1 KORIN 8:7 - Cho Bible Common Language 2016

⁷ Cun ung phi chang van naw shin ah düng nak cu kä hmat ci. Chang amshah gui cu a gup khawihnah te ci gui ah kya netah, tuhngawi güt ung ami ei ei cu agup am sonkian ah ei ah ngai ne ei awk ci gui. Cun ah kya sei ngami cu ami m’lung kä ng’cim sei, cun ah ei ei naw m’shet gui ciah ngai ci gui.

1 KORIN 8:7 Referans Kwoze

ROMAN 14:14

Bawipa Jesuh ungka kawng ät nak naw, a i ei phi ang tüi püi ah kä ah theingthap nak kä om ci, cicu na hmat sak ci; cun ung phi, shin ah ei cu kä theing ci ciah yum ciah chang ah hmawk ah cun ah ei cu kä theing ci.

LAMKTU 15:20

Cun ung phi khongyo vawihpeh ng’ghutha nak kä ei vai ah mawng; kä ng’yo khoh dütdüt vai ah mawng; a gawn ung kheik ne ngawn la si phung phung kä ei vai ah mawng gui cu ami hmat hlawi vai ah ca gu ne mi pe gui khai ah ka ngai ci.

ROMAN 15:14

Phäi nau gui aw, nang mi cu ni kyom nak awn be ne, hmuhmat nak phi küm sei, tumat la tumat m’theithang nak hning phi a om ah phäh ah ning ngaih gep gui ne ka yeikyai ci.

1 KORIN 8:1

Tuhbäi ung agup am sonkian ah ei ah mawng nami na ng’shi cu ka ning m’hlan gui khai. Mikmi mi van ung hmuhmat nak om ci cicu akcang ah kyak ci, cung phi hmuhmat nak naw chang cu lämaa sak ci; m’hni nak naw vah chang cu m’küi m’khän ci.

1 KORIN 8:4

Cun ah kya sei a gup am sonkian ah ei cu ei ah mawng pyein ah a kyak ung, a gup cu akcang ah ghing om ciah a gup ah kä kyak ci, cicu mi hmat ci; Khanpughi tumat bäng om ci, ci cun phi mi hmat ci.

1 KORIN 10:25

Nami m’lung ah ng’cim nak awn sumlei hmun ung ami yoih ah sa cu, kä awng-aa ling ah khleih ne nami ei vai.

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.