25 Nangmi cu lam hma ne maih ciah htome ah mäih ah nami kyak ci, cun ung phi nami m’lung ning shum gui ciah Htoshäm ah ma ah nami gawk law ba pyi ci nei.
Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.
Cun ah kyasei kei ah htome cu khogui khomhtung yung ah ng’väivam ci gui. Ngami cu khomdek ah hmai küm ne püi ci gui, a u naw kä shui ba gui ci, a u naw hmuh ba gui vai ah kä tha nak ci.
Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.
Ani naw a htaw gui cu htoshäm ah mäih ah m’htei gui khai; Ani naw ktome hta gui cu k’bum gui ne, a kut awn bäm gui khai; Ami nu gui cu ang awigi ah lamshüm gui khai. Israel gui ah Khanpughi.
“Nangmi naw a i cha ah ang nami ngaih: chang tumat naw htome phia a vuh ung kaa, tumat a maih ung ani naw ko-kip-lei-kaw cu khongnawi khu li hmu ah nawng shüt netah, maih ciah htome cu shui ba ci.
Ka changshäm David ghangpughang ah mäih cu ghangpughang nak khai gui. Ngami cu uktu tumat ah ka ah om u ne, kei ah thukhän gui cu bekhüt ne läk khai gui.
O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,
Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.
“Babilon ung om ciah a khohei chang gui cu ami mät ah khaw ah dawng ba khai gui, sakap ah kut ung ka phyawng ne püi ciah kigang ah mäih, htoshäm kä om ciah htome ah mäih ah kyak khai gui.
Cun ung phi mikmi ah katnak ah phäh ah ani cu leimbai ne, mikmi naw akshe mi bi ah phäh ah tuk thah nak gah ci. Ani ah yai ca nak ah m’kyuk nak awn mikmi cu gai nak mi gah ci. Ani ah gah ah tuk thah nak awn mikmi mi phyawng ci.
Cun ah mümcha gui cu Noah naw hteinpaw im a cawh yah ung, hnimgein nak awn ngäng gui ciah Khanpughi ah ng’thu cu kä läk ci gui ah kyak ci. Cun ah tui ung hteinpaw kyong ah om ciah chang sing cheit htabäng cu hun nak gah ci gui.