1 KORIN 9:8 - Cho Bible Common Language 2016

⁸ Shin ah kei ah m’tumtäng nak gui bäng ah kä kyak ciah, thukhän naw phi acun bä ah pyein ci nei.

1 KORIN 9:8 Referans Kwoze

1 THESSALONIAN 4:8

Shin ah m’theithang nak hnu ng’tuk püi ciah chang cu, chang hnu ng’tuk püi ciah kä kyak ci, Mumcha Theing na pe gui ciah Khanpughi cu hnu ng’tuk püi ciah kyak ci.

1 THESSALONIAN 2:13

Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.

1 KORIN 14:34

Khanpughi ah Khrithabum gui ung mi m’tämgan law ah mäih ah ng’bum nak ung hnumi gui cu a düm hta ah om u sä. Ngami cu thu kä pyein tu hning ci gui: Jew chang gui ah thukhän ung, “Hnumi gui cu pum nak ung ang vai ah kä ami kyak en vai” ciah om ci.

1 KORIN 7:40

Cun ung phi cun ah hnumi cu kä ceimah tuba ah a om ung ni pi k’bäih ci. Cun cu ka mät ah ngaih ah kyak ci, kei cun phi Khanpughi ah Mumcha ka gah ciah ka yum ci nei.

ROMAN 6:19

(Nang mi cu ng’thu thuuk kä hmat man uk ci sei, chang ah hmat yäi vai ah thu awn ka guk nei.) A yan ä nang mi cu, cheishoh nak a hlü hlü bi nak vai ah shetkat nak ah khlei-htein ah ng’khäm ne nami ng’ap ci. Acun ah mäih ah tuk bäi nangmi cu, theing cim ciah bi bi nak vai ah, ng’düng nak ah kaa ah khlei-htein ah kya ne ng’khäm ne nami ng’ap vai.

ROMAN 3:31

Cun ah a kyak ung mikmi naw Khanpughi yum nak awn thukhän cu mi nawng en ah kyak khai ang! Cun ah kä kyak ci, thukhän cu mi khän htek sak nak ah kyak ci nei.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

ROMAN 3:5

Mikmi ah cheishoh nak naw Khanpughi ah düng nak cu dang sak pi ciah a kyak ung, a i ah mi pyein khai ang! Khanpughi naw mi kat ana m’kat gui cu, Khanpughi cheishoh ciah mi pyein khai ang! (Cun cu chang gui ah thu man düt ah thu ah kyak ci.)

KALATIAN 1:11

Ka ning m’thein gui khai phäi nau gui aw, kei ka pyein ah ng’Thu Ni cu chang ungka lawk ciah kä kyak ci.