1 KORIN 8:9 - Cho Bible Common Language 2016

⁹ Cun ung phi nangmi naw ng’päiye ne nami ei awk nak tu awn, ayum nak ken ci gui ah cheishoh nak vai ah kä kya-en khai ah nami geing nak vai.

1 KORIN 8:9 Referans Kwoze

KALATIAN 5:13

Ka phäi nau gui aw, nami ng’päiyee khai ah Khanpughi naw ning khü gui pyi ci nei. Cun ung phi cun ah ng’päiyee nak awn pumsa ah ng’yak hlü kä nami läk-en vai nei. M’hni nak awn tumat la tumat nami ng’chaan tu vai nei.

1 PETER 2:16

Ng’pääi om chang ah kya ne nami om vai, nami ng’pääiyee nak cu akshe thuh nak vai ah kä nami mang-en vai, Khanpughi ah changshäm ah kya ne nami om vai.

2 PETER 2:19

Ngahmi naw chang-am ng’päiye nak shai ami taak ung phi, ami mät cu didap nak ah khleihtein ah kyak ci gui. A i ah kyasei ci ung, chang cu ani uk ciah khleihtein ah kyak ci.

1 KORIN 10:24

A u naw phi nami mät ah chaw kä nami shui vai, chang ah k’chaw nami shui peit vai.

1 KORIN 10:32

Jew chang gui, Khui hei chang gui, Khanpughi ah pum im chang gui, a u chang ah hmawk ah phi yaica nak kä om men khai ah nami ghin om vai nei.

1 KORIN 9:22

Kei cu yum nak ken ci gui ah ng’lung ah ka gawk ung, ngami ka k’phiawn nak gui vai ah yum nak ken ciah mäih ah ka om tuk ci. Chang a kükü cu k’phiawn nak gui hlawt vai ah chang a heihei ah a hlü hlü ah ka om tuk ci.

1 KORIN 8:12

Ashikchaa ah nangmi cu nami khritha phäinau cheishoh na u ne, Bawi Khrih phi nami cheishoh nak ci, aktha ken ciah m’lung phi nami sheit sak ci nei.

1 KORIN 8:10

Shin ah a mawng ung am lung kä ng’cim veih ciah chang tumat naw, sonkian ne pui m’ghu nak, pui m’ghu im ung nami ei awk tu a ning hmuh gui ah a kyak ung; cun ah m’ghu nak cu ani naw phi ei law tuk khai ah kä kya ne ang?

THU PHLAAN 2:14

Cun ung phi Balaam ah m’theithang läk ciah chang api cu pyein m’shet vai om ci nei: a gup-am sonkcan ah ei ei vai la, pletbeng vai ah Israel chang gui-am lam shüm gui ciah Balak khawshe cu Balaam naw am theithang ah kyak ci.

2 KORIN 11:21

Keimi naw nang mi ah maa ah shin ah mäih gui kä ka mi bi hning ah mawng cu ng’aa pipi ne ka pyein ci nei.

1 KORIN 10:29

Nami mät ah m’lung ang cim vai pyein ah kä kyak ci, ning m’thein gui ciah m’lung ang cim vai pyein ah kyak ci. Nangmi ungka chang tumatmat naw, “A i ah kya sei kei ah ng’päiye nak cu, a hei chang tumat ah m’lung ah ng’cim nak naw ana shum ang?

ROMAN 15:1

Mi yum nak khäng htek ciah chang gui naw, ayum nak ken ciah chang gui cu m’hteihtang gui vai kyak ci. Mi mät ah yeikyai nak bäng vai ah mi bi khai ah kä kyak ci.

EZEKIEL 14:3

“Ani n aw pyen ne, “Hnicim Chang, shin ah chang gui naw ami m’lung cu agup gui am ap u sei, a gup gui naw katnak ung hteh püi gui ci nei. Ngami naw, kei naw m’shan nak ka pe gui khai an ngai u ne ang?

ISAIAH 57:14

Bawipa naw pyen ci, “Ka chang gui kei ah law ba u sä. Ami lam ung ng’vawntam nak gui vai phung cu nawt heng vä. Lam phi co vä, pyang ge vä!

ISAIAH 35:3

A van khak ci gui la aktha maih sei am khuuk ng’tum ci gui am, k’thamah nak yuk pe law.

TAIGÜTHUM 19:14

A hnga paang ci kä plah vai, a mik m’dauh ah ma ung ang vawn nak vai kä tha vai. Na kyih vä, kei cu Bawipa nami na Khanpughi nei.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

EZEKIEL 44:12

Cun ung phi Israel chang gui naw agup ami khawihnah vai ah ami bi ah phäh la ashin ah bi chang gui katnak ung ami hteh püi gui ah phäh ah, kei, uktu Bawipa naw akcang ah ka ng’taam ci nei, ngami cu m’kyuk gui vai nei.

1 KORIN 10:28

Cun ung phi chang tumatmat naw, “shin ah ei cu m’ghuthaa nak nei” ci ne a pyein ah a kyak ung; cun ah ning m’thein gui ciah chang ah hmawk la m’lung ang cim vai ah hmawk ah, cun ah ei cu kä nami ei tu vai.

2 KORIN 6:3

Keimi ah khuut bi nak ah mawng ung chang naw kä ah nam kat en gui vai ah, chang ah kä ng’yak hlü a i phi kä kami bi vai ah kami k’tha nak ci.

2 KORIN 11:29

Ak tha yawken ci a om ung, kei phi kak tha ken tuk ci; shetkat nak bi lawk ci om ung ani ah hmawk ah ka ng’ä ai aih ci.

KOLOSE 2:8

Geing na vä, Bawi Khrit ungka ah kä kyak ci, khophlüt sei uk ciah Mumcha gui la, chang naw dou ne am theithang nak ung lawk ciah chang läma, gui ah cüivai nak awn, a u chang naw phi kä ning khlei-htein-en nah gui sä.