1 PETER 2:17 - Cho Bible Common Language 2016

¹⁷ Chang phung cu nami chang m’sui vai, khritha phäinau cu anmi m’hni vai, Khanpughi cu nami m’tamkhah vai, ghangpughang cu nami kyih aa vai.

1 PETER 2:17 Referans Kwoze

NG'THU K'THUUK~ 24:21

Ka hta aw, Bawipa cu na kyih aa vai, Ghangpughang cu na m’tam khah vai. Ngami hnungtuk püi gui ciah chang awn nami bi ghawm vai a i kä om ci.

ROMAN 12:10

Nang mi cu tumat la tumat khritha phäi nau ah mäih ah nami ng’khawtsheng vai, tumat la tumat chang m’sui nak tu cu ang ghit ah nami bi vai.

ROMAN 13:7

Cun ah kya sei nang mi naw nami peit vai ah khin ci phung cu nami peit vai, a khawn m’cu vai ah a mawng om ciah phäh phung ah nami m’cu vai nei, uk ciah bawi gui ami van cu m’tamkhah gui ne nami chang m’sui gui vai nei.

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

HEBRU 13:1

Krihta ah kya ne tumat la tumat nami yumhni tu vai nei.

PHILIPPIAN 2:3

Khäghah nak hlü la mät ah ng’yak hlü shui nak awn a i phi kä nami bi vai, chang cu mät ah mä, bä tu ba ci, ciah ngaih tüh ne, nami m’lung nami ng’neim sak vai nei.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

PHYAWN NAK 20:12

“Na nu la na pa cu na chang m’sui vai, cun ung ka ning pek ah khaw ung ghing shon ne na om khai.

1 TIMOTHI 6:1

Khleihtein gui naw ami bawimang ami chang m’sui vai cu ami hmat vai. Cun ung vah Khanpughi ah ming la khritha ah m’theithang nak cu a u naw kä päipih kä pyeinsak khai.

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

TAIGÜTHUM 19:32

“Aghi ang vai gui cu chang m’sui ne, nami m’tam ngak vai. Kyih aa ne nami cuun ngaih vai. Kei cu Bawipa nei.

MATTHE 22:21

Ngami naw, “Ghangpughang ah müi, ghangpughang ah ming nei,” cik ci gui. Cun kawn ah Bawipa Jesuh naw, “Ghangpughang ah kaa cu ghangpughang-am ap ba vä, Khanpughi ah kaa cu Khanpughi-am ap ba vä,” cine kyak na gui ci.

THUSHÄUTU 8:2

Ghangpughang ah ng’thu nami ngaih vai, Khanpughi ah ang ghit ah shai kä nami tak vai.

EPHESIAN 5:21

Bawi Khrit nami chang m’sui nak ah tumat la tumat nami ng’nei ng’aan vai nei.

NG'THU K'THUUK~ 23:17

Hmakat ciah chang ah khan ah kä nami vamneng vai, Bawipa kyih aa sak ne, nami ghin päi vai.

NG'THU K'THUUK~ 1:7

Bawipa kyih aa nak cu hmuhmat nak ah a phung ah kyak ci, gu-ang ciah chang naw cüivai nak cu a i ah kä ngai ne, kä m’thei thang hlük ci.

SAM 111:10

Khanpughi kyih aa nak cu cüivai nak ah lam ah kyak ci; Ani ah thumkhän läk ciah chang phung-am gei ciah m’khoi cha nak cu pek ci. Ani cu angtäi sei m’taam nei.

1 SHONTÄP NAK 29:20

Cun kawn ah David naw chang gui thumkhän gui ci, “Nami Khanpughi Bawipa m’hlümtai vä!” Chang hli ami van naw ami pupa gui ah Khanpughi Bawipa m’hlüngtai ci gui, ngami cu kawp u ne Bawipa m’tamkhah u ne, ami ghangpughang phi m’tamkhah ci gui.

JOHAN 13:35

Nangmi tumat la tumat yumhni tu ne nami om ah a kyak ung, ning teng gui ciah chang gui phung naw, kei ah ning düihpüi gui ah ning hmat gui khai nei” cine kiak na gui ci.

1 SAMUEL 15:30

Saul naw, “Kei ka hma ci nei” ci ba ci. Cun ung phi ka chang gui ah ami ng’vai gui la Israel chang avan ah ma ah, chang m’sui nak bawta na m’dang pe ä. Kei awn a täng ah hteit tu ba ä, cun ung kei naw Bawipa na Khanpughi cu ka khawihna hlawt khai” cik ci.

ATÜNNAK 42:18

A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai.

ATÜNNAK 22:12

Khankho chang naw, “Cän ah a hmaw kä na tawn nen vai, a i phi kä na bi en vai, tumat bäng ah na hta cu kei k’thäh ngä sei, na na pek ci, Khanpughi ah ng’thu ngai ne na m’tamkhah cu ka hmat pyi ci nei” cik ci.

ATÜNNAK 20:11

Abraham naw, “Shin ah khaw ung chang gui cu Khanpughi kä kyih u ne ka chu ami ng’yak hlü ah hmawk ah kei cu na ngawn khai gui nei, ciah ngai neta ka bi nei.

ZEKHARIAH 11:14

Cun kawn ah Judah la Israel ah kawng ät nak, ka plawh nak ah ak hnih nak ah, “Kawng ät nak ah” ng’shopawng cu ka cheiuh ci.

1 PETER 2:13

Bawipa ah hmai teng nak awn huham om ciah chang ah uknak phung cu nami läk vai: Ghangpughang cu huham mah ci,