1 PETER 2:2 - Cho Bible Common Language 2016

² Htanak thai ah ak hmawhta cu, suuktui a gha ah mäih ah, angtäi sei mümcha suuktui ah nami gha vai nei. Cun ung vah cun ah suuktui nami awk nak awn, däm ng’vai u ne, hun nak nami gah khai.

1 PETER 2:2 Referans Kwoze

EPHESIAN 4:15

Mikmi cu m’hni nak ah m’lung htek ung, thu thuuk mi pyein nak awn, chunglu ah kyak ciah Bawi Khrit ung ng’phaa vai ah, a mawng alam avan ung mi hlüngtai tuk khai nei.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

MAKUH 10:15

Kei naw akcang ka pyein cu, ak hmaw hta gui ah mäih ah Khanpughi ah uknak kä dou ciah chang cu khankho ah kä gawk tuk khai” cine pyen na gui ci.

1 KORIN 14:20

Phäinau gui aw, ak hmawhta gui ah mäih ah kä nami kyak vai nei; ak hmawhta gui ah mäih ah shetkat nak phiawn tah u ne, ang vai pyi ah mäih ah nami ngaih-tüh vai.

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

JOB 17:9

Ami mät naw ami mät chang nak ciah pyen ci gui naw k’cang ci gui ah pyen law pi k’täi ci gui nei.

2 THESSALONIAN 1:3

Phäi nau gui aw, nangmi ah hmawk ah angtäi sei Khanpughi cu kami m’kümto ci nei. Cun ah kami bi cu bä ci nei, a i ah kia sei ci ung, nami yum nak cu ng’ghotai law pi ne, nami ng’hni nak tu phi abäkhäk law pi ah hmawk ah kyak ci.

MATTHE 18:3

“Kei naw akcang ka pyein cu, nangmi cu ak hmawhta ah mäih ah nami m’lung kä nami m’thawng ung, khankho uknak ung kä nami gawk khai.

EPHESIAN 2:21

Ani naw cun ah imlo cu shum ne han chang sei, cun cu Bawipa-am ap ah bum im theing ah kya lawk ci.

ROMAN 6:4

Cun ah kya sei mikmi cu tui hnim nak awn Bawi Khrit awn a täng ah mi ng’phuh ne, ani awn a täng ah mi sik ci. Cun ah ani awn a täng ah mi sih ah mawng cu, Pa Khanpughi naw abäkhäk hlüngtai nak awn Bawi Khrit cu sih nak ungka a thawh ba sak ah mäih ah, mikmi cu ghin nak thai ung mi om vai ah hmawk ah kyak ci.

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

1 PETER 1:23

Nangmi cu ghing ci la angtäi om ciah Khanpughi ah ang thucim awn, ng’tüi ba ne, sih nak kä om ciah angtäi ghing ciah Khanpughi ah hta ah nami kyak ci nei.

2 SAMUEL 23:5

Shin cu Khanpughi naw ka hta ng’shon gui am a i cha ah hriham apek vai ah mawng ah kyak ci, a i ah kyasei ci ung ani naw ng’täi ciah thukhän cu kei ung bik ci nei, yum yawp nak cu kä ng’phyek khai, shai tak cu kä ng’thawng khai. Cun cu kei ah ng’yak hlü avan ah kyak ci; a cun cu kei ah näng nak ah kyak khai, Cun cu Khanpughi naw akcang ah law püi khai.

HOSEA 14:7

Hnü ät mä ngami cu kei ah shungvong nak ung om ba khai gui. Ngami naw htang cu geit u sei, sapyit ah mäih ah m’theih khai gui. Ngami cu lebanon sapyit tui ah mäih ah ming thang khai gui.

HOSEA 14:5

Kei cu Israel gui ah khan ah khong gau khaw ung khaw a aa ah mäih ah ka kyak khai. Ngami cu cheipai ah mäih ah pai khai gui. Ngami cu lebanon sing ah mäih ah khäng sei ng’yung khai gui.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

MATTHE 19:14

Bawipa Jesuh naw, “Akhmaw hta gui cu kei ah law u sä, kä ma na gui vä, khankho uknak cu shin ah mäih ah ak hmaw hta gui ah kho ah kyak ci nei,” cine pyen na gui ci.

LUKA 18:17

Kei naw akcang ka pyein cu, akhmawhta ah mäih ah kä yum ciah chang phung cu Khanpughi ah uknak kho ah kä lut hlawt khai nei,” cine m’thein gui ci.