1 PETER 1:22 - Cho Bible Common Language 2016

²² Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

1 PETER 1:22 Referans Kwoze

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

HEBRU 13:1

Krihta ah kya ne tumat la tumat nami yumhni tu vai nei.

1 JOHAN 4:12

Khanpughi cu a u naw kä hmu man ci, cun ung phi tumat la tumat mi ng’yum hni tu ah a kyak ung, Khanpughi cu mikmi ung om ci, Am hni nak cu mikmi ung kümbe ci.

1 JOHAN 4:7

Teihpüi gui aw, tumat la tumat mi ng’hni tuk khai nei, a i ah kiasei ci ung m’hni nak cu Khanpughi ungka lawk ci. M’hni nak om cicu Khanpughi ah hta ah kyak ci, Khanpughi phi hmat ci.

1 PETER 3:8

Ak hnu ah ka pyein hlü cu, nangmi cu m’lung ät, ngaih ät ne nami om vai; phäi nau ah mäih ah ng’yumhni tu u ne, m’lung neim nak la chimgein nak awn nami om vai.

JAMES 4:8

Khanpughi ah pei ah nami law vai, cun ung nangmi ah pei ah Khanpughi lawk khai. Cheishoh ciah chang gui! Nami kut m’si vä. Thuvi ciah chang gui nami m’lung theing sak vä!

1 JOHAN 3:23

Ani ah thukhän cu, A Htapa Bawi Jesuh Khrit cu mi yum vai, Bawi Khrit ah thukhän ah mäih ah tumat la tumat mi ng’hni tu vai ah kyak ci.

2 THESSALONIAN 1:3

Phäi nau gui aw, nangmi ah hmawk ah angtäi sei Khanpughi cu kami m’kümto ci nei. Cun ah kami bi cu bä ci nei, a i ah kia sei ci ung, nami yum nak cu ng’ghotai law pi ne, nami ng’hni nak tu phi abäkhäk law pi ah hmawk ah kyak ci.

1 THESSALONIAN 3:12

Nangmi tumat la tumat nami ng’hni nak tu la chang hei nami m’hni nak cu, keimi naw nangmi kami ning m’hni gui hlawk ah a hlüngtai law vai ah Bawipa naw ning pyang m’tham gui sä.

1 JOHAN 4:20

Kei Khanpughi kam hni ci nei, ci netah a phäi nau thüi nak ciah chang cu hleei ciah kyak ci. A mik awn a hmuh ah a phäi nau hngaw kä m’hni hlawt ci naw, amik awn kä a hmuh ah Khanpughi cu käm hni hlawt khai nei.

1 PETER 2:17

Chang phung cu nami chang m’sui vai, khritha phäinau cu anmi m’hni vai, Khanpughi cu nami m’tamkhah vai, ghangpughang cu nami kyih aa vai.

LAMKTU 15:9

Bawipa naw ngami cu mikmi awn kä na ng’thumcha gui ci; ngah mi naw ami yum ah hmawk ah ami katnak cu m’gein gui ci.

1 JOHAN 3:11

Cau ak htük ge ung mi ng’yak ah thu Ni cu, “Mikmi cu tumat la tumat mi ng’hni tuk khai nei,” ciah kyak ci.

2 PETER 1:7

Khanpughi ung bä nak cu ng’phäi nau nak awn, ng’phäinau nak cu yum hni nak awn akümbe vai ah nami tha nak pi bäih vai nei.

PHILIPPIAN 1:9

Kümbe ciah m’khoichaa nak la ng’düng ciah hmuhmat nak awn atäng ah nami yumhni nak cu ang ghotai law pi pi vai ah kei ka taigü ci nei.

EPHESIAN 4:3

Kawngät nak om khai ah ak ni pi ah nami hnün thawh vai nei, cun cu dimdeeih nak ung nami lukyum khai ah, Mumcha naw a ning pek gui ah kyak ci.

KALATIAN 5:5

Keimi läi cu, kami yum nak ung hlüngtai ciah Khanpughi ah Mumcha ah bi nak awn, Khanpughi ung düng nak cu gah vai ah kami ngaih u ci.

THU PHLAAN 2:4

Cun ung phi ak htük ungka ah mäih ah nang naw kei cu kä na na m’hni ba ci kyasei, ning pyein m’sheet vai om ci.

1 PETER 4:17

M’khoichaa nak ah a khin cu gawk law pyi ci nei, Khanpughi amät ah chang gui cu m’khoichaa nak gah ma khai gui nei. Cun cu mikmi ung a tün ah a kyak ung, Khanpughi ah Thu Ni kä yum ciah chang gui ah khan ah akhüt ung a i cha ah kyak khai ang?

1 PETER 4:8

A mawng ama avan ung akcang ah nami ng’yumhni tu vai, a i ah kia sei ci ung m’hni nak naw, cheishoh nak avan cu a khüm ah hmawk ah kyak ci.

HEBRU 11:8

Abraham naw Khanpughi ah khü äi ne ang htukhä nak ah kho ah, düi ne a hteh cu a yum nak awn ah kyak ci. Ani cu a hawi a hteh vai kä hmat pang ne phi amät ah kho cu nawng shüt ci.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

2 KORIN 6:6

Theingcim nak, htangkhaa nak, hnimgei nak, ng’awi ng’gi nak gui awn phi bäi, Mumcha Theing ah m’gein nak la kami m’hni nak ak cang awn phi bäi;

JOHAN 15:17

Cun kawn ah ‘Tumat la tumat nami yumhni tu vai nei’ ciah thukhän ka ning pe gui ci.

1 PETER 3:1

Acun ah mäih ah, hnumi gui, nami cei ah pyein ah nami om vai nei. Cun ung vah nami cei naw Khanpughi kä ah yum tu te ah a kiak ung phi, nami om ih hnünthawh naw thu m’kha ät kä nami pyein ung phi, yum law tu sak khai nei.

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

2 TIMOTHI 1:14

Nang am ning ap ah ak nikiom gui cu, mikmi ung om ciah Mumcha Theing ah hlüngtai nak awn na kutshum vai nei.

1 TIMOTHI 5:2

na mät ah ng’vaipi ciah hnumi gui cu, na nu gui ah mäih ah, a mät ah hmawpi ciah hnumi gui cu na be gui ah mäih ah, theingcim ciah m’lung awn na om ih püi gui vai.

1 TIMOTHI 4:12

Nang cu na hmaw ci kyasei a u naw kä a ning kahta nak-en vai ah na om vai nei, nang’thu, na om, m’hni nak yum nak la ciimvai nak ung, yum ciah chang gui ami thei tu vai ah na om vai nei.

1 TIMOTHI 1:3

Macedonia ah ka hteh law vai ung ka ning m’cäi ah mäih ah Ephesus ah na om cang vai ka ng’ya hlük ci. Chang amshah gui naw thuvi ne m’theithang ci gui nei, cun gui cu, ami ng’düm vai ah na khän gui vai.

2 THESSALONIAN 2:13

Phäi nau gui aw, Keimi naw Bawipa naw a ning m’hni gui ah nang mi ah hmawk ah angtäi sei Khanpughi cu kami m’kümto khai nei. Khanpughi naw nangmi ak htük bäih ah hun nak nami gah khai ah a ning khü gui cu, Mumcha Theing ah hlüngtai nak awn theingcim ciah akchang ah nami kyak ah hmawk la cacim nami yum ah hmawk ah kiak ci.

KALATIAN 3:1

Kalatia chang k’ang gui! A u naw ang a ning pluh gui ve? Kutlam tung ung Bawi Jesuh Khrit asih cu, nami mik awn nami hmuh awn täng khai ah, ka ning m’dang gui pyi ci nei!

KALATIAN 5:7

Ayan nangmi ah bi cu bä ci te! Düng nak kä läk vai ah a u naw ang a ning maa nak gui? A i chaa ang a ning k’tü k’phlawh gui?

ROMAN 8:13

Nang mi cu hnicim chang ah ng’yak hlü ah nami om ah a kyak ung nami sik khai nei, cun ung phi nami shetkat nak cu Mumcha Theing awn nami sih sak ah a kyak ung ghin nak nami gah khai nei.

ROMAN 2:8

Amät ah bä nak vai bäng teng ne, ng’düng nak cu hnu na ne, shet nak lam ah läk ciah chang gui cu Khanpughi ah m’lung k’she nak hmuk khai gui.

ROMAN 1:5

Khanpughi naw ani ung ang düihpüi ah kyak nak vai ah akhin k’ni cu na pe ne, kho avan ung, chang avan naw Khanpughi cu yum ne ami läk vai ah kei cu m’düih ne na tüi ci.

JOHAN 17:17

Nang ah hmawk ah ngami cu düng nak awn khoi ne om sak gui ä, Nang ah thu cu düng ci.

JOHAN 15:3

Nangmi cu kei ah m’theithang nak awn nami theing cim pyi ci.

LAMKTU 6:7

Khanpughi ah ng’thu cu pyän law pi k’täi u sei Jerusalem ung yum ciah chang cu da law pi sei, taigü ng’vai gui phi akda naw yum lawk ci gui.

JOHAN 17:19

Ngami naw bi bi nak vai ami pumsa ami ap nak hlawt vai ah, kei naw ngami ah hmawk ah ka pumsa cu ka ap ci.

JAMES 1:21

Cun ah kyasei, kä nik ciah om ih la shekak ciah hnünthawh nak cu nami ng’cim sak vai nei. Khanpughi cu dou ne, Khanpughi naw nami m’lung kyong ah a geit ah thu cu nami kutshum vai, acun naw nangmi cu ning hun gui hning ci.

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

1 PETER 3:20

Cun ah mümcha gui cu Noah naw hteinpaw im a cawh yah ung, hnimgein nak awn ngäng gui ciah Khanpughi ah ng’thu cu kä läk ci gui ah kyak ci. Cun ah tui ung hteinpaw kyong ah om ciah chang sing cheit htabäng cu hun nak gah ci gui.