1 PETER 1:14 - Cho Bible Common Language 2016

¹⁴ Khanpughi ah thu ngai u ne, kä nami hmuhmat pha ung nami om ih ng’yak hlü man ah mäih ah kä nami ghin om ba vai nei.

1 PETER 1:14 Referans Kwoze

ROMAN 12:2

Khomdek khan ung yodäm nak ung kä nami ng’kü ng’neet tu vai, Khanpughi ung nami m’lung kyong avan ng’thawng sak u ne, m’lung ngaih ak thai awn nami om vai. Cun ung vah ni kyom nak, amät ung yeikyai nak la kümbe nak gui ah Khanpughi ah ang yak hlü cu nami hmat khai.

EPHESIAN 2:2

Khomdek khan ah cheishoh nak lam cu nami läk ci, kho k’häüung ka, mumchashe ah hlüngtai nak ah uknak cu nami läk ci, acun naw tuhbäi Khanpughi kä ngai ciah chang gui cu shum gui ci.

1 THESSALONIAN 4:5

Khanpughi kä yum ci gui ah mäih ah pumsa ng’yak hlü düt ah kä nami om ih-en vai nei.

ROMAN 6:4

Cun ah kya sei mikmi cu tui hnim nak awn Bawi Khrit awn a täng ah mi ng’phuh ne, ani awn a täng ah mi sik ci. Cun ah ani awn a täng ah mi sih ah mawng cu, Pa Khanpughi naw abäkhäk hlüngtai nak awn Bawi Khrit cu sih nak ungka a thawh ba sak ah mäih ah, mikmi cu ghin nak thai ung mi om vai ah hmawk ah kyak ci.

LAMKTU 17:30

Khanpughi naw i kä ami hmuhhmat yah ung chang gui cu kä a teng kheng gui ung phi, tuk bäi ung kho ng’nü ah om ciah chang gui am, “Na mi katnak cu ng’yu ba yawp vä” cine ng’thu khän gui ci.

EPHESIAN 5:6

Kä ng’laang ciah ng’thu awn a u naw nang mi cu kä ning k’phiui hnawk-en gui sä, cun ah mäih gui ah hmawk ah, thu kä läk ci gui ah khan ah Khanpughi ah m’lungshe nak om khai nei.

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

THULÄÄN NAK 27:10

Cun ah kyasei ani ngai u ne, tuhngawi kei naw ka ning pek gui ah thukhän avan nami k’pan vai.