1 PETER 2:10 - Cho Bible Common Language 2016

¹⁰ Yanä nangmi cu Khanpughi ah chang ah kä nami kya man ci, tuhbäi ak chang ah nami kyak ci; yanä nangmi cu Khanpughi ah chimgein nak kä nami hmat man ci, tuhbäi ak chimgein nak nami gah pyi ci.

1 PETER 2:10 Referans Kwoze

HOSEA 2:23

Kei naw kho ung ka chang gui cu om sak gui ne ka bühmang sak gui khai. Kä m’hni ah ami khü gui am m’hni nak ka m’dang gui khai, “Nangmi cu ka ning chang gui nei,” cine ka pyen na gui khai. Ngami naw, “Nang cu kami Khanpughi nei” cine na m’shang khai gui.

HEBRU 4:16

Cun ah kyasei mikmi cu mi khüighaat ne, m’gein nak ah hmun Khanpughi ah mangkiang ung mi hteit khai nei. Cun ah hmun ung chik-hna nak la gein nak cu, mi ng’yak hlü phung ung mi gah khai nei.

ROMAN 10:19

Cun kawn ah ka ning shi ba gui hlü cu, “Israel chang gui naw cun ah a mawng cu kä hmuhmat man u ne maa! Khanpughi naw Moses ung ak htük bäih ah am hlan nak cu; Kei naw ka khü ah changpakhui gui cu mang ne Ka chang gui cu kam thüi sak gui khai; Chang pakhui k’she gui awn Ka chang gui cu kam lung k’she sak gui khai,” ciah kyak ci.

1 KORIN 7:25

Ca guh ne nami na ng’shi nak ah kä chucei mah ci gui ah mawng ung; Kei naw ka pyein vai cu Bawipa ah thukhän ah kä kyak ci, cun ung phi Bawipa ah nam gein nak awn, ng’ap ne khin ciah chang tumat ah ka kyak nak awn, ka mät ah ngaih cu ka ning m’thein gui nei.

ROMAN 11:30

Nang mi khui hei chang gui cu a yan ä, Khanpughi kä nami läk man ci; cun ung phi nang mi naw tuk bäi m’gein nak nami gah cu, Jew chang gui naw Khanpughi kä ami läk ah hmawk ah kyak ci.

2 SAMUEL 7:24

Nang naw Israel gui cu ngawi yä na chang ah na pyang gui ci nei, Nang, Bawipa cu ami Khanpughi ah na kyak ci nei.