1 KORIN 9:12 - Cho Bible Common Language 2016

¹² A hei gui hngaw naw nangmi ungka ami gah khin ah a kyakung, keimi läi naw däm pui sei kami gah khin ciah kä kya ne ang? Cun ung phi keimi naw cun gui cu kä kami lak ci. Bawi Khrih ah mawng Thu Ni kä a ng’phleng nak vai ah kami bui aut phung kami hnimgei ci nei.

1 KORIN 9:12 Referans Kwoze

2 KORIN 11:12

Cun ung phi cun ah ang düihpüi ah pyein ciah chang gui naw, keimi ah mäih ah bi tuk ci gui pyein ne kä ami khähghah en hlawt vai ah, tuhbäi kabi ah mäih ah kabi gäk gäk khai nei.

1 KORIN 9:18

Kei naw a i ng’cheng ka gah khai ang? Kei ah gah cu, ng’cheng kä om ciah Thu Ni ng’shäu ne pyein nak la, cun ah pyein ah phäh ah gah ah khin ci gui cu kä k’thäh ah ka om nak hning ah kyak ci.

1 KORIN 9:15

Cun ung phi kei naw cun ah mäih cu kä ka la man ci, cun ah mäih gui gah vai ah ka ng’yawih nak ah shin ah ca ka guk ah phi kä kyak ci. Cun ah ka ng’yawih ah k’dam ah ka sih ei bä tu ba khai. Kei ah ka khähghah nak cu a kholä ah kyak khai ah bi nak vai cu a u-am kä ka pek khai nei.

1 KORIN 9:2

Chang hei gui naw kei cu ang düihpüi ah kä ami na dou ung phi, nangmi naw nami na dou ci maw! Nangmi Bawi Khrih ung om ne nami ghin nak naw, kei ang düihpüi ah ka kyak nak cu ng’dang sak ci nei.

2 KORIN 11:20

Nangmi naw ning täk phan gui ci, ning m’yung m’ya na gui ci, ning hlawt na gui ci, a i ah kä ning sui tu gui ci, nami hmai ning k’beei gui ci, gui cu nami hniimgei ci.

2 KORIN 6:3

Keimi ah khuut bi nak ah mawng ung chang naw kä ah nam kat en gui vai ah, chang ah kä ng’yak hlü a i phi kä kami bi vai ah kami k’tha nak ci.

1 KORIN 6:7

Nami mät gui nami ng’shawkchak tu nak naw khritha ah kyak nak ah mingthang cu shet sak leng leng ci nei. Cun ah k’dam cheishoh nak nami awt ung kä bä tu ba khai ang! M’gukplet nak nami bui ung kä ni tu ba khai ang!

ROMAN 15:22

Shin ah a mawng awn nang mi ah ka gawk law vai ah kei naw akda vei kak tha nak ci.

LAMKTU 18:3

Ngah ni cu Paul ah mäih ah mehvun bi ne ei awk ciah chang ah kia ni khä tah, Paul cu ngahni ah om nak ah hteit ne a täng ah bi lo tuk ci.

LUKA 11:52

Thukhän saya gui nangmi ung shetkat nak om ci nei, nangmi cu hmuhmat nak ah im kawt hmawn nak cu gim mei u netah, nami mät phi kä nami lut ci, lut hlük ci phi nami maa nak ci” ci ne kiak na gui ci.

NEHEMIAH 4:8

Cun ah kyasei ngami ami van law ne tu vai, Jerusalem cu tu ne, ng’go gaam khai ci vai ah k’bäi ci gui,

ATÜNNAK 24:56

Ani naw, “Kä na m’shawt hnga vä, Bawipa naw ka hteh nak ung näng nak na pe pyi ci, ka bawi ah ka hteit ba khai nei” cik ci.

1 KORIN 9:14

Acun ah mäih ah Thu Ni pyein ciah chang gui cu, Thu Ni ami pyein nak awn ami hnun m’ghin khai gui, cine Bawipa naw k’bäi ci.

1 KORIN 9:16

Thu Ni ka pyein nak awn kei ung khähghah nak vai kä om ci, Khanpughi ah thukhän nawn kei naw ka bi ah kyak ci. Kei naw Thu Ni cu kä pyein ah ka om ung a i hlawk ah thüisei vai kyak khai ang!

1 KORIN 13:7

M’Hni nak ung hnu ng’hlah nak kä om ci; m’hni nak ung yum nak, ngaih ü nak la hniimgei nak cu kä ng’chei phung ci.

2 KORIN 2:12

Bawi Khrih ah mawng Thu Ni ng’shäu vai ah Troas ung ka gawk law yah ung, a cu ah a khuut bi vai ah Bawipa naw lam kawt na hmawn pe sei ka hmuk ci.