Biblia Todo Logo
Bib sou entènèt

- Piblisite -




1 PETER 3:13 - Cho Bible Common Language 2016

13 Akni nami bi ung a u naw nangmi cu kä ning kawng gaa na gui khai nei.

Gade chapit la Kopi




1 PETER 3:13
13 Referans Kwoze  

Bawipa cu nami yei nak ah a kyak ung, nami gaa cu teihpüii ah nami pyang hning khai.


Akshe cu akshe awn kä nami thung ba vai nei, nami mät gui ah ni kiom nak vai ah, chang avan ah ni kyom nak vai cu, angtäi sei shui ne nami tha nak vai nei.


Khanpughi m’hni u sei ang yak hlü ah a khü gui ah chang gui naw, ami bilawh nak ungka ng’dang lawk khai ah, Khanpughi naw ngahmi awn a täng ah a bilawh cu mi hmat ci.


Ka püi gui aw, akshe cu kä nami thei tu vai, akni cu nami thei tu vai nei. Akni bilo ciah chang ung Khanpughi om ci, akshe bilo ciah chang naw Khanpughi kä hmuk ci.


Kei naw düng ci bi vai ka tha nak ah hmawk ah, akni cu akshe awn thung ciah chang gui naw, na hnu ng’tuk püi ci gui nei.


a om ani ah mawng ngaih gep nak om khai, a hta gui ak ni ah m’htei ci, khin chang m’htei ci, yum ciah chang gui ni kyom püi gui ci, yaica ciah chang gui m’htei gui ci, nik ciah bi phung tha na ne bik ciah kyak khai.


Cun ah kyasei m’hni nak nami k’pan vai ah läk vä. Mumcha m’cümhnah nak cu ng’yak hlü nak om sä, Khanpughi ah ng’thu ng’shäu ne pyein nak cu ak tung ah ng’ya hlü pi vä.


Akni ah kä om ci naw a kyih vai kyak ci akni ah om ci naw akyih vai kä kyak ci. Huham om ciah bawi cu kä na kyih hlü ung akni ah na om vai nei, cun ung ani naw ning m’hlüngtai khai nei.


Bawipa naw changshe gui ah lam cu thui nak ci, cun ung phi dung nak bik ciah chang cu m’hni ci.


Nangmi cu Khanpughi ah hta nau gui ah nami kyak ci, ani ah mäih ah om vai ah nami tha nak vai.


Chang düng gui ah khan ah akaa kä gawk lawk khai, changshe gui cu akholä ah kyak ci, cun ung phi yaica nak om khai.


“Hteit ne Jeremiah hmu neta ak ni ah m’hter ä. Akna ah kä na bi vai, cun ung phi angyak hlü phang nami bi pek vai.”


Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.


Swiv nou:

Piblisite


Piblisite