1 PETER 2:9 - Cho Bible Common Language 2016

⁹ Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

1 PETER 2:9 Referans Kwoze

THULÄÄN NAK 7:6

Shin ah nami bi vai cu a i ah kyasei ci ung, Bawipa nami Khanpughi naw ning khäm gui ci. Khomdek chang avan ungka, nangmi cu a mät ah chang aktung ah ning ghü gui ci.

THU PHLAAN 1:6

Apa Khanpughi ah khuut bi vai ah a uknak khaw ung Taigü ah na m’düih gui ciah Bawipa Jesuh Khrit cu, hta ng’shon ung bämang ne hlüngtai ne om sä! Amen.

THU PHLAAN 5:10

Nang naw ngami cu Khanpughi ah khuut bik khai gui ah ngung nak ah taigü ah na k’hmoh gui ci. Ngami naw m’dek khan ah uknak cu gah khai gui nei,” ciah kyak ci.

ISAIAH 61:6

Nangmi cu khanpughi ah changshäm gui, Bawipa ah taigü gui ah ning hmat gui khai gui. Nangmi cu chang pakhui gui ah khawh cham awn yeikyai u ne, a cun gui nami ka-nak ah mawng nami khähghah khai.

2 TIMOTHI 1:9

Na hun gui ne amät ah chang ah anam hnüt gui cu, mi mät ah bilawh nikiom nak awn ah kä kyak ci, amät ah ng’bü nak la m’gein nak awn ah kyak ci nei. Khanpughi naw kho kä ang tün pha ge ung cun ah m’gein nak cu, Bawi Khrit Jesuh ung na pe gui ci.

THULÄÄN NAK 14:2

Nangmi cu Bawipa nami Khanpughi naw ning khäm gui ci. Khomdek khan ung om ciah chang avan ungka, nangmi cu amät ah chang ah ning ghü gui ci.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

THULÄÄN NAK 10:15

Cun ung phi Bawipa naw nami pupa gui, am hni nak cu ghaat aih ci kya ne a hei chang gui ah hnün ung ani naw a ning ghü gui ah kyak ci. Nangmi cu tuh ä ani ah ghü ah chang ah nami kyak ci.

ISAIAH 26:2

Mang gaw m’kawt gui hmawng vä, bekhüt ciah pakhui luh sak vä, cun ah pakhui cu düng nak bik ciah kya sä.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

THU PHLAAN 20:6

Cun ah ak htük ung tho ba ci gui cu yeikyai nak la hlüngtai nak awn kümbe ci gui. Hnih vei sih nak naw ngami kä k’phaa tu ba gui khai. Ngami cu Khanpughi la Bawi Khrit ah k’taigüi ah kya u ne, Bawi Khrit awn a täng ah khokum phiaa ghaa ung uk tuk khai gui.

SAM 33:12

Khanpughi, Bawipa nak ciah pakhui cu yeikyai nak om ci; Ak chang ah a ghü ah pakhui cu yeikyai nak om ci!

MATTHE 5:16

Acun ah mäih ah chang gui naw akni ah nami om cu ning teng gui u ne, khankho ah om ciah nami Pa cu ami m’hlüngtai vai ah, chang gui ah ma ah nami dei nak cu va deikhang sak vä.

THULÄÄN NAK 4:20

Cun ung phi nangmi cu Egypt khaw mei k’cang ungka aning gun ba gui ah chang ah nami kyak ci. A tuhngawi ah mät ah chang ah a ning pyan gui vai ah aning law püi ba gui ah kyak ci.

KOLOSE 1:13

Ani naw mühmüp ah huham ung kaa, na k’plawk gui ne, A Htapa ah uknak kho ung phyawng ne gawk vai ah na hteh püi gui ci nei.

1 KORIN 3:17

Cun ah kya sei Khanpughi ah pum im m’shet ci cu, Khanpughi naw m’shet khai. A i ah kya sei ci ung Khanpughi ah pum im cu ng’ciim ci, nangmi nami mät cu Khanpughi ah pum im ah nami kyak ci.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

ISAIAH 66:21

Kei naw ngami ungka amshah cu taigü la Levites ah ka pyang gui khai.

ISAIAH 42:16

“Kei naw amik m’dauh ciah ka chang gui cu kä ami hteh nak man ah lam ung ka ng’khah püi gui khai. Ami mü hmüp nak cu akdei ah ka m’hlat khai, ghat ciah khaw cu ami ma ah ng’mi khai ah ka pyang khai. Shin gui cu kei ah shaitak ah kyak ci, kei naw kä chah ne ka k’pang khai.

ISAIAH 41:8

“Cun ung phi, Nangmi, Israel ka changshäm gui, Nangmi cu ka ning ghü gui ah chang, ka teihpüi, Abraham ah htangshon ah nami kya ci.

ISAIAH 9:2

Hmüpkhui ung hteit hton ciah chang gui naw dämduh ciah akdei hmuk ci gui nei. Ngami cu sihnak ah shung ah khaw ung ami om man ung phi, Tuhbäi akdei cu ami khan ah ng’shü ci nei.

PHILIPPIAN 3:14

Cun ah kya sei kei cu ng’chuh dou vai ah m’kawt bü ne ka dawng ci nei. Cun ah ng’chuh cu khankho ah ghin nak vai ah Bawi Khrit Jesuh ung Khanpughi ah ng’khü nak ah kyak ci.

ISAIAH 44:1

Bawipa naw pyen ci, “Tuhbäi ngai vä, Israel gui, ka changshäm gui, ka ghü ah chang gui, Jakob ah hta ng’shon gui.

MATTHE 4:16

Ak hmüp nak ung om ciah chang gui naw, akdei khang hmu lawk khai gui; Sih nak ah khomü ung om ciah chang gui ah khan ah, Akdei khang cu gawk lawk khai nei,” cine pyein ci.

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

LUKA 1:79

Sihnak ah ang hnim ka ah om ci gui ah khan ah khankho ah akdei cu khang lawk khai, mikmi-am phi ding gei nak lam nam shüm gui khai” ciah kyak ci.

SAM 106:5

Na chang gui ah bä mang cu na hmuk sak ä, Na pakhui ah yeikyai nak cu na k’pai toä, cun ung nang ah shon lam ung kei ka ng’häh leh khai nei.

ROMAN 9:24

Mikmi cu Khanpughi ah na khü ah chang gui ah mi kyak ci. Khanpughi naw mikmi a na khü nak gui ung, Jew chang gui ung kaa bäng ah kä kyak ciah, chang khui hei gui ungka phi khü gui ci.

LAMKTU 26:28

Akrippa naw Paul am, “Nang naw kei cu, a shäng hta ung khritha ah na na kyak sak khai ah na ngai ci maa?” cine pyen nak ci.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

EPHESIAN 1:6

Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!

SAM 73:15

Kei cu cun ah mäih ah ng’thu ka pyen ah akyak ung, kei cu nak chang tumat ah mäih ah phi kä ka kya hlawt khai nei.

SAM 22:30

Malam ah hta ng’shon gui naw a khuut bik khai gui; Chang gui naw Bawipa mawng cu lawk ciah ng’shon ung pyen khai gui.

EPHESIAN 1:14

Cun ah Mumcha Theing cu Khanpughi naw ak chang gui-am apeit ah shaitaak cu mi gah vai ah ang kyän nak ah kyak ci. Cun ah kyasei Khanpughi naw, amät ah chang gui-am kümbe ciah phiawn nak, na pe gui ci, cicu ngaih gep vai kyak ci. A bämang nak cu mi m’kümto khai nei!

JOHAN 17:19

Ngami naw bi bi nak vai ami pumsa ami ap nak hlawt vai ah, kei naw ngami ah hmawk ah ka pumsa cu ka ap ci.

EPHESIAN 3:21

Cun ah Khanpughi ah bäkhäk nak cu, khrithabum ung la Bawi Khrit ung a kho phlüt ah ng’shü ne om sä! Amen.

1 SAMUEL 12:22

Bawipa naw thuk ng’kau ciah shaitak bik ci, ani naw kä ning nawng gui khai, ani naw amät ah chang ah ning pyang gui khai ah k’bäi pyi ci.

SAM 118:27

Bawipa cu Khanpughi nei; Ani cu mikmi ah khan ah ni aih ci nei. Nami kut ung sing ban gui kawt ne, pawi cu tün vä, sonkiang cu veing ne hteit vä.

SAM 135:4

Ani naw amät ah hmawk ah Jakob cu ghü ne, Israel chang gui ci kaa na gui ci.

ISAIAH 62:12

Nangmi cu “Khanpughi ah Theigcim ciah chang”, “Bawipa naw a hun ah chang” cine ning khü gui khai gui nei. Jerusalem cu, “Khanpughi naw a m’hni ah mang gaw.” “Khanpughi naw kä a nawng phung ah mang gaw” cine khü khai gui nei.

MALAKHI 3:17

Hlüngtai ciah Bawipa naw, “Ngami cu ka chang ah kyak khai gui, kei ka hnün thawh law hnüüp ung ngami cu, ka chang akcang ah kyak khai gui. Amät m’thei ciah a hta ah khan ah apa naw a chimgein ah mäih ah ngami cu ka chimgein gui khai.

THULÄÄN NAK 18:2

A hei pakhui gui ah mäih ah ngami cu a i khaw phi kä kaa na tuk ci gui, ngami ah chaw cu Bawipa ah shaitak ah mäih ah Bawipa ah taigü ah kyak nak ah kyak ci.