1 PETER 1:10 - Cho Bible Common Language 2016

¹⁰ Profet gui naw shin ah hun nak ah mawng cu geing nah ne shuilei k’täkiau man ci gui. Nangmi am Khanpughi naw a ning peit gui vai ah shin ah m’gein nak ah mawng cu pyeinsa man ci gui.

1 PETER 1:10 Referans Kwoze

MATTHE 13:17

Kei naw akcang ka pyein cu, profet gui la Khanpughi ah chang akda gui naw, nangmi ah mäih ah hmuh hlü u ne phi, kä hmuh hlawt ci gui, nangmi ah ng’yak ah mäih ah ng’ya hlü ne phi kä ng’ya hlawt ci gui nei.

LUKA 10:24

Kei naw akcang ka pyein cu, profet gui la ghangpughang gui naw, nangmi ah hmuh gui shi hmu hlü te ci gui, cun ung phi kä hmu hlawt ci gui. Nangmi ah ng’yak gui shi ng’ya hlü te ci gui, kä ng’ya hlawt ci gui” cik ci.

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

JOHAN 5:39

Cacim ung angtäi ghin nak om khai ah ngai ne cacim bäng nami teng ci. Acun ah cacim naw kei ah mawng cu saksi ci.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

HEBRU 11:13

Cun ah chang gui ami van cu yum nak awn sik ci gui. Ngami cu Khanpughi ah shaitaak kä gah tuk ci gui, cun ung phi a shou nak ah kaa naw hmuh u ne ana dou tuk ci gui, ngami cu khomdek khan ung akho hei chang, geinvai chang ah ami kyak ah mawng cu ng’kiaa ne pyein ci gui.

LAMKTU 10:43

Bawipa yum ci gui ah chang phung cu a hlüngtai nak ming awn ami katnak m’geinsei gui khai, cine prophet gui naw pyein man ci gui” cine pyein ci.

ZEKHARIAH 6:12

M’gäi ciah Bawipa ah ng’thu na m’thein vai cu, Ang ban ah ami khü ah chang cu, acun ung om ci khäng ne, Bawipa ah pum im cu co ba ci nei.

JOHAN 7:52

Cun ah chang gui naw, “Nangmi Kalile kho ah kaa ma? Cacim cu teng ba shüm ä, Kalile kho ung a u profet phi kä om man ci, cun cu na hmat khai nei” cine kyak nak ci gui.

LUKA 24:44

Cun kawn ah Bawipa Jesuh naw, “Moses ah thukhän, profet gui ah cacim la Salan cacim ung, kei ah mawng ami guk gui phung cu, akcang ah küm khai nei, cine nangmi awn a täng ah ka om yah ung ka ning m’thein gui pyi ci. Ka pyein ah mäih ah tuhbäi küm law pyi ci nei” cine m’thein gui ci.

MATTHE 26:24

Cacim ung om ciah mäih ah chang ah Htapa cu sik khai nei, cun ung phi chang ah Htapa ga ah kut ung ap ci cu, thüisei nak om ci nei. Kä ang tüi tu ge vai sü ung ani ah hmawk ah ni pi khai süte,” cine pyein ci.

NG'THU K'THUUK~ 2:4

Cüivai nak cu ngui ghui ah mäiha ah na shui vai. Thuh ah khawh yap ah mäih ah na yap vai.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

1 PETER 1:11

Cun ah m’gein nak cu a i ah khin ung, a i chaa ah gawk lawk khai ci cu ami hmat vai ah k’tha na man ci gui. Ngami ung om ciah Bawi Khrit ah Mumcha naw, cun ah khin ung a geinvai nak vai ah mawng la, cun kawn ah agawk nak vai ah bämang nak ah mawng cu ng’daut ne dang sak ci.

LAMKTU 17:11

Berea ah chang gui cu Thessalonika ah chang gui ah mä ami m’lung ng’htei pi ci. Cun ah kya ne Paul ah thu pyein cu k’tha na ne ngai ci gui. Paul la Silas ah thu pyein cu akcang la kä akcang ah ami hmat nak vai ah cacim cu ak hnüüp tä sei teng kheng ci gui.

HAKKAI 2:7

changpakhui avan cu k’thäh gui ne, ami khawh avan cu ka law püi sak gui khai, Taigüim cu khawh awn be khai.

HEBRU 11:40

A i ah kyasei ci ung, Khanpughi naw mikmi ah hmawk ah bä ba pi ciah ng’bü nak am hnüt pyi ah hmawk ah kyak ci. Cun ah ang bü nak cu, cun ah chang gui mikmi awn mi kawng ät u ne, kümbe nak ung mi gawk vai ah hmawk ah kyak ci.

DANIEL 9:3

Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.

LAMKTU 28:23

Cun ah kyasei ngami cu Paul awn hnüüp ng’nüt u netah, ami ng’nüt nak ah hnüüp ung chang akda Paul ah om nak ah gawk law ci gui. Paul naw kho ngawi ah tün ne, mühun nah khüt khai ah khanpughi ah uknak ah mawng Thu Ni cu m’thein gui ci. Bawipa Jesuh ah a mawng cun phi, Moses ah thukhän la prophet gui ah cacim gui awn küm khai ah, ngami naw ami yum tu vai ah k’tha nah ne m’thein tu gui ci.

1 PETER 1:13

Cun ah kyasei nangmi cu ng’düihthawh ge vai ah om vä. Bawi Jesuh a kyum law ba hnüüp anam shum phyuk gui vai cu kümbe sei ngaih u ne lunglaang ne om vä.