1 KORIN 9:5 - Cho Bible Common Language 2016

⁵ Peter la Bawipa ah nau gui ni, ang düihpüi m’shah gui ni ah mäih ah kei cu ka htehhtawn nak ah ka k’chu ka khahpüi hning ciah kä kya ne ang?

1 KORIN 9:5 Referans Kwoze

JOHAN 1:42

Cun kawn ah Simon cu Bawipa Jesuh ah om nak ah hteh püi ci. Bawipa Jesuh naw, Simon cu hmu law netah, “Nang cu Johan ah hta Simon ah na kyak ci, Cun ung phi tuhbäi ung tün ne, Cephasa (cun cu Peter, ci la lungnu ciah kyak ci) na ming nak khai” cik ci.

MATTHE 8:14

Bawipa Jesuh cu Peter ah im ah hteit netah, Peter ah kawinu gaw ne ih phak ung ng’yän sei hmuk ci.

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

KALATIAN 1:19

Cun ung phi kei naw Bawipa ah nau James ah kawn ah ang düihpüi a hei a u phi kä ka hmuk ci.

1 KORIN 7:39

Ceimah ciah hnumi cu acei a ghin yah ah chuih khihpawn nak om ci; Cun ung phi acei a sih kawn ah a u pami phi amät ah m’hni cei na tuba hning ci, acei tuba cu khriatian bäbä ah a kyak nai.

1 KORIN 7:7

Akcang ah chang avan cu ka mät ah mäih ah ka kyak sak hlük ci: cun ung phi Khanpughi naw chang tumat ci am m’cümhnah nak a phäh phäh cu na pek gui ci.

LAMKTU 1:14

Ngah mi cu Bawipa Jesuh ah anu Mary lah a hei hnu mi gui ni, a naü gui ni, ashäng shäng a täng ah ng’bum ne k’tai gü ci ci gui.

TITUS 1:6

Khritha k’tahnga cu m’kat vai ah kä om ciah chang ah kyak khai, tumat bäng chu nak khai, a hta gui cu yum ciah chang gui ah kyak khai, Om she m’gäi m’cik ci gui, beit kä ng’yak ci gui ah kä kiäen khai.

1 TIMOTHI 5:2

na mät ah ng’vaipi ciah hnumi gui cu, na nu gui ah mäih ah, a mät ah hmawpi ciah hnumi gui cu na be gui ah mäih ah, theingcim ciah m’lung awn na om ih püi gui vai.

1 TIMOTHI 3:2

Krithabum ung tahnga ciah chang cu, m’kat vai ah kä om khai, tumat bäng chu nak khai, ciimvai lunglang khai, htingling khai, a om ih ni kyom khai, khin chang m’htei khai; m’theithang thei khai;

1 KORIN 7:15

Khritha ah kä kyak ciah chang tumat naw, khritha tumat cu ang chaa püi hlü ah a kyak ung ng’chaa püi sä. Cun ah a mawng ung chu ah phi kya, cei ah phi kya, khritha apaw ah khan ah amät ah m’hni ah hnüntho hning ci. Khanpughi naw nangmi cu dimdeeih sei nami om vai ah ghü ne ning khü gui ci.

1 KORIN 1:12

Nangmi ungka chang amshah naw kei cu Paul ah nak chang cik ci, amshah naw Apollos ah nak chang cik ci, amshah naw Peter ah nak chang cik ci, amshah naw Bawi Khrit ah nak chang ci sei a heihei ah nami thu om cu ka pyein na kyak ci.

ROMAN 16:1

Kei naw mi be Phoebe ah mawng cu küikyan ne ka pyein hlük ci. Ani cu Kenkhreae gawnu, khritha bum ung bi bik ci.

JOHAN 2:12

Cun kawn ah Bawipa Jesuh cu, anu ni, anau gui ni, angdüihpüi ni awn, a täng ah Kapernaum gawnu ah hteit ne, hnüüp goi thum om tuk ci gui.

LUKA 6:15

Matthe la Thomas, Alphaeus ah hta James, la apakhui m’hni pi ciah Simon,

MAKUH 6:3

Shin ah chang cu Mari ah hta, im co ciah chang, James, Josef Judas la Simon ni ah ami phäi ah kä kya ne ang? Ani be gui phi mi pigaw chang gui ah maw?” cine ami mät ng’htau ci gui. Cun ah kyasei ngami naw Bawipa Jesuh cu maa nak ci gui.

MAKUH 1:30

Simon ah akchu ah nu cu gaw ne ih phak ung ng’yän sei, Bawipa Jesuh a gawk law vai-am a nam thein ci gui.

MATTHE 13:55

Ani cu m’si sheh a hta ah kä kya ne ang? Ani cu Mary ah hta, a nau gui cu James, Josef, Simon la Judas ah kä kya ne ang?

SOLOMON NG’Ä~ 4:12

Ka m’lungung tuihlim ciah ng’lami hta cu, ghei ah u-yin, vongpang ah u-yin, m’hnüt ah tuilawng ah mäih ah kyak ci nei;

1 TIMOTHI 4:3

Cun ah chang gui naw, käng chung la vai, ei amshah cu hlawi vai, ciah m’theithang ci gui. Cun ung phi yum ne Thu düng hmat ciah chang gui naw, m’hlüngtai ne taigü u netah, cun ah ei cu ami ei vai ah Khanpughi naw a tüi pyan ah kyak ci.

1 KORIN 7:8

Cun ah kya sei kä ceimah ci gui la hmeinu gui cu, kei ah so ah k’täi ne ami mät ami om ung nik ci.

LUKA 8:20

Chang gui naw, “Na nu la na nau gui naw ning hmu hlü u ne ak pung ah ning ging ci gui nei” cine m’thein lawk ci gui.