1 PETER 2:19 - Cho Bible Common Language 2016

¹⁹ Nangmi cu Khanpughi ah ng’yak hlü nami hmat ci kyasei, kä khinkhaa ciah geinvai nak nami gah ah a kyak ung, cun ah hmawk ah Khanpughi ah m’shumphyuk nak nami gah khai nei.

1 PETER 2:19 Referans Kwoze

1 PETER 2:20

Nangmi cu nami cheishoh nak ah hmawk ah ng’lüm ne geinvai nak nami aut ah phäh ah ning m’hlüngtai gui vai, a i kä om ci nei, cun ung phi düng nak nami bi ah hmawk ah geinvai nak cu ng’lüm ne nami aut läi ung, Khanpughi naw bä nak ning m’shumphyuk gui khai nei.

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

LUKA 6:32

“Ning m’hni gui ci bäng nami m’hni tu ba ung, a i hawkcha ah Khanpughi ah hrilham nami gah khai ang? Katnak bik ci gui naw phi m’hni gui cicu m’hni tu ba ci gui nei.

ROMAN 13:5

Cun ah kya sei nang cu Khanpughi ah m’shetkat nak kyih nak bäng awn ah kä kyak ciah namät ah m’lung kyong theing cim nak awn, uk ciah bawi ah huham cu na läk vai nei.

JOHAN 15:21

Ngami naw acun ah bik khai gui, a i ah kyasei ci ung, nangmi cu kei ah chang ah nami kyak ci ngami naw kei na tüi lawk ci phi kä hmat ci gui.

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

2 KORIN 8:1

Phäinau gui aw, Macedonia Kho ah Khrithabum gui am Khanpughi naw am gein nak gui ah mawng cu ka ning m’thein gui hlük ci nei.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

SAM 119:86

Na thumkhän avan cu zumhtek nak ah kyak ci nei; chang gui naw hleei ne na dukdeiu nak ci gui nei, na m’htei ä!

SAM 69:4

Amawng kä om ciah kei na gen ci gui cu, ka lumu ah ta, da pi ci nei. Ka gaa gui naw ami hleei pyen ne na ng’küük neet püi ci gui, ngami cu m’gäi u ne kei na ngawn hlük ci gui. Kei naw kä ka m’guk phi na m’thung sak ci gui.

SAM 38:19

Ka gaa gui cu gai u ne, tha mah ci gui; Amawng kä om ciah na gen ciah chang gui cu da ci gui nei.

SAM 35:19

Ami gai pyen ne na gaih m’gin ne ka di vai ah, ka ga gui cu kä näng-en sak gui ä. A mawng ma a i kä om sei na thüi nak ci gui naw, ka thüi sangung kä na mik m’ghi en ah u sä.

JOB 21:27

Nangmi naw nami m’thüi cu kei naw ka hmat ci.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

HEBRU 10:2

A vai sü ah Khanpughi khawihnah ciah chang gui ah ami cheishoh nak cu, thukhän naw akcang ah theing cim sak ciah a kyak ung, cun ah chang gui naw ngami ung cheishoh nak kä om ba ciah ngai u ne, küikyan nak kä bi ba khai gui ah kyak ci.

1 PETER 4:15

Nangmi ungka chang tumat phi ngawn sih nak, m’guuk nak, kiawi m’sau nak, pigaw k’bou pahta m’chaa nak ah hmawk ah geinvai nak kä gah en sä.