1 PETER 1:2 - Cho Bible Common Language 2016

² Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

1 PETER 1:2 Referans Kwoze

2 THESSALONIAN 2:13

Phäi nau gui aw, Keimi naw Bawipa naw a ning m’hni gui ah nang mi ah hmawk ah angtäi sei Khanpughi cu kami m’kümto khai nei. Khanpughi naw nangmi ak htük bäih ah hun nak nami gah khai ah a ning khü gui cu, Mumcha Theing ah hlüngtai nak awn theingcim ciah akchang ah nami kyak ah hmawk la cacim nami yum ah hmawk ah kiak ci.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

ROMAN 11:2

Khanpughi naw ak htük ge ung a ghü ah ak chang gui cu kä hnu ng’tuk püi ci. Cacim theing ung Elijah naw, Israel chang gui cu hnu ng’tuk püi gui ne, Khanpughi ah maa ah ng’thu a pyein cu nami hmat khai nei.

2 PETER 1:2

Khanpughi la Hunbawipa Jesuh Khrit cu hmuhmat cüivai nak awn, m’geinsei nak la dimdeeih nak cu na mi khan ah kümbe ne om sä.

LAMKTU 2:23

Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci.

ROMAN 16:26

Cun ung phi tuhbäi chü, cun ah ng’yih ciah ng’düng nak cu profet gui ah guk ah cacim ung dang yawp pyi ci nei. Ang täi ah ghing ciah Khanpughi ah thukhän awn, kho avan ung chang avan naw hmat ne, yum ne, ami läk vai ah cun ah ng’düng nak cu ng’shäu ne pyein pyi nei.

2 TIMOTHI 2:10

Cun ah kyasei kei cu, Khanpughi ah a ghü ah chang gui ah hmawk ah a i phi ka buiaut ci nei. Cun cu ngami naw phi Bawi Khrit Jesuh ung hun nak ami gah tu vai la angtäi ah bäkhäk nak a gawk law vai ah hmawk ah kyak ci.

1 KORIN 6:11

Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.

MAKUH 13:27

Cun kawn ah chang ah Htapa naw, khankho chang gui cu tüi gui ne, khomdek khankho cawi ungka naw, khankho, kho cawi ung khüt khai ah, a ghü pyi ah chang gui cu, khäm ne k’bum sak gui khai.

MAKUH 13:20

Khanpughi naw cun ah akhin cu kä a tawi sak ah a kyak läi ung a u naw sih nak cu kä phiawn ah hlawt khai nei. Cun ung phi, Khanpughi naw aghü pyi ah chang gui ah hmawk ah cun ah khin cu tawi sak khai nei.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

ROMAN 16:19

Nang mi naw Thu Ni cu a i hlawk ah nami m’lung ung nami khän htek sak cu chang avan naw hmat ci nei. Cun ah kya sei nang mi ah hmawk ah ang htei ah ka yei ci. Nang mi cu ni kyom nak hmat ne lunglang ciah chang ah kya u ne, shetkat nak phiawn nak ciah nami kyak vai ah ka ng’ya hlük ci.

ROMAN 8:33

Khanpughi naw a ghü ah chang gui cu a u naw m’kat gui khai ang! Ngahmi ung katnak kä om ciah Khanpughi amät naw m’dang pyi ci nei.

LUKA 18:7

Khanpughi naw akchang gui cu, am gein gui vai ah amü akhnüüp m’lau ne ami ng’yoih ung kä m’khoichaa gui ah om khai ang? Ani naw ngami am gein gui vai ah düngyeng düt khai ang? Kei naw akcang ka pyein cu;

MATTHE 24:24

Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

MATTHE 24:22

Khanpughi naw cun ah khin cu kä a tawi sak ah a kyak ung a u phi ghing ne kä om ba hlawt khai. Cun ung phi Khanpughi naw a ghü ah chang gui ah hmawk ah cun ah a khin mü hnüüp cu tawi sak khai nei.

THULÄÄN NAK 7:6

Shin ah nami bi vai cu a i ah kyasei ci ung, Bawipa nami Khanpughi naw ning khäm gui ci. Khomdek chang avan ungka, nangmi cu a mät ah chang aktung ah ning ghü gui ci.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

HEBRU 11:28

Ani naw phiawn nak ah pawi bi ne, m’kawt gui si awn ak peh sak gui cu a yum nak awn ah kyak ci, cun ah kyasei Israel chang gui ah ami hta htük gui cu, sih nak ah Khanchang naw kä ngawn gui ci.

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

ROMAN 8:13

Nang mi cu hnicim chang ah ng’yak hlü ah nami om ah a kyak ung nami sik khai nei, cun ung phi nami shetkat nak cu Mumcha Theing awn nami sih sak ah a kyak ung ghin nak nami gah khai nei.

ROMAN 1:7

Cun ah kyasei Khanpughi naw ning m’hni gui ne a ning khü gui pyi ah Rom Khrithabum am shin ah ca cu ka ning guk law gui nei. Mi Pa Khanpughi la Bawipa Jesuh Khrit naw m’geinsei nak la dimdeeih nak cu ning pe gui sä.

ROMAN 1:5

Khanpughi naw ani ung ang düihpüi ah kyak nak vai ah akhin k’ni cu na pe ne, kho avan ung, chang avan naw Khanpughi cu yum ne ami läk vai ah kei cu m’düih ne na tüi ci.

LAMKTU 15:18

Shin cu cau pui Bawipa naw hmat ne a pyein ah kya ci” ci ne pyein ci.

DANIEL 4:1

Ghangpughang Nebukhadnezzar naw khomdek khan ung om ciah changpakhui gui, pahta gui la pa ng’tän gui avan am shin ah ng’thu cu m’khäh gui ci. “Ning yavaih gui nei!

JUDE 1:2

Chimgein nak, dimdeeih nak la yumhni nak cu nangmi ung kümbe ne om sä.

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

KOLOSE 3:12

Nangmi cu Khanpughi ah chang ah nami kyak ci, Khanpughi naw ning m’hni gui ne amät ah chang ah ning ghü gui ci. Cun ah kya sei nami ng’thon nak vai cu m’hteihtang nak, chimgein nak, mät hnga ngaih nak, hniphnoi nak la hniimgei nak ah kyak ci.

2 KORIN 10:5

Keimi naw kä nik ciah ng’cuhcan nak gui; Khanpughi ah mawng hmuhmat nak gui shungshet ciah om she nak gui kami m’shet yawp ci nei. Chang ah ngaihtüh gui phung cu pha ne k’pang ne, Bawi Khrih cu kami läk sak ci nei.

ROMAN 11:28

Jew chang gui cu Thu Ni hnu ng’tuk püi u ne, Khanpughi ah gaa ah kya lawk ci gui. Cun cu nang mi khui hei chang gui ah yei nak vai ah hmawk ah kyak ci. Cun ung phi ngami cu Khanpughi naw a ghü gui te ah kya ne, ami pupa gui ung thukhän a peit nak gui awn ngami cu m’hni gui lä ci.

LAMKTU 20:32

“Tuk bäi kei naw nang mi cu Khanpughi ah kut ung la, am gein nak ah Thu Ni ung ka ning ap gui ci. Cun ah Thu Ni naw, Khanpughi naw ak chang gui ah hmawk ah am hnüt ah, hriham ning pe gui ne ning düih sak gui khai.

TITUS 1:1

Kei Paul, Khanpughi ah changshäm la Jesuh Khrit ah ng’düihpüi naw ca ka gu lawk ci nei. Khanpughi naw a ghü ah chang gui ah yum nak shawihkhem gui vai la mi yum nak ah düng ciah m’theithang nak lam shüm gui vai ah kei cu ghü ne ana tüih ah kyak ci.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

MAKUH 13:22

Messiah ah ng’hlawk ci gui la profet ah ng’hlawk ci gui cu, akda ng’dang lawk khai gui nei. Ngami naw ami näng ah a kyak ung Khanpughi naw a ghü ah chang gui hngaw m’hleei m’hlak nak gui hning vai ah cäicat nak gui vai la cäi aih nak gui vai cu m’dang khai gui nei.

MATTHE 24:31

Cun kawn ah chang ah Htapa naw chünla ciah phyungheng tum sak gui netah, ak khankho chang gui cu hnilaw hnikiaak, a htum asiip ah tüi gui ne, khomdek vang kem ah kaa naw vang kem ah khüt khai ah a ghü ah chang gui cu m’cut sak gui khai nei.

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

2 JOHAN 1:13

Nam hni ah nabe ah hta gui naw ning khaih na u ne, ning yavaih nak ci gui nei.

2 JOHAN 1:1

A ng’vaihta kei naw, akcang ah kam hni ah hnumi nu la a hta gui am ca ka guk lawk ci nei. Kei bäng ah kä kyak ciah thu thuuk ung m’hni nak hmat ci phung naw, nang cu ning m’hni ci nei.

DANIEL 6:25

Cun kawn ghangpughang Darius naw ca gu ne, changpakhui gui, pahta gui, pa ng’tän gui avan am pe gui ci. “Ning yavaih gui nei!

ISAIAH 65:9

Judah pakhui ah kyak ciah Israel gui cu kei naw hriham ka pe gui khai, ngami ah ani hta ng’shon gui naw, kei ah khongui khaw cu ka nak khai gui. Kei ah ka ghü ah chang gui, kei ah ka khut bik ci gui cu, a cun ung om khai gui.

TAIGÜTHUM 1:5

Ani naw sei cu acu ah ngawn khai, Aaron taigü gui naw asi cu Bawipa am pek khai gui. Cun kawn ah Phung ah luh nak ung om ciah sonkiang ah akit phli ung k’peh khai gui.

1 PETER 1:14

Khanpughi ah thu ngai u ne, kä nami hmuhmat pha ung nami om ih ng’yak hlü man ah mäih ah kä nami ghin om ba vai nei.

1 PETER 1:19

Htome hta ah mäih ah shetkat nak kä om ciah Bawi Khrit ah hnun gui ap nak ng’pün nak ah kyak ci.

1 PETER 1:20

Shin ah khomdek kä ang tüi pha ge ung ani cu Khanpughi naw ghü ne, shin ah ak hnu ah kho hnüüp ung, nangmi ah hmawk ah ang dang sak ah kyak ci.