1 PETER 2:22 - Cho Bible Common Language 2016

²² Bawipa kä sheka man ci, a hleei a pyein phi u naw kä ng’ya man ci.

1 PETER 2:22 Referans Kwoze

ISAIAH 53:9

Ani cu hnü ät phi kä cawi m’sa man ci, kä hleei man ci, cun ung phi changshe gui awn atäng ah ng’ciim hmun ung tha ci gui, Büh mang ci gui awn atäng ah phuh ci gui.

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

1 JOHAN 3:5

Bawi Khrit cu cheishoh nak theek sak khai ah kyum lawk ci, cicu nami hmat ci; Bawi Khrit ung cheishoh nak kä om ci.

THU PHLAAN 14:5

Ngami cu a i sang ung phi kä hleei ci gui, m’kat nak gui vai a i kä om ci.

1 JOHAN 2:1

Ka hta nau gui awi, nangmi kä nami cheishoh vai ah shin ah ca ka ning guk law gui ci nei. Cun ung phi chang tumat mat cu a cheishoh law ah a kyak ung mikmi ah hmawk ah nang paa pe gui khai, düng ciah Bawi tumat om ci nei, cun cu Bawi Jesuh Khrit ah kyak ci.

HEBRU 9:28

Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.

LUKA 23:41

ni mät ah katnak awn ni mät ni hteit ciah kyak ci, cun ung phi a ni cu a i phi akat nak kä om ci nei” cine pyen nak ci.

JOHAN 8:46

Kei naw katnak kabi ah mawng a u naw m’dang hning khai ang? Kei naw düng nak akcang ka pyein ung a i ah kyasei kä nami yum ang?

JOHAN 1:47

Bawipa Jesuh naw Nahtanelah a law hmu netah, “Ani cu, Israel chang akcang ah kyak ci nei, ani ung hleeihlak nak kä om ci nei” cik ci.

LUKA 23:47

Acun gui cu gakap bawi naw hmu netah, “Shin ah chang cu akcang ah, changni chang khän ah kyak ci, cine Khanpughi m’hlüngtai ci.

MATTHE 27:19

Pilat cu ng’thumcha nak yung ah a ngoh yah ung akchu naw chang tumat tüi law ne, “Cun ah katnak kä bik ciah chang cu, a i ah phi kä na ci-en vai nei, yanmü kang mang ung ani ah phäh ah kam lung kyong ang htei ah yaica ci nei,” cine pyein law sak ci.

MATTHE 27:4

Cun kawn ah ani naw, “Kei naw katnak kä om ciah chang cu sih nak vai ah ap ne, katnak bäih ka bik ci nei,” cik ci. Cun ung phi nangmi naw, “Shin ah mawng ung keimi kä na nak phaa gui vai, na mät ah bi ah kyak ci,” ci nak ci gui.

SAM 34:13

Akshe ah kä nami ng’thu vai, nami hleei kä nami pyen vai.