1 PETER 3:12 - Cho Bible Common Language 2016

¹² A i ah kyasei ci ung Bawipa naw chang k’ni chang k’veih gui cu, Ngäng gui ne, ami taigü cu ngai gui ci. Cun ung phi akshe bik ci gui cu ng’hlah ta gui ci.

1 PETER 3:12 Referans Kwoze

JOHAN 9:31

Khanpughi naw katnak bik ciah taigü kä ngai ci, Khanpughi kyih-aa ne ang yak hlü ah bik ciah chang ah taigü vah ngaih pek ci.

NG'THU K'THUUK~ 15:29

Changni ah taigu cu Bawipa naw ngaih pek ci, cun ung phi changshe gui cu nawng gui ci.

NG'THU K'THUUK~ 15:3

Bawipa naw a hawi, a i ah kyak ci cicu hmuk ci, ani naw na ngang gui ci, akni akaa mi bi cu na teng gui gi.

2 SHONTÄP NAK 7:15

Kei naw shin ah Taigüim cu ka ngäng khai, Shin ung ami taigü avan cu ka ng’ya pe gui khai.

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

2 SHONTÄP NAK 16:9

Bawipa naw khomdek khan avan cu k’pang ne teng ne, amlung kyong avan awn ani ah khan ah bekhüt ci gui am k’thagui cu pe gui ci nang cu akgu k’ang ah na hnüntho ci, cun ah kyasei tuhbäi ung tün ne nang ah khan ah ng’tuk nak om lä khai” cik ci.

JAMES 5:16

Nami shetkat nak tumat la tumat ng’kiaa ne ng’paa na tu u ne, tumat la tumat nami ng’taigü tu peit vai nei, cun ung gai nak nami gah khai nei. Chang k’ni ah taigü nak cu hlüngtai küikyang nak om ci nei.

SAM 65:2

a i ah kyasei ci ung nang naw taigü cu na ngai ci. Kho nü ung ka chang gui cu law u ne, ami katnak cu khei lawk khai gui nei.

EZEKIEL 15:7

Ka m’kyuk gui khai. Ngami cu mei tumat phiawn nak ci gui, cung phi tuhbäi mei naw ui gui khai. Kei naw ngami ka m’kyuk law gui ung nangmi naw kei Bawipa ah ka kyak cu name hmat khai nei.

THULÄÄN NAK 11:12

Bawipa nami Khanpughi naw shin ah khaw cu m’htei ne, a kum pum a ngäng ah kyak ci.

SAM 80:16

Kami ga gui naw mei awn m’khih u ne, tupit ci gui ne; Na m’lungshe nak awn teng ne yuk m’di gui ä!

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

TAIGÜTHUM 20:3

Chang tumat mat naw a hta tumat mat cu Molek am pe ne, khawphung theing cu kä theingthap khai ah bi ne, ka ming theing a thüisei sak ah a kyak ung, kei naw hnungtuk ne ka ng’hlah tak khai, ani cu ka chang tumat ah kä ka k’bäi ba khai.

JEREMIAH 21:10

Shin ah mang gaw cu kä m’düm ne m’di vai ah kei naw ka m’lung ung ka k’bäi pyi ci. Shin cu Babilonia ghangpughang am ap vai, ani naw m’dek ung khüt khai ah m’khih khai. Kei, Bawipa naw ka pyen ci nei.”

SAM 11:4

Bawipa cu a pum im theing ung om ci; Khankho ah amang kyang om ci. Ani naw chang gui ah om nak phung cu teng ne, ami bi law nü cu hmat ci.

TAIGÜTHUM 20:6

“Chang tumat mat cu aksi ah mümcha ah luh nak ah chang, m’cumcäi tuk khai ah a hteh ah a kyak ung, kei naw hnungtuk ne ka ng’hlah tak khai. Ka chang tumat ah kä ka k’bäi ba khai.

TAIGÜTHUM 17:10

Israel chang gui, kä cung ami ng’lung ah om tuk ciah khuihei chang gui naw, si om ciah sa a ei ah a kyak ung Bawipa naw hnu na ne ng’hlah tak khai, ani cu a chang tumat ah kä k’bäi ba khai.

SAM 33:18

Ani ngai ci la ng’täi ciah am hni nak ung ng’ap cicu Bawipa naw ngäng ci.

JEREMIAH 39:12

“Hteit ne Jeremiah hmu neta ak ni ah m’hter ä. Akna ah kä na bi vai, cun ung phi angyak hlü phang nami bi pek vai.”