1 KORIN 9:16 - Cho Bible Common Language 2016

¹⁶ Thu Ni ka pyein nak awn kei ung khähghah nak vai kä om ci, Khanpughi ah thukhän nawn kei naw ka bi ah kyak ci. Kei naw Thu Ni cu kä pyein ah ka om ung a i hlawk ah thüisei vai kyak khai ang!

1 KORIN 9:16 Referans Kwoze

ROMAN 1:14

Ng’awigi ci la ghaatghum ci, hmuhmat ci la kä hmuhmat ci, chang avan ah hmawk ah kei naw ka mawng nak ci kiasei;

KOLOSE 4:17

Cun kawn ah “Bawipa ah khuut nami bi cu pyi hlah ne nami bi vai nei” cine Archippus-am nami m’thein vai nei.

JEREMIAH 20:9

Cun ung phi kei naw, “Kei naw Bawipa kä ka m’hnih khai nei, ani ah min gung ng’thu kä ka pyen ba khai nei,” ka ciah a kyak ung, nang ah ng’thu cu kei ah m’lung kyong ah mei ah mäih ah ui ci nei. Kei naw cun cu akyong ah ka k’pan vai ah ka tha nak ci, cun ung phi kä ka k’pan vai ah ka tha nak ci, cun ung phi kä ka k’pang ba hlawt ci nei.

LUKA 9:62

Bawipa Jesuh naw, “Vintang, m’hachaa kawt ne, a hnu ah va mang ba ci cu Khanpughi ah Uknak kho ah hmawk ah a i ah kä mawng ci nei” ci na gui ci.

LAMKTU 4:20

Kei mi läi kami hmuh lah kami ng’yak cu kä pyein ah kä ka mi om hlawt khai nei” ci neh kyak nah gui ci gui.

AMOS 3:8

Phongkawng am ngaw ung kä kyih ah a u om ne ang? Uktu Bawipa naw ng’thu a pyen ung ani ah ng’thu kä shäu ah a u om hlawt ne ang?

ROMAN 15:17

Bawi Khrit Jesuh ung kawng ät nak awn, Khanpughi ah khuut ka bi hning ah phäh ah, kei cu khähghah ne ka yei ci nei.

LAMKTU 9:15

Bawipa naw ani am, “Hteit ä, cun ah chang cu, changpakhui hei gui, ghangpughang gui lah Israel chang gui am, keiah ming cu m’thein gui khai ah ka ghü ah kyak ci nei.

LAMKTU 9:6

Acun ah k’aw naw, “Kei cu nang naw nak dudeiu nak ah Jesuh nei, cun ung phi tuk bäi ng’düi law ba neh, pigawnu kyawng ah hteit ä, cun kawn ah na bi vai cu na hmat lawk khai nei” ci neh kyak nak ci.

ROMAN 4:2

Abraham cu amät a bilawh om ih nak awn Khanpughi ung ng’düng ciah a kyak vai sü ung, a ni ung khähghah nak vai om khai sü te; cun ung phi ani cu Khanpughi ah ma ah kä khähghah hlawt ci.

AMOS 7:15

Cun ung phi htoshäm bii ka bi nak ungka Bawipa naw na k’thäh ne, hteit ne a chang gui Israel gui ka k’cä gui vai ah na k’bäi ci.

ISAIAH 6:5

Kei naw, “Kei ung ngaih u vai kä om ci nei! Ka khaw mü ci nei, a i ah kyasei ci ung, ka m’nei sun lawk ciah ng’thu nü cu katnak ah kyak ci nei, ang thu phung katnak ah kyak ciah chang gui ah ng’lung ah ka om ci nei. Cun ung phi ka mät ah mik awn, Ghangpughang, m’gäi ciah Bawipa cu ka hmu pyi ci nei!”

JEREMIAH 20:7

Bawipa, nang naw kei cu na na m’hleei ci kya sei, kei cu m’hleei ah kyak ci. Nang cu kei ah tan na k’thamah pi ci, nang naw kei cu na na kahta nak ci. Chang nü naw na päipih u ne, khaw hnüüp pum ung na ng’li pyan ci gui.

JEREMIAH 1:17

Jeremiah, pawng ge ne omä; kei naw na pyen vai ah ka ning thumkhän avan cu hteit ne m’theun gui ä. Tuhbäi ngami kä kyih en gui ä, na kyih gui ah a kyak ung, ngami awn na om sang ang na kyi law pi khai ah kä ning pyang khai.

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

1 KORIN 4:15

Khritha ah nami ghin nak ung ning m’theithang gui khai tämkäp phyaa khak a om ung phi nami Pa cu tumat bäng ah kyak ci. Kei naw Thu Ni cu nangmi ah law püi ngä sei, Bawi Khrih Jesuh ung nami ghin nak tu awn kei cu nangmi ah pa ah ka kya lawk ci.

1 KORIN 9:12

A hei gui hngaw naw nangmi ungka ami gah khin ah a kyakung, keimi läi naw däm pui sei kami gah khin ciah kä kya ne ang? Cun ung phi keimi naw cun gui cu kä kami lak ci. Bawi Khrih ah mawng Thu Ni kä a ng’phleng nak vai ah kami bui aut phung kami hnimgei ci nei.

1 KORIN 9:14

Acun ah mäih ah Thu Ni pyein ciah chang gui cu, Thu Ni ami pyein nak awn ami hnun m’ghin khai gui, cine Bawipa naw k’bäi ci.

2 KORIN 2:12

Bawi Khrih ah mawng Thu Ni ng’shäu vai ah Troas ung ka gawk law yah ung, a cu ah a khuut bi vai ah Bawipa naw lam kawt na hmawn pe sei ka hmuk ci.

MATTHE 25:16

Cun kawn ah ani cu akho hei ah hteit ci. Ghui pit hma-kip gah ciah chang cu acun vai-am sumlei ne, ghui pit hma-kip ah khan ah pit hma-kip ak pawih khai ah gah ci.