1 PETER 2:6 - Cho Bible Common Language 2016

⁶ Cacim theing naw, “Kei naw küikyang ciah k’toulung tumat cu ghü ne, Zion m’htung ah m’kiungtung ah Kang ling ci nei: Ani yum ciah chang phung cu Kyihkyawk nak kä om khai nei”, ciah pyein ci.

1 PETER 2:6 Referans Kwoze

ISAIAH 28:16

Tubäi, shin cu, uktu Bawipa naw a pyen nei, “Kei naw Zion ung angnei ka k’süm ci, cun cu khäng ne, khüi ci nei kei naw lungtung am liu ka ng’ling ci nei, ‘Khäng ciah yum nak naw ngaihgei nak phi kyak sak ci!

1 PETER 2:4

Bawipa ah law vä, Bawipa cu ghing ciah k’toulung ah kyak ci. Ani cu chang gui naw lung düt cine nawng pang u sei phi, Khanpughi naw a ghü ah ak küikyang ah kyak ci.

EPHESIAN 2:20

Nangmi cun phi Angdüih püi gui la purofet gui naw ami k’süm ah lung ung ng’lin ah nami kya pyi ci. Cun ah lung k’tung cu Bawi Khrit Jesuh amät ah kyak ci.

ZEKHARIAH 10:4

Ami mät ungka ka chang gui uk gui khai ah uktu gui, aghampa gui, thumkhän thei ci gui, om lawk khai nei.

MAKUH 12:10

Cacim ung om cicu nami phat man khai nei; ‘Lung im co ci gui naw, ami nawng düt ah lung cu, Ak küikyang pibäih ah lungtung ah kya lawk ci nei.

ROMAN 10:11

Cacim theing ung, “A u chang phi Bawipa yum ciah chang cu thüisei nak kä om khai,” ciah om ci.

ISAIAH 50:7

Cun ung phi ngami ah hedam nak naw kä ne nat sak ci, a i ah sei ci ung uktu Bawipa naw na m’hteihtang ci. Cun gui m’khüt vai ah kei naw ka tha ka lak ci. Kei cu kä ka lü ng’aa khai ah kei naw ka hmat ci,

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

2 TIMOTHI 3:16

Cacim Theing avan cu Khanpughi naw Mumcha hlüngtai nak awn ak be ah kyasei, thu thuuk m’theithang nak, m’cäi m’ä nak, cheishoh m’dang nak, sheitkat pyan nak, la düng sei ghin nak vai ah m’shümthein nak gui ah mawng ah kyak ci.

JOHAN 7:38

Cacim ung om ciah mäih ah, kei na yum ciah chang ah m’lung kyong ung ghin nak tui cu, tui-ci lawng ah mäih ah khawng ne long khai nei” cine m’lau ne pyein ci.

ISAIAH 54:4

Kä na kyih vai, nang cu kä na lü ng’aa ba khai; a u naw kä ning yuk chah ba khai. Na hmaw sang ung kä bekhüt ciah chu ah na kyak nak la hmeinu ah kya ne, a i ah kä kya thei ne na om nak gui cu na m’hnih khai nei.

LUKA 23:35

Chang gui naw ng’düi ne ami dan yah ung Jew chang ng’vai gui naw, “Shin ah chang cu chang hei gui hun gui ciah, Khanpughi naw am düih ah Messiah ah a kyak ung amät naw, amät hun law shüm sä” cine päipih ci gui.

MATTHE 12:18

“Shin cu kei naw ka ghü ah ka changshäm, Kam hni, ka yeikyai nak nei. Kei ah ka mümcha cu ani ah khan ah ka gawk sak khai, Ani naw kei ah k’bäi ah m’khoichaa nak cu kho nüng ung ng’shäu khai nei.

ISAIAH 41:11

“Nangmi ning m’lungshe na gi ci cu, nat nak, lüng’aa nak gah khai. Nangmi hnung’tuk ne, ning tukpüi gui ci cu sik khai.

SAM 89:19

Caupui bekhüt ciah na chang gui am muimang ung nang naw na m’thein gui cu, “Ming thang ciah gakap cu kei naw m’theithang nak ka pek ci; ka chang gui ung ka, ka ghü tumat-am mangkiang cu ka pek ci.

SAM 40:14

Kei na ngawn khai ah pawng ci gui cu akbe ah shung u ne, thüi ng’a u sä. Kei ah geinvai ah phäh ah yeikyai ci gui cu ng’lat ba ne lü ng’a u sä.

2 PETER 3:16

Shin cu Paul naw a guk ah ca ung ang dang sak ah mawng ah kiak ci. Cun ah ca ung kä hmat yäi vai amshah om ci. Kä hmuhmat la lawklak ciah chang gui naw ang lihlat ah, khei ne pyein ci gui. A hei cacim gui cun phi acun ah mäih ah m’ki m’hlat u sei, ami mät ah dimaih nak vai ah kyak ci.

2 PETER 1:20

Cun ung phi cacim cu a u chang naw phi amät ah ngaih ah kä k’phlan thei ci, cicu nami shüm vai nei.

EPHESIAN 1:4

Khanpughi naw khomdek kä a tüi pyan pha ge ung, mikmi cu Bawi Khrit ung kawng ät nak awn, a ma ah shetkat nak kä om sei theingcim ciah mi kyak vai ah a na ghü gui pyi ah kyak ci.

LAMKTU 1:16

Cun kawn ah Peter cu ng’düi law ne tah, “Phäi näu gui aw, Bawipa Jesuh phak khai gui am, lam shüm gui ciah, Judas Iskariot ah mawng ca ng’cim ung om cicu küm pyi ci nei. Cun ah ca ng’cim cu Mumcha Theing naw David ah ng’thu awn a pyein ah kyak ci.

ATÜNNAK 49:24

Cun ung phi ali cu m’htung ge ci. Akut phi khüi ghat ci. Jakob ah m’gäi ciah Khanpughi ah huham awn la Israel ngäng ciah Htome shäm awn ah kyak ci.

ISAIAH 46:13

Kei naw näng nak ah khohnüüp cu ng’et khai ah ka law püi ci nei Cun cu kä shou aih ci nei. Kei ah näng nak cu kä shou aih ci nei. Kei ah näng nak cu kä shou cang khai nei. Kei naw Jerusalem cu ka hun khai a cu ah Israel gui m’tamkhah nak cu ka law püi khai nei.”

LUKA 20:17

Bawipa Jesuh naw, chang gui teng gui netah, “Lung im co ci gui naw, ami ghawh ah lung cu, a phu küi pibäih ciah, lung ah kya lawk ci” ciah cacim ah mawng cu ka ning m’thein gui khai.

1 PETER 2:8

A hei cacim ung, “Cun ah lung cu chang gui ah m’thuihshawng nak vai la, Chang gui ah ng’vawn ng’täät nak vai ah kyak ci”, ciah om ci. Ngami cu thucim kä yum ci gui ah kya ne, ‘Thuihshawng ci gui, cun cu ngami ah hmawk ah Khanpughi naw am’hnüt ah kyak ci.