai, cun ung phi Bawipa m’tamkhah ciah hnumi cu m’hlüngtai nak om khai.

1 SAMUEL 2:1

Hannah taigü ci; “Bawipa naw ka m’lung cu yei nak awn be sak ci; Ani ah bi ah phäh ah ka yeikyai aih ci nei! Ka gaa gui cu ka gaih tu gui ci; Ka yei aih ci nei, Khanpughi naw na m’htei sei!

HEBRU 11:11

Abraham cu ghi law pyii ci, Sarah cun phi hta khai ah kä kya ba pyii ci, cun ung phi amät ah yum nak awn, Abraham cu a hta om sei pa ah kyak ci. Khanpughi cu a shaitaak ah mäih ah bekhüt ciah ani naw yum ci.

1 TIMOTHI 2:10

Ngahmi cu yum ciah chang gui ah mäih ah ni kyom ciah om ih awn ami bilawh vai nei.

LAMKTU 1:14

Ngah mi cu Bawipa Jesuh ah anu Mary lah a hei hnu mi gui ni, a naü gui ni, ashäng shäng a täng ah ng’bum ne k’tai gü ci ci gui.

NG'THU K'THUUK~ 31:10

Lunglang ciah chu hmuh vai cu khak aih ci! Ani cu pyülung ah ta küikyang pi ci nei,

EPHESIAN 5:33

Cun ung phi nangmi tumat ciah hmawk ah phi kyak ci; a cei phung naw ak chu cu amät awn m’täng ne am hni vai, ak chu phung naw phi a cei cu ak chang m’sui vai.

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.