1 PETER 1:17 - Cho Bible Common Language 2016

¹⁷ Chang ah yodäm kä teng ah, chang ah bilawh phäh phäh ah khan ah m’khoichaa nak bik ciah, Khanpughi ah nami taigü ung, Kapa ci ne khü ne nami taigü ci; cun ah kyasei khomdek khan ung nami ghin om yah ak chuih Khanpughi cu nami kyih aa vai nei.

1 PETER 1:17 Referans Kwoze

2 SHONTÄP NAK 19:7

Bawipa cu kyih aa ne geing na ne nami bilawh vai, a i ah kyasei ci ung Khanpughi naw m’thüikhang nak chang ah hmai teng nak, ng’mü khawh don nak cu kä ng’ya hlük ci.”

MATTHE 6:9

Cun ah kyasei nami taigü ung; ‘Khankho ah om ciah kami Pa; Na ming theing thang sä;

PHILIPPIAN 2:12

Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

HEBRU 12:28

Mikmi cu kä thüng hlawt ciah uknak kho mi gah pyii ciah kia sei, Khanpughi mi m’hlüngtai khai nei. Mikmi naw kyih aa nak la m’tamkhah nak awn, Khanpughi cu mi khawihnah khai nei.

EPHESIAN 1:17

Nangmi naw Khanpughi nami hmat nak vai ah cüivai nak la lulang nak ah kyak ciah Mumcha cu nami gah vai ah, mi Bawipa Jesuh ah Khanpughi, bämang ciah mi Pa ah ka ning yoih thäh pe gui ci.

KALATIAN 2:6

Ang vai ah ng’shei ci gui, a u naw phi kei-am ak thai kä na m’shüm thein tuk ci gui. Ngami ang vai ah ami kyak la kä ami kyak cu kei ah hmawk ah kä küikyang ci, a i ah kyasei ci ung Khanpughi naw ak pung a teng nak awn a i kä m’khoichak ci.

ROMAN 11:20

Nang mi ah pyein cu ng’düng ci. Ngah mi chuk pit nak gui cu Khanpughi kä ami yum ah hmawk ah kyak ci. Nang mi cu Khanpughi na mi yum ah hmawk ah ang ban ah nami kya lawk ci. Cun ung phi nang mi chang ah kä nami ng’shei vai, chang kyih aa ne nami om vai.

MATTHE 22:16

Ngami naw a ming khah püi gui la Herod ah pati chang gui cu, tüi gui u netah, Bawipa, nang naw akcang pyein ne chang ah hmawk ah Khanpughi ah ng’yak hlü cu nam theithang ci, chang gui ah m’lung ngaih cu kä nam tung ci, chang ah hmai phi kä na teng ci.

JEREMIAH 3:19

Bawipa naw pyen ci, “Israel, Kei naw nang cu ka htanau ah ning dou hlü ne, om nak ah nik ciah khaw cu ka ning pek khai, cun cu khomdek khan ung akiom pikbäih ah kyak ci. Pa ah na na khü vai kei naw ka ng’ya hlük ci, kei kä nami na ng’hlah tak en ba phung vai.

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.

HEBRU 4:1

Khanpughi naw mikmi am ang thu ah shaitak cu mi gah vai ah na pe gui ci. Cun ah ng’düm nak vai ah shaitaak cu phlawi düt ci tumat phi kä om men khai ah nami geing nak vai nei.

KOLOSE 3:25

Shetkat nak bik ciah chang phung naw, amät ah bi cu k’chaw nak khai nei. A i ah kyasei ci ung Khanpughi naw akchang sing cu amät ah bi phäh phäh awn m’khoichak ci nei.

EPHESIAN 6:9

Bawi mang gui, nangmi naw phi nami changshäm cu acun ah mäih ah nami om püi vai nei. Nami m’kyihkyawk nak gui cu nami m’düm vai nei. Nangmi la nami changshäm gui cu, khankho ah Bawipa tumat bäng naw ning khäm gui ne, yodäm pyammang käm hnga ne a täng ah m’khoi chaa nak bik ci cicu nami shüm vai nei.

EPHESIAN 3:14

Kei cu Pa Khanpughi ah ma ah m’kuukdong ne kang hui ci,

NG'THU K'THUUK~ 28:14

Angtai sei Bawipa na lak vai, cun ung na yei khai. Na m’lung aliing ung na shum khai.

JOB 34:19

Ani cu uktu gui täng ah kä kya tuk ci, dukhaih ci gui hnu na ne bühmang ci gui täng ah phi kä ki tuk ci, a i ah kya sei ciung ani naw chang nü cu a tüi pyan ah kyak ci.

1 PETER 3:15

Nami m’lung kyong ung Bawi Khrit cu kyih aa u ne, Bawipa nei ci ne m’tamkhah vä, Ani yum ne nami ngaih u ah mawng ning shi gui ci a om ung, nami m’thein tu ge thei vai ah nami om vai nei.

2 KORIN 5:6

Cun ah kyasei keimi cu kami k’tha mah ci. Mikmi cu pumsa im ung mi om yah ah chuih Bawipa ah im awn mi ng’shawng ci, cicu mi hmat ci.

2 KORIN 1:2

Mi Pa Khanpughi la Bawipa Jesuh Khrih naw m’gein nak la dim nak cu ning pe gui sä.

ZEPHANIAH 3:9

“Cun kawn ah changpakhui gui cu ka ng’thawng sak gui khai, ngami cu kei bang ah taigü khai gui, ahei khanpughi ah kä taigü khai gui. Ngami ami van naw na ngai khai gui.

NG'THU K'THUUK~ 14:16

Cuivai ciah chang naw khüikha nak phyawn nak vai ah geing na ne om ci, Cun ung phi chang anglam cu a i ka geing na ne ang ghit ah hnüntho ci.

SAM 39:12

Bawipa, ka taigü na ng’yak pe ä, ka m’lau cu na ngaih pe ä. Ka kyah yah ung law ne na phawk law ä. Ka pupa gui ah mäih ah kei cu a shäng hta lawk ciah khin ah ka kyak ci.

1 SHONTÄP NAK 29:15

O Bawipa, nang naw na hmat ci, keimi cu kami pupa gui ah mäih ah omktu gui la khin gui ah mäih ah kami ghing om lawk ci. Keimi ah kho hnüüp cu vangkon vük ciah püpüi ah mäih ah kya ne, keimi naw sih nak kä kami phyawn na hlawt ci nei.

THULÄÄN NAK 10:17

Bawipa nami Khanpughi cu khanpughi avan khüm ci, huham avan uk ciah kyak ci. Ani cu dämduh ci, m’gäi ci, kyih vai ah kyak ci. Ani ung m’khom-hnga nak kä om ci, ani naw ng’mü khawh kä dou ci.

ATÜNNAK 47:9

Jakob naw, “Khin ah kya ne ka om nak khawkum phia la thuimkip lawk ci. Cun ah khawkum gui cu ken sei phi cümbawng nak ah kyak ci, pupa gui ah ghin sho ah mäih ah kä kyak ci.

2 KORIN 7:11

Nami thüisei nak ung Khanpughi ah bi bi cu teng vä! Nami k’thamah law pyi ci, nami katnak a theing ah mawng nami m’dang law pyi ci, nami m’lung k’she ah phäh ah nami ng’ä pyi ci, nami kyikyawk pyi ci, nami ng’ap pyi ci, cheishoh nak m’kat vai nami hmat pyi ci, a mawng avan ung katnak nami phyawn nak ah mawng nami mät naw nami m’dang pyi ci nei.

SAM 89:26

Ani naw kei ah ma ah, ‘Nang cu ka pa la ka Khanpughi; ka ng’zi nak la ka hunbawi ah na kyak ci’ cik khai nei.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.