1 PETER 2:20 - Cho Bible Common Language 2016

²⁰ Nangmi cu nami cheishoh nak ah hmawk ah ng’lüm ne geinvai nak nami aut ah phäh ah ning m’hlüngtai gui vai, a i kä om ci nei, cun ung phi düng nak nami bi ah hmawk ah geinvai nak cu ng’lüm ne nami aut läi ung, Khanpughi naw bä nak ning m’shumphyuk gui khai nei.

1 PETER 2:20 Referans Kwoze

1 PETER 2:19

Nangmi cu Khanpughi ah ng’yak hlü nami hmat ci kyasei, kä khinkhaa ciah geinvai nak nami gah ah a kyak ung, cun ah hmawk ah Khanpughi ah m’shumphyuk nak nami gah khai nei.

1 PETER 3:17

Khanpughi naw ang yak hlü a om ung, akni bi netah gein vai nak cu, akshe bi netah geinvai nak ah mä bä tu ba ci.

1 PETER 3:14

Cun ung phi akni nami bi ah hmawk ah ning shedam nah gui ci a om ung, yeikyai vä, kä kyikyawk en vä, kä ng’ä ng’ai en vä.

LUKA 6:32

“Ning m’hni gui ci bäng nami m’hni tu ba ung, a i hawkcha ah Khanpughi ah hrilham nami gah khai ang? Katnak bik ci gui naw phi m’hni gui cicu m’hni tu ba ci gui nei.

MATTHE 5:47

Nami teihpüi bäng nami ng’cengcäk püi ung, nami om ih cu a i chaa ah dang khai ang? Khanpughi kä hmat ci gui phi acun ah mäih ah om ci gui nei.

1 KORIN 4:11

Tuhbäichü akhin ung keimi cu kami cawigha ci, kami pükheei ci; Tukthah nak kami gah ci; im lo k’kaa ah om ne kami ng’plon shüi shüi ci:

MAKUH 14:65

Chang amshah gui naw Bawipa Jesuh cu ami m’shi awn m’thui ci gui. A hmai uk ne tuthat u netah, “A u ning tuthat ci ang pyein shüm ä” cine kyak nak ci gui. Taigütung ngäng ciah gakap gui naw a hmai cu k’beeih ci gui.

MATTHE 26:67

Cun kawn ah chang gui naw Bawipa Jesuh cu a hmai ung m’thui u ne, amshah gui naw thäk u sei, amshah gui naw a hmai ung k’beeih u netah,

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

EPHESIAN 5:10

Bawipa ah a yei kiai nak cu nami theithang vai nei.

KALATIAN 4:18

Ak ni su lam ah ngaih peit tu cu nik ci, kei naw ka ning om püi gui yah bäng ah kä kyak ciah, ngami cu angtäi sei acun ah ngaih tüh ei u sä!