1 KORIN 7:2 - Cho Bible Common Language 2016

² Cun ung phi pletbeng nak ada aih ah hmawk ah pami päng ak chu om ne hnumi päng a cei om sä.

1 KORIN 7:2 Referans Kwoze

EPHESIAN 5:28

Pami gui naw ami chu cu ami mät ah pumsa ami m’hni ah mäih ah ami m’hni vai. Ak chu m’hni ciah chang cu a mät naw amät phi m’hni ciah kyak ci.

EPHESIAN 5:33

Cun ung phi nangmi tumat ciah hmawk ah phi kyak ci; a cei phung naw ak chu cu amät awn m’täng ne am hni vai, ak chu phung naw phi a cei cu ak chang m’sui vai.

1 KORIN 7:9

Cun ung phi nami ng’yak hlü nak ah m’lung kä nami k’üüp hlawt läi ung nami ng’chula vai nei. M’lung so ne ling sei om ah mä ng’chula ne om cu bä tu ba ci nei.

NG'THU K'THUUK~ 18:22

Chumah ciah chang cu akni hmuk ciah kyak ci. Acun naw Bawipa naw nang ah khan ah ani nak cu m’dang ci.

1 KORIN 6:18

Pletbeng nak cu nami hlawi vai. A hei katnak naw chang tumat ah pumsa cu kä di sak ci; cun ung phi ng’yawpawm pletbeng nak bik ciah chang cu amät ah pumsa m’di ciah kyak ci.

1 TIMOTHI 4:3

Cun ah chang gui naw, käng chung la vai, ei amshah cu hlawi vai, ciah m’theithang ci gui. Cun ung phi yum ne Thu düng hmat ciah chang gui naw, m’hlüngtai ne taigü u netah, cun ah ei cu ami ei vai ah Khanpughi naw a tüi pyan ah kyak ci.

MALAKHI 2:14

A i ah kyasei ani naw kä a dou ba cu nami ng’shi thäh ci. A i ah kyasei ci ung ani naw hmat ci, nami hmaw yah ung nami chu nak ah nami chu ah khan ah nami shaitak nami m’shet ah hmawk ah kyak ci. Ani cu na paw ah kyak ci, cun ung phi nang naw na shaitak nam shet ci. Khanpughi ah ma ah shai na tak ci kyasei, ani ah khan ah na bekhüt vai kyak ci.

NG'THU K'THUUK~ 19:14

Chang naw anupa ah khawh la im cu pakhui m’dung hning ci, Cun ung phi langkha ciah chu cu Bawipa bang naw pe hning ci.

MATTHE 5:32

Cun ung phi chang tumat naw akchu cu, a hei awn akat nak kä om ciah ang chaa püi ah a kyak ung akchu ah khan ah katnak bik ciah kyak ci. Acun ah hnumi chu na tu ba ci cun phi, chang ah chu kat püi ciah kyak ci’ cicu ka ning m’thein gui ci.

1 KORIN 7:1

Tuhbäi ca nami guk law gui ah mawng cu m’hlan ne ka ning m’thein gui khai. Pami cu kä chumah ne a om ung nik ci.

1 KORIN 7:3

K’pami naw cei ah bilawh vai bi sä, hnumi naw chu ah bilawh vai bi sä, tumat ah ng’yak hlü cu tumat naw kümbe sak sä.

1 THESSALONIAN 4:4

Pami phung cu amät ah chu awn ak theingcim ah, chang m’sui tu vai ah a om vai nei.

SUKI GUI 21:22

Ami pa gui, käcung ami phäinau gui law ne ami ning häu law gui ah a kyak ung, nami pyen vai cu, “Nami bä ni, na khäm sak gui vä, a i ah kyasei ci ung, keimi naw kami chu gui vai ng’tuk nak ung kami lak ka kä kyak ci. Nangmi naw nami na pek gui ah phi kä kyak ci, nangmi nami shaitak nami m’shet ciah kä kyak ci,” cik ci gui.