1 PETER 2:1 - Cho Bible Common Language 2016

¹ Nami shetkat nak avan ng’hlah ta u ne, kä hleeihlak ne, kä thuvi ne, käm thüi m’khang ne, kä nawmpang kä ng’plah taang ne nami om vai nei.

1 PETER 2:1 Referans Kwoze

EPHESIAN 4:31

Thüisei nak, ngetngawng nak, m’lungshe nak gui cu nawng ge vä. Käng li ng’lai kä ng’plah ng’taang ba vä, käm thüikhang kä ng’gen hteet ba vä.

JAMES 1:21

Cun ah kyasei, kä nik ciah om ih la shekak ciah hnünthawh nak cu nami ng’cim sak vai nei. Khanpughi cu dou ne, Khanpughi naw nami m’lung kyong ah a geit ah thu cu nami kutshum vai, acun naw nangmi cu ning hun gui hning ci.

JAMES 4:11

Phäinau gui aw, tumat la tumat kä ng’täitawk tu vä. A khritha phäinau täitawk ne m’khoichak ciah chang cu, thukhän täitawk ne m’khoichak ciah kyak ci nei. Thukhän nami m’khoichaa ah a kyak ung nangmi cu thukhän läk ciah kä kya ne, m’khoichak ciah nami kyak khai.

1 PETER 3:10

Cacim theing ung, “Ak ding ak gei ah ghing ne, akni ak kyom ah om hlük ciah chang naw, ang thu m’gawng cu a khäm vai, am leidang ung hleeihlak nak kä a om men vai.

1 PETER 4:4

Tuhbäi nangmi cu ngami awn kä ng’cawng phyoot kä hlimtui ba uk ci sei, ngami cu cäicat u netah, ning päipih, ning sawngkhei gui ci gui.

1 PETER 4:2

Tuhbäi khomdek pumsa awn nami ghin nak ba ah a khin ung, chang ah ng’yak hlü ah kä ghing ne, Khanpughi ah m’hni ah nami ghin vai.

JAMES 5:9

Ka phäinau gui aw, tumat la tumat shetkat nak kä nami ng’lon nen tu vai, cun ung Khanpughi naw kä ning m’khoichaa gui khai. Thu m’chak khai cu gawk law ne ng’düi law pyi ci nei.

HEBRU 12:1

Mikmi ah hmawk ah saksi khai ah chang akda naw nak koi gui ci. Cun ah kyasei mikmi na tüihtook gui ci phung la na shum gui ne mikmi ung kawp ciah shetkat nak phung cu nawtpet netah malam ah ng’bü nak ung gawk vai ah k’tha nakcang ne mi dawng khai nei.”

1 TIMOTHI 3:11

Ami chu gui cun phi akni ah m’lung ngaih om ih ci gui ah a kiak vai, khleei khlam ci gui ah kä kyak en sä. Ciimvai lunglang ne, ngaih gep vai ah chang ah ami kyak vai.

SAM 34:13

Akshe ah kä nami ng’thu vai, nami hleei kä nami pyen vai.

1 PETER 2:22

Bawipa kä sheka man ci, a hleei a pyein phi u naw kä ng’ya man ci.

TITUS 2:3

Acun ah mäih ah hnumi ng’vaiba gui phi theingcim ciah ghin nak a om vai ah nam cäi gui vai nei. Ngami cu chang ah thang m’shet ci gui, kä cun ung yu ah khleihtein gui ah kä ami kyak en vai nei. Akni phung m’theithang ba thei ciah ami kyak vai nei.

SAM 32:2

Bawipa ah m’kat nak ah hma nak kä om ne, m’thüi m’khang nak ung am hlawt ah chang cu yeikyai nak om ci.

1 KORIN 14:20

Phäinau gui aw, ak hmawhta gui ah mäih ah kä nami kyak vai nei; ak hmawhta gui ah mäih ah shetkat nak phiawn tah u ne, ang vai pyi ah mäih ah nami ngaih-tüh vai.

ROMAN 1:29

Ngami cu shekat nak a hlü hlü bi u ne, ngetngawng nak, shemshai nak, ng’yak hlü aih nak, om k’she nak, m’thüikhang nak, chang ngawn nak, ng’tuk nak, hleeihlak nak, ng’u hngeit nak, gui cu m’chei m’shoh ci gui. Ngami cu khleei u ne;

LUKA 6:42

Na mät ah mik ek kä ghu ah a i cha ah na paw-am na mik ek ning ghu pe vang cine, na pyein thei khai yaw? Limmaa ciah chang gui ngai vä, na mät ah mik ek na ghu kawn ah vah na paw ah mik ek hmu ne a ghu vai ah nam thein thei khai ah kyak ci.

MATTHE 23:28

Acun ah mäih ah nangmi cun phi, ak pung ung chang ah ma ah, chang k’ni gui ah nami ng’shei ung phi, nami m’lung kyong ah thuvi nak la shetkat nak gui awn nami be ci.

MATTHE 7:5

Nang thuvichang, na mät ah mik ungka mik eek cu, na ghu ma vai; cun ung vah na phäi nau ah mik ungka ng’voihta cu ang htei ah hmuh ne na ghu pe hlawt khai.

SAM 37:1

Changshe ah hmawk ah kä nami ng’ä vai, cheishoh ciah hmawk ah kä nami m’thüi vai.

2 KORIN 12:20

Nangmi ah kei ka gawk law ung, ka ning hmuh gui hlü ah mäih ah kä ka ning hmuh gui vai la, nangmi naw phi kei cu nami na hmuh hlü ah mäih ah kä nami na hmuh vai ah kang ä ci nei. Ng’tukvook nak, m’thüikhang nak, m’lungshe nak, ng’küükneet nak, ghingshe nak, khleei nak, m’ghäm’ce nak, ng’go ng’gan nak gui ka hmuh vai ah ang htei ah ka ng’ä ci nei.

NG'THU K'THUUK~ 24:1

Changshe gui kä nami vamneng nak vai, ngami awn ng’khawt vai ah phi kä nami tha nak vai.

NG'THU K'THUUK~ 3:31

M’ghämce ciah chang ung kä na vamneng vai, ami bi ah mäih ah bi tu vai ah kä na k’bäi en vai.

THU PHLAAN 14:5

Ngami cu a i sang ung phi kä hleei ci gui, m’kat nak gui vai a i kä om ci.

1 PETER 2:16

Ng’pääi om chang ah kya ne nami om vai, nami ng’pääiyee nak cu akshe thuh nak vai ah kä nami mang-en vai, Khanpughi ah changshäm ah kya ne nami om vai.

JAMES 4:5

“Khanpughi naw mikmi ah kyong ah a thunthan ah mümcha cu, kyihkyawk vai ah ng’yak nak hlü awn be ci nei,” ciah cacim ung om cicu kä bä khai ah kä nami ngaih en vai nei.

JAMES 3:14

Cun ung phi nami m’lung kyong ah m’thüikhang nak, khaa nak, m’yawmhau nak gui om khätah nami cüivai nak awn nami khähghah ah a kyak ung, thudüng cu nami hnu ng’tuk püi ciah kyak ci nei.

1 THESSALONIAN 2:3

Keimi naw hmakat nak, kä ng’cim ciah m’lung ngaih la kä ng’düng ciah ng’bü nak awn kami ning m’cäi gui ciah kä kiak ci.

1 KORIN 5:8

Cun ah kya sei katnak la cheishoh nak ah kyak ciah k’caw ak pyim shumah m’htut awn ah kä kyak ciah ng’cim nak la ng’düng nak ah kyak ciah k’caw kä shum ah m’htut awn phiawn nak pawi cu mi bik khai nei.

JOHAN 1:47

Bawipa Jesuh naw Nahtanelah a law hmu netah, “Ani cu, Israel chang akcang ah kyak ci nei, ani ung hleeihlak nak kä om ci nei” cik ci.

LUKA 11:44

Nangmi ung shekat nak om ci. Nangmi cu a hnün kä om ciah ng’cim hmun awn nami täng ci. Cun ah ng’cim hmun cu chang gui naw akhan ah kai na u ne phi, ng’cim hmun bä ah kä hmat ci gui” ci ne kiak na gui ci.

ISAIAH 30:22

Nangmi naw ngui awn pyan ah a gup gui la ghui awn vook ah a gup gui cu ng’awt ah mäih ah ghawt u ne, “Kei ung ka ahei ah hteit ä” cine nami m’lau khai nei.

NG'THU K'THUUK~ 24:19

Chang shekha gui naw kä ning ng’ä ai sak en u sä! Kä na vam neng en nak gui vai.

NG'THU K'THUUK~ 14:30

Dimdeeih ciah m’lung ngaih naw pumsa gaigawng sak ci, m’thüikhang nak cu kenser gaw natnak ah kyak ci.

JOB 36:13

Khanpughi kaa ah om ci gui cu m’lungshe lä ci gui, m’kyuk nak ami khan law ung phi m’gein nak ami gah vai ah kä taigü ci gui.

LUKA 12:1

Cun yah ung phiaa m’ku-gha ah chang gui cu ng’tawn ne, ng’hnet tu ne gawk law u khätah, Bawipa Jesuh naw ang düihpüi gui-am, “Pharisee gui ah k’caw ah mäih ah ami thuvi cu nami geing nak vai,

MAKUH 12:15

Bawipa Jesuh naw ngami ah phawtcam nak cu hmat netah, “Nang mi naw a i ah kyasei kei ka shetkat vai ah nami ng’yak hlü ang? Tangka tumat ka teng vai law püi vä” cine kyak na gui ci.

MATTHE 24:51

ak nui ah tuthat sei thuvi chang gui ah gah ah mäih ah gah khai nei. Ani cu kyap ne m’lau ne aha htui ne gein vai khai nei.

MATTHE 15:7

Thuvi chang gui, nangmi ah mawng Isaiah naw a pyein cu, akcang ah bä ci nei, cun ah thu cu;

ISAIAH 2:20

Cun ah hnüüp a gawk law ung ghui la ngui ann ami pyan ah a gup gui cu ngami naw ghawt khai gui, k’bui gui la palak gui ah ng’lung ah nawng gui khai gui.

SAM 73:3

A i ah kyasei ci ung changshe gui bämang ne ami khawhmah ah hmawk ah kei cu ka m’thüi m’khang ci.