1 PETER 1:24 - Cho Bible Common Language 2016

²⁴ Cacim theing naw, “Hnicim chang avan cu khuktaa ah mäih lawk ci, Ami bämang nak avan cu papai ah mäih lawk ci. Khuktaa cu chawng ne si thei ci, a pai cun phi thuum ne kiawi thei ci.

1 PETER 1:24 Referans Kwoze

SAM 103:15

Mikmi ah ghin nak cu khu m’ghaw ah mäih ah kyak ci. Mikmi cu bung ah chei pai ah mäih ah däm ng’ghaw ne, mi m’guh pai ci;

JAMES 4:14

Nami ghin nak ngawi ung a i ah a kyak vai ah kä nami hmat ci! Nangmi cu a shäng hta thawk ne khu netah maih ba ciah meikhu awn nami täng ci.

SAM 37:2

Ngami cu m’ghaw ah chawng ah mäih ah maih ge ne, khu ah sih ah mäih ah si ge khai gui.

2 GHANGPUGHANG GUI 19:26

A cun ung om ciah chang gui cu ami huham kä om ci; ngami cu kyikyawk ne ngümngoi ci gui. Ngami cu ak kyangtäng ah ka khokhi ling akhi law ung ng’yai ciah loma ung m’ghaw, m’di ciah khan ah pyo ciah k’taa ah mäih ah kyak ci gui.

1 JOHAN 2:17

Khomdek khan la khomdek khan ah chang ah ng’yak hlü gui cu, ng’pyi lawk ci gui nei; cun ung phi Khanpughi ah ang yak hlü ah hnüntho ci gui cu, angtäi sei ghing khai gui nei.

SAM 129:6

Ngami cu im khan ah pyou ne kä adäm pha ung chawng ciah m’ghaw ah mäih ah kya u sä;

SAM 92:7

Changshe gui cu khu m’ghaw ah mäih ah tho u ne, cheishoh ci gui cu ami bä mang ung phi; ngami cu di ne htin khai gui nei,

SAM 102:4

Kei cu khu chawng ah mäih ah na dep u sei, Ei ka ei hlü nak phi maih yawp ci nei.

SAM 90:5

Nang naw tui k’hlaw ah mäih ah na na hteh püi ci; Keimi cu ng’mang amaih ah mäih ah kami kyak ci. Keimi cu kho ngawi hta ah ng’tawn ne däm ciah khu m’ghaw ah mäih ah kami kyak ci,

JOB 14:2

Mikmi cu cheipai ah mäih ah a lawi ah pai ne alawi ah mi ng’yai ci; mikmi cu ang hnim ah mäih ah mi maih ci.

SAM 39:6

pü püi hlawk ah phi kä kyak ci nei. Abi lawh phung phi a kholä ah kyak ci; khawh akda a kiam ung phi a u naw a mang vai ah kä ng’hmat ci,

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

MATTHE 6:30

Zum nak ken ciah chang gui, tuhngawi ching ne ngawi ung chawng sei mei ah uih vai ah, khu m’ghaw gui pang hngaw Khanpughi naw cun ah a müisa sak gui ung, nangmi läi cu, cun ah dämda hlüngtai pi khai ah, ning müisa sak gui khai ah kä kya ne ang?