1 PETER 1:25 - Cho Bible Common Language 2016

²⁵ Cun ung phi Bawipa ah thucim cu ng’shon päng ung khäng ci,” ciah pyein ci. Cun ah thucim cu nangmi am ng’shäu ne ning m’thein gui ah Thu Ni ah kyak ci.

1 PETER 1:25 Referans Kwoze

ISAIAH 40:8

Ä, M’ghaw cu chawng ne, cheipai cu ng’yai ci, cun ung phi khanpughi ah ng’thu cu, khong län ung khäng ci nei.”

MATTHE 5:18

Kei naw akcang ka pyein cu, khomdek la khankho a om yah ah chuih cacim ung kaa, ca ng’lung ät, ca ng’ma ät phi kä dimaih düt khai. Cacim ung om ci phung avan küm yawp khai nei.

SAM 119:89

O Bawipa, na thu cu kho ng’län ung om khai nei, cun cu khankho ah angtäi ah om ci nei.

1 JOHAN 1:1

Ghin nak ah Thu ah mawng ca kami ning guk lawk ci, cun ah Thu cu ak htük ge ung om ciah kyak ci. Cun ah Thu cu mi ng’yak ci, mi mik awn mi hmuk ci, mi kut awn mi tawn ci.

2 PETER 1:19

Cun ah kyasei keimi naw profet gui ah ng’shäu ah ng’thu cu kami yum law pi ci. Cun cu nami ngaih-tüh kheng vai nei, a i ah kia sei ci ung cun cu hmüp khui ung mei m’däi ah mäih ah, kho a thaih law güt nami m’lung kyong ung khäng ciah thaihke aisi ah kiak ci.

SAM 102:12

Cun ung phi nang Bawipa cu angtäi sei ghangpughang ah na yak ci; hta ng’shon van naw ning shüm khai nei.

LUKA 16:17

Cun ung phi Thukhän shaitaakcang’ma ng’lung ät adi maih vai ah mä, khomdek la khankho adi maih vai cu yäi tuba ci.

EPHESIAN 2:17

Cun ah kyasei, Khanpughi awn nami ng’shawng te ciah chang khui hei gui la, Khanpughi awn ng’et ci gui ah Jew chang gui, nami van ah ma ah Bawi Khrit cu kium law ne, dimdeeih nak ah Thu Ni cu shäu ne pyein ci.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

JOHAN 1:1

Khomdek kä a ng’tüi pha ung Thu cu om ci. Thu cu Khanpughi awn a täng ah om ci. Thu cu Khanpughi ah phi kya ci.

SAM 102:26

Ngami cu maih khai gui, cun ung phi nang cu na om lä khai; Ngami ami van cu sui kheei ah mäih ah kyak khai gui, Nang naw na ghawt gui ciah mäih ah kyak khai, Ngami cu a kholä ah kyak khai gui.

1 JOHAN 1:3

Keimi naw kami hmuh la kami ng’yak cu nangmi am kami ning shäu gui ci. Cun ah kyasei keimi cu Pa Khanpughi la A Htapa Bawi Jesuh Khrit awn kami pui m’ca ah mäih ah nangmi cu kei mi awn a täng ah nami pui m’ca tuk khai nei.

1 PETER 2:2

Htanak thai ah ak hmawhta cu, suuktui a gha ah mäih ah, angtäi sei mümcha suuktui ah nami gha vai nei. Cun ung vah cun ah suuktui nami awk nak awn, däm ng’vai u ne, hun nak nami gah khai.

1 PETER 1:23

Nangmi cu ghing ci la angtäi om ciah Khanpughi ah ang thucim awn, ng’tüi ba ne, sih nak kä om ciah angtäi ghing ciah Khanpughi ah hta ah nami kyak ci nei.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

TITUS 1:3

Akhin küm law khätah, cun ah angtäi ghin nak cu, ang thu awn dang law sak ci. Cun ah Thu Ni cu kei am ana ap ah kyasei, mi Hunbawi Khanpughi ah k’bäi nak awn kei naw ka ng’shäu ci nei.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

1 KORIN 2:2

Nangmi awn a täng ah ka om yah ung kei cu Bawi Zesuh Khrih ah mawng la kutlam tung ung a sih ah mawng ah kawn ah a i phi avan m’hnih ne nawng shüt vai ah ka k’bäi pyi ci nei.

ISAIAH 40:6

M’lau ciah k’aw tumat naw, “Ng’thu ng’shäu vä!” ci sei, “A i ng’thu ka ng’shäu vai ang?” cine ng’shi ung. “Shäu vä, hnicim chang avan cu m’ghaw ah mäih ah kyak ci nei; Ngami cu bung hmu ah cheipai ah mäih ah akshou kä om khai gui.

HEBRU 6:5

Ngahmi cu Khanpughi ah Thu ani ah mawng la gawk lawk khai ah akhin ah hlüngtai nak gui cu hmat pyi ci gui ah kyak ci.

THU PHLAAN 14:6

Cun kawn ah khankho ah khankho chang tumat cu yong shüi shüi sei ka hmuk ci. Ani naw mdek ah khan a khaw päng ungka a hlü hlü ah ng’thu ciah khui päng pa päng-am m’thein vai ah ang täi ah om ciah Thu Ni cu law püi ci.