1 PETER 3:4 - Cho Bible Common Language 2016

⁴ nami m’lung kyong ung akcang ah ng’awi ng’gi nak la hniphnoi nak cu om sä, cun cu Khanpughi ah ma ah ak küikyang ah kyak ci nei.

1 PETER 3:4 Referans Kwoze

KOLOSE 3:12

Nangmi cu Khanpughi ah chang ah nami kyak ci, Khanpughi naw ning m’hni gui ne amät ah chang ah ning ghü gui ci. Cun ah kya sei nami ng’thon nak vai cu m’hteihtang nak, chimgein nak, mät hnga ngaih nak, hniphnoi nak la hniimgei nak ah kyak ci.

1 SAMUEL 16:7

Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

ROMAN 2:29

Jew chang akcang läi cu am lung kyong ah vun-ah nak bi pyi ciah chang ah kyak ci nei. Cun ah chang Jew chang ah kyak sak cicu gu ne tai ah thukhän ah kä kyak ci, Khanpughi ah Mumcha naw vah chang cu am lung kyong ung Jew chang ah kyak sak ci. Ani cu chang ah m’hlüngtai nak gah ciah kä kyak ci, Khanpughi ah m’hlüngtai nak gah ciah kyak ci.

MATTHE 11:29

Kei ah ka kawh cu kawt ne, kei ah ng’thei law vä, Nangmi cu hüiyang nak nami hmuk khai.

TITUS 3:2

Ak she ah kä ng’thu phung ne, dimdeih nak la khawtsheng nak awn om u ne, angtäi sei ng’awi gi ne ami om vai ah nam cäi gui vai nei.

MATTHE 23:26

A mi m’dauh ah pharisee gui, nami tui m’yak ah ak kyong cu theingthap sak ma vä, cun ung ak pung phi theingthap lawk khai nei.

ROMAN 7:22

Khanpughi ah thukhän cu kei ah m’lung kyong naw yeikyai ne dou ci.

2 KORIN 4:16

Shin ah mawng ung keimi a i yah ung phi kami tha kä maih khai nei. Ka mi pumsa cu a dängphai law ung phi ka mi mümcha cu ak hnüüp tä k’thai ba pi pi ci nei.

1 THESSALONIAN 4:11

Ayan ä ka mi ning m’cäi gui ah mäih ah dimdeeih sei nami ghin om thei vai, chang kä khuihphaa ne nami mät ah bi ung nami khän htek vai, nami mät ah hnun nami mät naw nami m’ghin hning vai ah nami tha nak vai nei.

EPHESIAN 4:2

Ang täi sei nami m’lung neim sak ne, ng’awi ng’gi ne, hnimgei ne nami om vai nei. Tumat la tumat Lung gei, ngaih ni nak awn, nami m’hni cu dang sak vä.

1 PETER 3:15

Nami m’lung kyong ung Bawi Khrit cu kyih aa u ne, Bawipa nei ci ne m’tamkhah vä, Ani yum ne nami ngaih u ah mawng ning shi gui ci a om ung, nami m’thein tu ge thei vai ah nami om vai nei.

1 TIMOTHI 2:2

Mikmi cu Khanpughi ung ding gei nak la dimdeih nak awn a htingling ah ghing ne mi om vai ah ghangpughang gui la huham om ciah bawimang gui ah hmawk ah nami taigü vai nei.

LUKA 11:40

Chang shekha gui aw, akpung pyang ci naw akyong phi pyang ciah kä kya ne ang? Nami eikbei, um k’am avan cu dukhaih ci gui-am pe gui vä.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

SAM 25:9

Am lung neim ciah chang gui lam düng m’shüm gui ci, Amät ah ng’yak hlü phi m’thei gui ci.

JAMES 1:21

Cun ah kyasei, kä nik ciah om ih la shekak ciah hnünthawh nak cu nami ng’cim sak vai nei. Khanpughi cu dou ne, Khanpughi naw nami m’lung kyong ah a geit ah thu cu nami kutshum vai, acun naw nangmi cu ning hun gui hning ci.

2 TIMOTHI 2:25

Ani hnu ng’tuk püi ciah chang gui cu ang awi gi ah m’cäi thei ciah kiak khai. Cun ah chang gui cu ng’ya ba u ne, thu thuuk ami hmat tu vai ah Khanpughi naw akhin k’ni pe gui khai nei.

2 THESSALONIAN 3:12

Cun ah mäih ah chang gui cu, akni ah om u ne, ami mät ah hnun m’ghin nak vai ami mät naw ami bilawh vai ah, Bawipa Jesuh Khrit ah ang ming awn kami m’cäi gui ci nei.

MATTHE 5:5

“Am lung hnip ne a om nik ciah chang gui yeikyai vä; Nangmi ung Khanpughi ah shaitaak cu kümbe khai!

ISAIAH 29:19

Dukhaih ci la zu ng’zeim ciah chang gui naw, Bawipa, Israel gui ah theingcim ciah khanpughi naw a pek ah yeikyai nak cu hmuk ba mä khai gui.

SAM 149:4

Bawipa cu ak chang gui ung lünlawi ci; M’lung neim ci gui cu näng nak awn m’tam gui ci.

SAM 147:6

Am lung neim sak cicu thawh sak ne, changshe cu güüt ne m’dek ung m’shän ci.

ROMAN 6:6

Mi ghin nak k’phyim cu Bawi Khrit awn a täng ah kutlam tung ngawn pyi ah kyak ci. Cun ah kya sei katnak awn be ciah mi m’lung kyong cu dimaih pyi ci kya ne, mikmi cu katnak ah khlei-htein ah kä mi kya ba ci, cicu mi hmat pyi ci.

LUKA 16:15

Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.

SAM 51:6

Bä nak la ng’düng nak cu na m’hni ci kya ne, Na cüivai nak awn ka m’lung na k’be ä.

SAM 45:13

Manghta ng’la cu mang im ung om ci — a ni cu kyom aih ci nei! Ani ah pänsam cu ghui pyai awn tah ah kyak ci.

1 PETER 1:23

Nangmi cu ghing ci la angtäi om ciah Khanpughi ah ang thucim awn, ng’tüi ba ne, sih nak kä om ciah angtäi ghing ciah Khanpughi ah hta ah nami kyak ci nei.

KOLOSE 3:3

Nangmi nami sih ung nami hnun gui cu Bawi Khrit awn Khanpughi ung ng’thup ciah kyak ci.

KALATIAN 5:23

Hniphnoi nak, la küikyang htingling nak gui ah kyak ci. Shin gui hnu ng’tuk püi khai ah a i ng’thukhän phi kä om ci nei.

SAM 131:2

Kei cu anu ah k’coi ung ng’pawm ciah ah hmaw hta ah mäih ah, ka yei ci, ka ding gei ci. Ka m’lung m’sin ah akyong ah ding gei ci.

2 KORIN 10:1

Kei Paul Naw Ka ning m’cäi gui hlü cu, — Kei cu nangmi ah ma ah hnawhdeh ne, kä nami hmuh nak ung ka lingtha ciah nami ngai khai. Bawi Khrih ah m’Lung neim nak la ng’awi ng’gi nak awn ka ning hui na gui ci nei,

MATTHE 21:5

“Zion mang gaw-am thu nami m’thein vai cu, ‘Teng tu vä, nami ghangpughang cu nami om nak ah gawk law ci nei! Ani cu hniphnoi ng’awi gi ne, Phuih näng ciah a hta ng’sehta ung cun ci nei,” ciah kya ci.

ISAIAH 11:4

Ani naw dukhaih ci gui cu nik khai ah m’khoi m’cha gui ne. Am gein kaa gui cu shungvong gui khai. Ani naw ang thukhäm awn chang gui cu m’kyuk gui khai, changshe gui cu sik khai gui.

JEREMIAH 51:59

Ghangpughang Zedekiah ah chang m’hteng cu Seraiah, Neriah ah hta Mahseiah ah tu ah kyak ci. Zedekiah Judah ghangpughang ah a kyak nak akum phli nak ung, Seriah cu ani awn atäng ah Babilonia ah hteit ci goi, kei naw m’shüm theein nak amshah ka pek ci.

ROMAN 1:23

Kä si hning ciah Khanpughi khawihmah nak vai sü ung, si hning ciah chang, ni, k’phyu kha, khisa ni, k’phyu m’khaw ni gui ah müi gup gui düt pyang ne khawihnah ci gui.