1 KORIN 9:3 - Cho Bible Common Language 2016

³ Kei na täitawk ciah chang gui ah ma ah shikchaa ah ka ng’thu hlük ci:

1 KORIN 9:3 Referans Kwoze

2 TIMOTHI 4:16

Kei cet ne ami na ng’shi sang ung, kei na hunshawih khai ah a u phi kä ng’düi lawk ci, van naw kei cu na nawng ci gui nei. Khanpughi naw ngami ah bi nak cu kä ngaihdam men pe gui sä!

PHILIPPIAN 1:17

Chang amshah gui naw Bawi Khrit ah mawng cu m’lung ngaih k’ni awn ah kä kyak ciah ami mät ami m’hlüngtai nak hlü awn pyeinsak ci gui. Ngami naw thawng ka kyum ciah kei cu ka yaica nak pi vai ah ami bi ah kyak ci.

PHILIPPIAN 1:7

Kei naw cun ah nangmi ah mawng ka ngaihtüh cu ng’düng ci, a i ah kya sei ci ung, nangmi naw kei cu nami m’lung awn nami na k’pan na phäh ah kyak ci. Tuk bäi thawng ung ka kyum yah ung la Thu Ni cu a kho k’ding ah pyeinsa ne, ka k’süm pyan yah ung nangmi cu, Khanpughi naw ana peit ah akhin k’ni ung, nami bilawh tu ah hmawk ah phi kyak ci.

2 KORIN 13:10

Kei naw shin ah ng’daut ne ca ka ning pet law gui ah mawng cu; kei ka gawk law ung Bawipa ah na pet ah huham cu ak ghaat ah kä ka mang vai ah phäh ah kyak ci. Cun ah huham cu nangmi ning m’küi m’khän nak gui vai ah kyak ci, ning m’shukchaak nak gui vai ah kä kyak ci.

2 KORIN 13:5

Yum ne nami ghin nak a bä la kä cun ah, nami mät naw nami mät m’htei ne ng’thumcha shüm vä. Cun ung kä nami pyai ah a kyak ung, Bawi Khrit Jesuh nangmi ung a om cu akcang ah nami hmat khai nei.

2 KORIN 13:3

Bawi Khrit naw kei awn thu a pyein ah mawng nangmi naw nami ng’yak hlü cu, akcang ah nami gah khai nei. Nang mi awn a om nak ung, ani cu ak tha kä ken sei, a hlüngtai nak cu nangmi am ning m’dang gui ci nei.

1 KORIN 14:37

Amät naw amät Khanpughi ah ng’düihpüi ah ka kyak ci cik ciah chang, mümcha m’cümhnah nak ka gah ci cik ciah chang naw, Khanpughi ah thukhän awn shin ah ca ka guk law ah mawng cu yum ngak sä.

LAMKTU 25:16

Kei naw, ami chak ah chang tumat cu, chak ci gui ah chang gui awn mik hmai ng’chum sei kä ng’hmu sak ah, ngami ah chak nak ah mawng cu am hlan nak tu ba gui vai ah, a khin kä peit ah, k’sung ne m’kat cu, Roman thung ah kä kyak ci, cine kam thein gui ci.

LAMKTU 22:1

“Israel chang nupa phäi nau gui aw, tuk bäi ka mät ah mawng phlehphlang ne ka pyein lawk khai na ngai tu vä!

LUKA 12:11

“Chang gui naw nangmi cu, yung ah m’kawt mang ah khlaak ung phi bäi, bawi ah maa mang ah maa ah phi bäi, khaw ne ami ning düih sak gui ung, a i chaa ah ka ng’thu khai, cine kä nami ng’ä vai,

1 KORIN 9:2

Chang hei gui naw kei cu ang düihpüi ah kä ami na dou ung phi, nangmi naw nami na dou ci maw! Nangmi Bawi Khrih ung om ne nami ghin nak naw, kei ang düihpüi ah ka kyak nak cu ng’dang sak ci nei.

1 KORIN 9:4

Kei cu ka bilawh ah hmawk ah ka ei awk khin ciah kä kya ne ang?