1 PETER 3:17 - Cho Bible Common Language 2016

¹⁷ Khanpughi naw ang yak hlü a om ung, akni bi netah gein vai nak cu, akshe bi netah geinvai nak ah mä bä tu ba ci.

1 PETER 3:17 Referans Kwoze

1 PETER 3:14

Cun ung phi akni nami bi ah hmawk ah ning shedam nah gui ci a om ung, yeikyai vä, kä kyikyawk en vä, kä ng’ä ng’ai en vä.

1 PETER 4:19

Cun ah kyasei Khanpughi ah ang yak hlü ah geinvai nak gah ciah chang gui cu, akni ah hnüntho u ne, angtäi sei a shaitaak küm ciah Pushihpi ah ami ghin nak avan ng’ap u sä.

MATTHE 26:39

Cun kawn ah ama lam ah api vang nawn ne, khomdek ung ng’bawk netah, “Oh, Kapa bäpi khai a kyak ung shin ah yaica nak ah khap cu na hen pe ba ä, cun ung phi kei ah ng’yak hlü ah kä kyak ci, na mät ah ng’yak hlü ah kya sä,” cine taigü ci.

1 PETER 2:20

Nangmi cu nami cheishoh nak ah hmawk ah ng’lüm ne geinvai nak nami aut ah phäh ah ning m’hlüngtai gui vai, a i kä om ci nei, cun ung phi düng nak nami bi ah hmawk ah geinvai nak cu ng’lüm ne nami aut läi ung, Khanpughi naw bä nak ning m’shumphyuk gui khai nei.

LAMKTU 21:14

Paul cu m’cäi ne kä gah u netah kei mi naw, “Khanpughi ah ang yaak hlü ah kya sä” cine kami om düüt ci.

MATTHE 26:42

Bawipa Jesuh cu ang hnih vei nak ah hteit ba mä netah, “Oh Kapa shin ah yaica nak ah khap cu kei naw kä ka awk ung käng phlän khai ah a kyak ung, nang ah ng’yak hlü ah kyak sä,” cine taigü ci.

1 PETER 4:15

Nangmi ungka chang tumat phi ngawn sih nak, m’guuk nak, kiawi m’sau nak, pigaw k’bou pahta m’chaa nak ah hmawk ah geinvai nak kä gah en sä.

1 PETER 2:15

Akni ah nami om ih nak awn chang k’gu k’aang gui ah thu m’gawng cu nami shungshet vai ah Khanpughi naw ng’ya hlük ci nei.

LAMKTU 18:21

“Khanpughi naw ang yaak hlü a om ung nang mi ah om nak ah ka law ba khai nei” cine kyak na gui netah, Ephesus ung kaa naw hteit ba ci.

1 PETER 1:6

Nangmi cu yaica geinvai nak a hlü hlü om sei tuhbäi nami thüisei ung phi, ak khan ah a mawng gui cu ngai ne yeikyai vä.