1 KORIN 7:10 - Cho Bible Common Language 2016

¹⁰ Ng’chula ci gui am ng’thu ka khän hlük ci, cun cu kei ah thukhän ah kä kyak ci. Bawipa ah thukhän ah kyak ci: ak chu naw acei cu kä ang ng’chaa püi vai.

1 KORIN 7:10 Referans Kwoze

MATTHE 5:32

Cun ung phi chang tumat naw akchu cu, a hei awn akat nak kä om ciah ang chaa püi ah a kyak ung akchu ah khan ah katnak bik ciah kyak ci. Acun ah hnumi chu na tu ba ci cun phi, chang ah chu kat püi ciah kyak ci’ cicu ka ning m’thein gui ci.

LUKA 16:18

Akchu nawng ne a hei chu na tu ba ciah pami cu, akchu ah khan ah kat nak bik ciah kyak ci. Chang ah ng’chaa püi ah hnumi chu nak ci cu chang ah chu kat püi ciah kyak ci.

1 KORIN 7:15

Khritha ah kä kyak ciah chang tumat naw, khritha tumat cu ang chaa püi hlü ah a kyak ung ng’chaa püi sä. Cun ah a mawng ung chu ah phi kya, cei ah phi kya, khritha apaw ah khan ah amät ah m’hni ah hnüntho hning ci. Khanpughi naw nangmi cu dimdeeih sei nami om vai ah ghü ne ning khü gui ci.

JEREMIAH 3:20

Cun ung phi kä bekhüt ciah hnumi ah mäih ah, nangmi cu kei ung kä nami bekhüt ci, kei, Bawipa naw ka pyen nei.”

1 KORIN 7:12

Ahei chang gui am kei naw (Bawipa ah kä kyak ci, kei ka mät) thu ka khän hlü cu, khritha pami tumat naw kä khritha hnumi tumat cu ak chu nak ung, cun ah hnumi naw ng’khap ne om vai a yum ah khoi ung kä a ng’chaa en püi vai.

1 KORIN 7:25

Ca guh ne nami na ng’shi nak ah kä chucei mah ci gui ah mawng ung; Kei naw ka pyein vai cu Bawipa ah thukhän ah kä kyak ci, cun ung phi Bawipa ah nam gein nak awn, ng’ap ne khin ciah chang tumat ah ka kyak nak awn, ka mät ah ngaih cu ka ning m’thein gui nei.

1 KORIN 7:6

Cun cu kei naw ka ning khäntam gui ah kä kyak ci, ka ning bilawh sak gui ah kyak ci.

1 KORIN 7:40

Cun ung phi cun ah hnumi cu kä ceimah tuba ah a om ung ni pi k’bäih ci. Cun cu ka mät ah ngaih ah kyak ci, kei cun phi Khanpughi ah Mumcha ka gah ciah ka yum ci nei.

MAKUH 10:2

Cun yah ung Pharisees gui cu law u ne, “Chang naw amät ah chu cu ng’chaa püi hning khai, ciah thukhän ung om ne ang?” cine thuvi ne ng’shik ci gui.

1 KORIN 7:11

Ang chaa püi ah a kyak ung phi kä ceimah tu ba ne a om vai, kä cun ung, a cei te ah baw ang dawn ba vai. A cei naw phi ak chu cu kä a ng’chaa en püi vai.