1 KORIN 8:12 - Cho Bible Common Language 2016

¹² Ashikchaa ah nangmi cu nami khritha phäinau cheishoh na u ne, Bawi Khrih phi nami cheishoh nak ci, aktha ken ciah m’lung phi nami sheit sak ci nei.

1 KORIN 8:12 Referans Kwoze

MATTHE 18:6

“Kei na yum ciah ak hmaw tumat a yum nak maih khai ah bik ciah chang cu, a gawn ung gawtlung khit ne m’awi netah, tuili thuuk ung shum ung ani ah phäh ah bä tuh ba khai.

MATTHE 25:45

Cun kawn ung ghangpughang naw, ‘Kei naw akcang ka pyein cu shin ah chang gui ungka ak yoken pi ah chang käm hteihtang ne nami om phung cu, kei kä nam hteihtang ne nami om ah kyak ci’ cine kyak na gui khai.

1 KORIN 12:12

Bawi Khrih cu akda ah ng’phyeekpai ciah pumsa tumat awn täng ci; ang phyeekpai a hnga hnga a om ung phi pumsa cu tumat bäng ah kyak ci.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

MATTHE 18:21

Cun kawn ah Peter naw a pei ah law netah, “Bawipa, ka phäi nau naw ana katnak ung a i chü vei kam gein vai ang? chih vei m’gein vai ang!” cine ng’shik ci.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

1 SAMUEL 24:11

Teng ä, ka pa, na suinu ah mawng at ne ka kawt ci! Kei naw ka ning ngawn hning te ci. Cun ung phi na suinu bäng ka at ci. Kei naw nang kä ka ning hnu ng’tuk püi hlü nak la kä ka ning bi hlü cu a shin naw ning hmat sak ci nei. Nang ung a i hma nak kä ka bi ngä sei phi, nang naw kei na na ngawn khai ah na na ga nak ci.

1 SAMUEL 2:25

Chang tumat naw a hei chang tumat hnu ng’tuk püi ne katnak abi ah a kyak ung, Khanpughi naw shungshet hning ci nei; cun ung phi Bawipa hnung’tuk püi ne katnak bik cicu a u naw shung shet hning khai aw? Ngami naw ami pa ah pyen cu kä ngai ci gui, Bawipa naw ngami ngawn gui vai ah k’bäi pyi ci.

PHYAWN NAK 32:21

Ani naw Aaron am, “Shin ah mäih ah kyih she ciah shetkat nak ami bi vai ah nang naw na ci gui cu, ngami naw nang ah khan ah a i bi u sei ang?

PHYAWN NAK 16:8

Moses naw, “Bawipa naw mühun ah nami ei vai ah meh, khaw ngawi ah nami ng’büh nak vai ah m’htut ning pe gui khai nei, a i ah kyasei ci ung a i hlawk ah ng’thu m’da ne nami hnungtuk püi cu ani naw ng’yak ci nei. Ng’thu m’da ne keimi nami na hnungtuk püi gui cu akcang ah Bawipa cu ng’thu m’da ne nami hnungtuk püi ah kyak ci nei” cik ci.

ATÜNNAK 42:22

Reuben naw, “Kei naw ka ning pyen na gui ci, a hmaw kä mi bi kaw, ka ci te ci, cun ung phi kä nami ngai ci. Tuhbäi ani ah sih nak cu mi chaw nak ah kyak ci” cik ci.

ATÜNNAK 20:9

Abimelek naw Abraham cu khü neta, “Nang naw a i hawkcha ah na bi ang? Kei naw nang ah khan ah katnak ka bi a i om sei ang? A i ah kyasei kei la ka khaw ah khan ah shin ah katnak na gawk law sak ang? A u naw phi shin ah mäih cu kä bi man khai nei.

MAKUH 9:42

“Kei a na yum nak di maih khai ah, shin ah mäih ak hmaw tumat lam hma sak ciah chang cu, ak hnü-gawn ung lungsum nu khit ne, m’awi netah, tuinu ung buhtawn ung ani ah phäih ah bä tuba khai.

LUKA 17:2

Ak hmaw tumat katnak ung gawk khai ah tüihtok nak bik ciah chang cu lungsum khit ne a gawn ung m’äh netah tuili ung shum ung bä tu ba khai.

ROMAN 14:20

Ei auk vai ei auk nak awn Khanpughi ah bi cu kä m’shet en vä. Ei vai phung cu ei vai kyak ci, cun ung phi cun ah ei ei nak awn chang tumatmat katnak ung luh sak khai a kyak ung, cun ah ei ei cu m’cheishoh nak ah kyak ci.