1 PETER 3:18 - Cho Bible Common Language 2016

¹⁸ A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

1 PETER 3:18 Referans Kwoze

HEBRU 9:28

Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.

HEBRU 9:26

Akda vei lut khai ah a kyak vai sü ung Khanpughi naw kho akhan atüi pyan ung tün ne akda vei sih nak aut khai sü ah kyak ci. Tuhbäi kho a khüt law vai khin ung ang bäng ge ah hnü ät kium law ne, a hnun gui pe ne, cheishoh nak cu nawtpet yawp pyii ci.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

1 PETER 4:6

Cun ah kyasei Thu Ni cu aksi gui ah om nak ah phi pyein ah kiak ci, cun ah aksi gui cu chang van ah mäih ah pumsa awn m’khoichaa nak gah pyi ci gui ah kyak ci; Thu Ni m’thein gui cu Khanpughi ah mäih ah mümcha awn ami ghin vai ah hmawk ah kyak ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

1 JOHAN 1:9

Khanpughi cu a shaitaak küm sak ne, düng nak bäng bik ci, mik mi cu mi katnak ng’kiaa ne, mi ng’paa ah a kyak ung, mi kat nak nam gein gui ne, mi cheishoh nak nüng phi theingcim sak ci.

ROMAN 4:25

Khanpughi naw Bawipa Jesuh cu mikmi ah katnak ah hmawk ah sih nak ung gawk sak ci, Khanpughi naw mikmi cu chang düng ah k’bäi ne ana dou gui vai ah hmawk ah sih nak ungka thawh ba sak ci.

1 PETER 4:1

Bawi Khrit cu pumsa awn geinvai nak aut pyi ci, acun ah kiasei nangmi cu Bawi Khrit ah m’lung ngaih ah mäih ah nami thamah vai. A i ah kyasei ci ung pumsa awn geinvai nak gah ciah chang cu, cheishoh nak naw kä k’phaa ba ci.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

KALATIAN 1:4

Mi Pa Khanpughi ah ang yak hlü ah Bawi Khrit cu shin ah shetkat nak ah khin ung na k’phiawn gui khai ah, mi katnak ah hmawk ah ng’ap pyi ci nei.

2 KORIN 13:4

Bawipa cu kutlam tung ung ami ngawn yah ung ak tha ken ciah mäih ah a kyak ung phi, tuhbäi Khanpughi ah hlüngtai nak awn ghing ne om ci nei. Ani ung mi kawng ät nak ung mikmi phi mik tha ken te ci; cun ung phi, Khanpughi ah hlüngtai nak awn, Bawi Khrit ung a täng ah ghing ne, nangmi awn mi ng’hmu teng khai nei.

ROMAN 5:2

Mikmi naw Jesuh Khrit cu mi yum ci kya sei, ani naw mikmi am, Khanpughi ah m’geinsei nak cu na hmat sak gui ci. Tuk bäi cun ah m’geinsei nak cu mi gah u ne, Khanpughi ah hlüngtai nak gah vai cun-phi ngaih gep nak om sei mi yeikyai ci.

ROMAN 1:4

Ak khanchang theing nak ah, Khanpughi ah Htapa ah a kyak cu ang dang vai ah Khanpughi naw abämang hlüngtai nak awn sih nak ung kaa thawh ba sak ci.

JAMES 5:6

Nangmi naw shetkat nak kä om ciah chang gui ng’thumcha ne nami ngawn ci, cun ung phi ngami naw kä ning ci tuba gui ci gui.

LAMKTU 3:14

Ani cu theing ne ng’cim ne, nik ciah chang ah kiah lang sei phi, nang mi naw Pilat ah ma ah ani cu k’she dam nah u ne, chang ngawn ci cu phiawn vai ah na mi ling ci nei.

2 KORIN 1:24

Nangmi naw a i nami yum vai ah ning k’bäi gui ah kä kyak ci, nangmi ah yum nak cu khäng ciah kami hmat ci. Keimi naw nangmi ah yeikyai nak vai ah nangmi awn a täng ah kami bi ah kyak ci.

ROMAN 8:11

Bawi Jesuh sih nak ungka thawh ba sak ciah Khanpughi ah Mumcha cu nang mi ung akcang ah om ciah a kyak ung, Bawi Khrit sih nak ung kaa thawh ba sak ciah Bawipa naw, amät ah Mumcha awn sih thei ciah nami pumsacun phi ghin sak khai nei.

LAMKTU 22:14

Aninias naw, “Nang cu mi pupa gui ah Khanpughi naw a ng’yaak hlü na hmat vai, düng ciah ak changshäm na hmuh vai la acun ah Bawi ah thu k’aw na ng’yaak vai ah hmawk ah ning ghü pyi ci nei.

MATTHE 27:19

Pilat cu ng’thumcha nak yung ah a ngoh yah ung akchu naw chang tumat tüi law ne, “Cun ah katnak kä bik ciah chang cu, a i ah phi kä na ci-en vai nei, yanmü kang mang ung ani ah phäh ah kam lung kyong ang htei ah yaica ci nei,” cine pyein law sak ci.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

MATTHE 27:24

Pilat naw, a pyein ba gäk gäk ung kä bä khai, thüngphyong m’lau pyang law pi khai gui ah hmu netah, tui cu la ne ami ma ah “shin ah chang ah sih nak cu kei ah bi ah kä kyak ci, nangmi ah bi ah kyak ci nei,” ci netah, a kut cu m’si ci.

JOHAN 16:10

Kei cu Kapa ah ka hteh law ba ung kä nami na hmu law ba khai kia sei, düng nak cu kei ung dang ci.

EPHESIAN 3:12

Mikmi cu Bawi Krih ung mi kawngät nak la ani mi yum nak awn, Khanpughi ah ma ah m’lung üp thamah ne mi gawk pyi ci.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

HEBRU 10:10

Bawipa Jesuh Khrit naw Khanpughi ah ang yak hlü läk ne, amät ah pumsa cu, ang bäng ge ah ap ne a peit ah kyasei, mikmi cu theingcim nak mi gah ci.

1 PETER 3:19

Mumcha awn a ghin nak awn thawng kyum ci gui ah mümcha ah hteit ne thu pyein ci.