1 KORIN 9:7 - Cho Bible Common Language 2016

⁷ A u gakaap naw amät ah ei ei ne ng’tuk bi man ne ang? A u lo k’bi naw a lo ungka a geit cu kä ei ah om mang ne ang? A u htome k’shäm naw a shäm ah htome ah suuktui cu kä awk ah om man ne ang?

1 KORIN 9:7 Referans Kwoze

NG'THU K'THUUK~ 27:18

Thei ghing cu na m; htei ung thei na ei vai om khai, A bawi m’hteihtang ciah changshäm cu m’taamkhah nak om ci.

THULÄÄN NAK 20:6

Shin ung sapyit ghing geit ghet ne, am theih kä bit phak ciah chang om naw? A om ah a kyak ung a im ah hteit ba sä. Kä cun ung ani cu ng’tuk nak ung ami ngawn tu ah a kyak ung, chang tumat mat naw sapyit ah phäh ah yeikyai khai nei.

1 TIMOTHI 1:18

Kahtapa Timothi, cau profet gui naw nang ah mawng ami pyein man ah mäih ah, kei naw shin ah bi cu khän ne ka ning ap ci. Cun ah thu cu, ng’tuk näng nak ah li la khim ah na mang vai nei.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

SOLOMON NG’Ä~ 8:12

Solomon naw ngui phia gha cu yei ne gah ci, lo bik ci gui naw ami chaw ah ngui phia goi ci gah ci gui; kei ung sapyit lo cu ka mät ah ka ah om ci!

NG'THU K'THUUK~ 27:27

Pawih ba ciah me gui ungka me suuk cu nang la na kyong ungka ah phäh ah kyak khai, na changshäm hnumi hta gui ah phäh ah phi kyak khai.

1 PETER 5:2

Khanpughi naw a ning ap gui ah htomebum cu, htomeshäm ah kya ne nami ngäng vai nei. Bi vai kyasei bi ah kä kyak ciah, Khanpughi ah khuut ah kyasei ng’yak hlü nak awn nami bi vai nei. Nami bi cu ng’cheng gah hlü ah m’lung awn kä kyak ciah, bi nak hlü ah m’lung cang awn nami bi vai nei.

2 TIMOTHI 4:7

Kei cu ng’küükneet ne dawng nak ung ak ni pi bäih ah ka bi pyi ci nei, m’hnüt nak ung khüt sei ka dawng pyi ci nei, yum nak phi ka shum pyi ci nei.

1 TIMOTHI 6:12

Zum nak ah dawng nak ung na näng vai ah dawng ne, angtäi ghin nak cu nak pan vai nei: cun ah ghin nak na gah vai ah nang cu Khanpughi naw a ning khü yah ung, saksi ciah chang khli ah ma ah, Bawipa na yum ah mawng cu ak küikyang ah nang kiaa pyi ci nei.

ISAIAH 7:22

a cun gui naw ani ung hlü ciah suuktui phung avan pek khai gui nei. Ä, khaw ung api pawih ba ci gui naw ami ei vai ah suuktui la khoitui om khai nei.

THULÄÄN NAK 18:8

Ani cu a hei taigü gui ah gah chü ei gah tuk khai. Ak kyong chang gui naw ami m’khäh law phung cu ani naw khäm khai.