1 PETER 1:1 - Cho Bible Common Language 2016

¹ Peter, Bawi Jesuh Khrit ah ang düihpüi naw, Pontus, Kalatia, Kappadocia, Asia, la Bithinia kho gui ung, püi u ne, om k’tu ah kya ne om tuk ci gui ah, Khanpughi ah ghü ah chang gui-am ca ka guk lawk ci nei.

1 PETER 1:1 Referans Kwoze

JAMES 1:1

Kei James, Khanpughi la Bawipa Jesuh Khrit ah changshäm naw, khomdek khan avan ung om ci gui ah Khanpughi ah chang gui-am, yeikyai nak thu ka ning m’khäh gui ci nei.

HEBRU 11:13

Cun ah chang gui ami van cu yum nak awn sik ci gui. Ngami cu Khanpughi ah shaitaak kä gah tuk ci gui, cun ung phi a shou nak ah kaa naw hmuh u ne ana dou tuk ci gui, ngami cu khomdek khan ung akho hei chang, geinvai chang ah ami kyak ah mawng cu ng’kiaa ne pyein ci gui.

EPHESIAN 2:19

Cun ah kyasei nangmi chang khui hei gui cu, chang heinu, thümnu m’donghman ah kä nami kya ba ci: keimi awn a täng ah Khanpughi ah chang, Khanpughi ah kiong khui chang ah nami kya pyi ci.

SAM 44:11

Nang naw ami na kyih gui vai ah htome ah mäih ah na ap gui ne, a kho hei yung ah na na püi pawng sak gui ci,

LAMKTU 8:4

A khaw hei hei ah püipiang ci gui ah yum ciah chang gui naw ng’Thu Ni cu hei pyein vük ci gui.

JOHAN 11:52

akho hei hei ah püipawng ci gui ah Khanpughi ah chang gui, ami bum ba vai ah hmawk ah Bawipa Jesuh asih vai ah mawng cu ng’dawt ne a pyein ah kyak ci.)

MATTHE 24:22

Khanpughi naw cun ah khin cu kä a tawi sak ah a kyak ung a u phi ghing ne kä om ba hlawt khai. Cun ung phi Khanpughi naw a ghü ah chang gui ah hmawk ah cun ah a khin mü hnüüp cu tawi sak khai nei.

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.

ESTA 3:8

Cun ah kyasei Haman naw ghangpughang am, am thein cu, “Na uknak ah khaw avan ung püi ne om ciah changpakhui tumat om ci, cun gui cu khopäng päng ung hmuh gui vai kyak ci, Ngami ah thungyo cu ahei chang gui ah thungyo awn kä täng ci. Ngami naw uknak khaw ung thukhän gui cu kä läk ci gui. Cun ah kyasei nang naw m’lung sau ne na om ung kä bä khai nei.

THULÄÄN NAK 28:64

“Bawipa naw nangmi cu pakhui avan ah ng’lung ah nik püi gui khai. Khomdek vang cawi ah ka naw vang k’cawi ah nami khüt khai. Acu ah nangmi naw sing ni, lung ni awn pyan ah khanpughi gui ah bii nami bik khai, cun gui cu nangmi la nami pupa gui naw kä ami khawihnah man ah kyak ci.

THULÄÄN NAK 4:27

Bawipa naw nangmi cu changpakhui hei gui ah ng’lung ah ning püi sak gui khai. Acu ah nangmi api nami pawih ba khai.

2 PETER 1:1

Simon Peter, Bawi Jesuh Khrit ah ak changshäm la ang düihpüi naw, Mi Khanpughi la Hunbawipa Jesuh Khrit ah peit ah, mikmi ah mäih ah küikyang ciah yum nak om ciah chang gui-am ca ka guk law ci nei.

EPHESIAN 2:12

Cun yah ung nang mi cu Bawi Khrit awn nami ng’shawng ci. Nangmi cu a kho hei chang gui ah kya u ne, Khanpughi ah ghü ah chang ah kä nami kya tuk ci. Khanpughi naw ak chang gui ah hmawk ah shai a taak ah ng’thukhän ung phi, nangmi cu kä nami ng’khämtuk ci, khomdek khan ung Khanpughi kä hmu ne, ngaih u vai kä om ciah chang ah nami kya man te ci.

2 KORIN 1:8

Phäinau gui aw, Asia kho ah ka mi aut ah yaica nak ah mawng cu ka ning m’htein gui hlük ci. Cun ah yaica nak cu däm ne gih aih khätah, ghin nak hngaw kami hnu ng’hlah tak ci nei.

LAMKTU 18:2

Cun ah gawnu ah Pontus kho ah kaa Akuila ming nak ciah Judah chang tumat la ak chu Priscillacun awn ng’hmuk ci gui. Ngahni cu ghangpughang Klaudius naw, Roman ungka Judah chang avan a hteh ba vai ah k’bäi ne pyein sei Itali ah kaa law ba thai ci goi ah kia ci.

EZEKIEL 6:8

“Kei naw amshah cu ami ngawn nak gui ungka naw ka luat sak gui khai, pakhui gui ah ng’lung ah ka püi sak gui khai,

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

2 TIMOTHI 1:15

Na hmat pyi ah mäih ah Asia khopäng, Phigelus la Hermogenes gawnu gui ung chang gui naw kei cu na hnu na pyi ci gui nei.

KALATIAN 1:2

shi ah kei awn kami om ghawm ciah phäi nau gui naw, Kalatia kho ah khrithabum gui-am ca kami pe lawk ci nei:

1 KORIN 16:19

Asia kho ah Khrithabum gui naw phi ning yavaih gui ci gui nei; Akuila la Priscilla ni, ami im ah nami pum nak gui ah khritha gui naw phi ning yavaih gui ci gui nei.

LAMKTU 19:10

Cun ah kho kum goi ung lüng ne pyein sa ne bilo khä tah, Asia kho ung om ciah Judah chang la changpakhui hei chang avan naw, Khanpughi ah Thu Ni cu ngai ya yawp ci gui.

LAMKTU 18:23

A cu ah ak shou om netah, Kalatia kho la Phrikia kho yung ah hteit ne yum ciah chang gui am thamah nak pe gui ci.

LAMKTU 6:9

Cunung phi ani cu Sairin lah Alexandria ah ka, Jew chang gui mah ah pum im ung ka, päiye chang gui naw hnu ng’tuk püi ci gui. Acun gui lah Cilicia lah Asia ah ka, Jew chang gui naw Stephen cu ng’küüngneet püi ci gui.

JOHAN 7:35

Jew chang vai gui naw, “Mikmi naw shui ne kä mi hmuh vai ah, a hawi lam ah hteit khai ang? Mi chang gui ah om nak Karik mang gaw gui ah hteit ne m’theithang gui khai ang?

MATTHE 10:2

Ang düihpüi gha-lei-goi ah ami ming gui cu; (Peter ami ciah) Simon la anau Andru; Zebedee ah hta goi James la Johan;

MATTHE 4:18

Bawipa Jesuh cu Kalile tuili nu pei ah a hteh sang ung ngakpha ng’phäi nau goi cu hmu goi ci. Cun goi cu Simon (Peter ah phi ami khü) la anau Andru ah kyak ci. Ngani cu tuili ung ng’vai vawi ne om ci goi.

TAIGÜTHUM 26:33

Kei naw nami khan ah ng’tuk nak law püi ne, a khawhei yung ah ka ning püi sak gui khai. Nami khonglei cu ng’gau khai, nami mang gaw gui cu dishum khai.

THULÄÄN NAK 32:26

Kei naw htin khai ah kam di gui khai. Cun ung a u naw ngami kä shüm ba gui khai.

LUKA 18:7

Khanpughi naw akchang gui cu, am gein gui vai ah amü akhnüüp m’lau ne ami ng’yoih ung kä m’khoichaa gui ah om khai ang? Ani naw ngami am gein gui vai ah düngyeng düt khai ang? Kei naw akcang ka pyein cu;