1 KORIN 9:1 - Cho Bible Common Language 2016

¹ Kei cu ng’päi om chang ah kä kya ne ang? Ang düihpüi ah kä kya ne ang? Mi Bawipa Jesuh ka hmuk ciah chang ah kä kya ne ang? Nangmi cu Bawipa ah bi ka bi nak ung kaa nami dang lawk ciah kä kya ne ang?

1 KORIN 9:1 Referans Kwoze

LAMKTU 9:17

Cun ah kyasei Ananias cu Soul ah om nak tu ah im ah hteit netah, ak khan ah a kut taih ne, “Ka nau Soul awi, na mik am dei ba vai lah, Mumcha Theing awn na be vai ah hmawk ah, na law nak lam ah na ma ah ng’dang ciah Bawipa Jesuh naw kei cu ana tüih law nei” ci neh pyein ci.

1 TIMOTHI 2:7

Cun ah kyasei, kei cu ang düih püi ah nam düih ne chang khui hei gui ah saya ah kya ne, yum nak thu düng cu ka ng’shäu khai ah na tüi ci. Kei ka hleei ah kä kya ci, thu düng ka pyein na kiak ci.

1 KORIN 3:6

Kei naw m’shi ka geit ci, Apollos naw tui shawi ci, cun ung phi ng’lih pyo sak cicu Khanpughi ah kyak ci.

LAMKTU 23:11

Acun mü Khanpughi cu Paul ah ma ah ng’düi netah, “Kä na kyih vai, nang cu Jerusalem ung kei ah mawng na saksi ah mäih ah Rom ung phi na saksi ba khai nei” cine pyen nak ci.

LAMKTU 9:3

Soul cu Damaskas gawnu pei ah agawk law yah ung khankhaw ah ka akdei cu ang ghit ah ng’dang law neh khang neh shü lawk ci.

1 KORIN 9:19

Kei cu ng’päiom chang, a u ah khleihtein ah kä ka kyak ci; Cun ung phi yum ciah chang ada law pipi vai ah kei cu chang van ah khleihtein ah ka kyak ci.

2 TIMOTHI 1:11

Khanpughi naw kei cu Thu Ni ng’shäu ciah ang düihpüi la saya ah anam düih ah kyak ci.

KALATIAN 5:1

Mikmi cu Bawi Khrit naw na k’phiawn gui pyi ci kyasei ng’päiyee nak mi gah pyi ci! Cun ah kyasei ng’päiyee chang ah kya ne ng’düi vä! Cän kawn ah khlei htein ah kyak ba vai ah kä nami om men vai nei.

2 KORIN 6:1

Cun ah kyasei Khanpughi ah khuut bi nak ghawm awn nangmi cu kami ning hui na gui ci. Nangmi cu Khanpughi ah m’gein nak nami gah ci kyasei, cun cu kä nami m’di en vai.

ROMAN 1:1

Khanpughi naw Thu Ni ng’shäu khai ah ghü ne am’düih, Jesuh Khrit ah chang shäm, kei Paul naw ca ka gu lawk ci.

KALATIAN 1:1

Chang ungka lawk ci la chang ah m’düih ah kä kyak ciah, Jeyuh Khrit la ani sih nak ungka thawh ba sak ciah Apa Khanpughi ah m’düih, ang düihpüi kei Paul La;

1 THESSALONIAN 2:6

Nangmi naw phi bäi, chang hei naw phi bäi, a u naw phi nami nam kümto gui ah kä kami tha na man ci.

2 KORIN 11:5

Kei cu nangmi naw ak tung ah, angdüihpüi ah nami khü ah chang gui ah mä kä ka ng’neim pi khai nei!

1 KORIN 1:1

Khanpughi ah ang yak hlü ah khü ne, Bawi Khrit Jesuh ah ang düihpüi ah am düih ah kei Paul la mi nau Sosthenes naw:

ROMAN 11:13

Kei naw nang chang khui hei gui ah maa ah ng’thu ka pyein ci nei. Kei cu chang khui hei gui ah hmawk ah ang düih püi ah ka kyak ci kya sei, ka mät ah bi nak awn ka khähghah ci nei.

ROMAN 1:5

Khanpughi naw ani ung ang düihpüi ah kyak nak vai ah akhin k’ni cu na pe ne, kho avan ung, chang avan naw Khanpughi cu yum ne ami läk vai ah kei cu m’düih ne na tüi ci.

LAMKTU 14:14

Cun ah ami pawngpüi cu Paul la Barnabas naw ng’ya ni netah, ani suisak teek ne ghawt ne, chang gui ah lung ah va dawng ni netah,

LAMKTU 14:4

Cun ah gawnu ung om ciah chang gui cu k’hnih ah ng’pai ci gui, am shah cu Judah chang gui lam ah kya tuk ci gui, amshah cu Ang düihpüi gui lam ah kya tuk ci gui.

LAMKTU 13:2

Cun ah chang gui cu Khanpughi ah taigü ne, ei hlawi ne ami om yah ung Mumcha Theing naw ngami am, “Kei ah ka bi bik khai goi ah Soul la Barnabas cu khän ne ghü goi vä” cine kyak na gui ci.

LAMKTU 9:15

Bawipa naw ani am, “Hteit ä, cun ah chang cu, changpakhui hei gui, ghangpughang gui lah Israel chang gui am, keiah ming cu m’thein gui khai ah ka ghü ah kyak ci nei.

LAMKTU 9:5

Soul naw, “Bawipa Nang cu a u ang?” cine ng’shik ci.

1 KORIN 10:29

Nami mät ah m’lung ang cim vai pyein ah kä kyak ci, ning m’thein gui ciah m’lung ang cim vai pyein ah kyak ci. Nangmi ungka chang tumatmat naw, “A i ah kya sei kei ah ng’päiye nak cu, a hei chang tumat ah m’lung ah ng’cim nak naw ana shum ang?

1 KORIN 10:30

Kei naw Khanpughi m’hlüngtai ne ka ei ah a kyak ung, cun ah m’hlüngtai ne ka ei nak ah mawng ung, a i ah kyasei chang hei naw kei, ana täitawk tu vai ang?” cine nami ng’shi nak om khai.

1 KORIN 11:16

Shin ah a mawng pyein ne ng’cuhcan hlük ciah chang gui am, “Keimi ung phi bäi, Khanpughi ah khrithabum ung phi bäi, shin ah kawn ah thungyo a hei kä om ci nei” ciah kam thein gui ci nei.

2 KORIN 10:7

Nangmi naw ak pung müisa vah nami teng ci, Nangmi ungka kei bawi Khrih chang ah ka kyak ci cik ciah chang a u om ne ang? A om ah a kyak ung ani ah mäih ah Keimi phi Bawi Khrih ah chang ah kami kyak ci ci cu, ngaih-tüh ba sä