1 KORIN 6:9 - Cho Bible Common Language 2016

⁹ Khanpughi ah uknak kho cu chang shekha naw kä khäm khai cicu akcang ah nami hmat ci nei. Ang lat ah kä nami ngaih en vai nei; Pletbeng ci gui, a gup khawihnah ci gui, chang ah chu hta kat püi ci gui, pami goi ng’yawpawm ci gui;

1 KORIN 6:9 Referans Kwoze

TAIGÜTHUM 20:13

Pami tumat cu a hei pami awn ani ng’yawpawm ah a kyak ung, ngani cu kä akni pi bik ci goi ah kyak ci, ani nik hnih ngawn goi vai. Ngani cu ani mät ah sih nak vai ma nak ci goi ah kyak ci.

TAIGÜTHUM 18:22

A u pami phi ak pami paw awn kä a ng’yawpawm en vai, cun cu Khanpughi naw thüi nak ci.

1 KORIN 6:10

M’guk ei gui, ng’yak hlü nak aih om ci gui, awktat ci gui, ng’plahtang ci gui, la chang ah khawh guttep ci gui cu, a u naw phi Khanpughi ah uknak kho kä khäm tuk khai gui nei.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

1 KORIN 6:19

Nami pumsa cu Mumcha Theing ah pum im ah kyak ciah kä nami hmat ci maa! Cun ah nangmi ung om ciah Mumcha Theing cu Khanpughi ah ning peit gui ah kyak ci. Nami mät naw nami mät kä nami khäm ci, Khanpughi naw vah khäm ci.

1 KORIN 5:10

Cun ah ka pyein nak ung pletbeng ci gui, ng’yak hlü nak da aih ci gui, m’guk ci gui, a gup khawihnah ci gui phung kä nami m’gu pawng püi gui vai ah ka pyein ah kä kayk ci. Ngami cuhlawi gui vai a kyak ung nangmi cu shin ah khomdek khan ung kä nami om tu ba ciah kyak khai.

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

THULÄÄN NAK 22:5

“Hnumi naw pami-sui kä a sui vai, pami naw hnumi-sui kä a sui vai. Cun ah mäih ah bik cicu Bawipa nami Khanpughi naw thüi nak ci.

ROMAN 1:18

Düng nak cu chang gui naw kä ami hmat vai ah cheishoh, shetkat nak gui ah khan ah, khankho ah khanpughi ah m’lung k’she nak a gawk ah mawng cu dang law pyi ci nei.

HEBRU 12:14

Chang päng awn dimdeeih sei nami om vai ah k’tha nah vä, theing cim sei nami ghin vai phi k’tha nah vä, cun ah kä om ciah chang naw a u naw phi Bawipa cu kä hmuk khai nei.

1 KORIN 15:50

Phäinau gui aw, kei naw ka pyein hlü cu, si la sa awn pyan ah chang naw Khanpughi ah uknak kho kä khäm hlawt khai. Thuka thei cicu käthuka thei ciah kä kya hlawt khai.

1 KORIN 15:33

Ang lih lat ah kä ngai en vä. “Ang khawt püi a shet ung chang k’ni shek ci.”

1 KORIN 3:16

Nangmi cu Khanpughi ah pum im ah nami kyak ci, nangmi ung Khanpughi ah Mumcha om ci! cicu akcang ah nami hmat ciah kä kya ne-ang!

HEBRU 12:16

A u chang phi om k’she ne, mümcha kä cimvai ciah Esau ah mäih ah kä nami kiak-en vai, ani naw hta k’tak-hnga ah a kyak nak cu, ei m’ka ät ah yoi ci nei.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

1 KORIN 5:1

Khritha ah kä kyak ci gui hngaw naw shetkat ciah ami ngaih ah ng’yaw ng’pawm pletbeng nak cu nang mi ung om ciah ka ng’yak ci. Chang tumat cu anu chui awn ng’yaw ne ip ci goi ciah ka ng’yak ci nei.

SUKI GUI 19:22

Ngami cu ami lüilawi tu yah ung cun ah gawnu ung htukhtik ciah chang gui cu, im veing u ne, shoh kauh ci gui. Ngami naw a ghipa nu am, “Na khah law püi ah chang cä, na pek gui ä! Ani awn kami ng’yaw hlük ci nei!” cik ci gui.

THULÄÄN NAK 23:17

“A u Israel chang, pami phi, hnumi phi, Taigüim ung chang plet ah kä a kyak vai.

ATÜNNAK 19:5

Lotah cu khü u ne, “Tuhmü na im ah ip tuk khai ah lawk ciah chang goi a hawi ang? Sodom chang pami gui naw kami ng’yawpawm püi goi vai ah na ap gui ä” cine k’thäh ci gui.

NG'THU K'THUUK~ 22:8

Kä taga ciah geit m’shi na phu ah a kyak ung leigai ah tho lawk khai, chang na shedam nak phi ng’pyi khai.

JAMES 1:16

Ka phäi nau gui aw, kä nami ng’laklo-en vai nei!

1 KORIN 9:24

Chang khli ng’längna ne dawng law nak ung tumat bäng naw vah näng nak ng’chuh cu gah ci, cicu nami hmat ci. Cun ah kyasei ng’chuh nami gah vai ah tha na ne dawng vä.

MATTHE 19:29

Cun kawn ah phi kei ah hmawk ah a im, am dek, anu apa, a phäi a nau, akchu a hta, tumat mat nawng shüt ciah chang cu, a nawng shüt ah khan ah a phiaa ah däm pi sei gah ba khai, ang täi ghin nak phi gah khai.

ZEKHARIAH 5:3

Cun kawn ah ani naw kei am, “Ca k’tom ung ng’phyun ca ami guk nei, cun cu khaw avan ung gawk ci. Vangtäng ung m’guk ei phung cu shin ah khaw ungka k’täm vai nei, ciah ng’gu ne, ahei vangtäng ung a hleei pyen ne ng’phyun ciah chang phung cu k’täm vai nei ciah ng’guk ci.

NG'THU K'THUUK~ 11:1

Kä hman ciah nän nak mang cicu Bawipa naw thüi nak ci. Hman ciah khin nak cu Bawipa naw yei nak ci.

TAIGÜTHUM 19:15

Amawng ama ng’thumcha nak ung düng nak la taga nak awn bi vai, dukhaih ci shedam nak, büh mang ci kyih aa nak ah kä a kyak en vai.

PHYAWN NAK 23:1

“Ng’thukshe cu kä na k’püi tu vai, ng’thukshe awn saksi ne changshe kä na gun tu vai.

LAMKTU 24:25

Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.

TAIGÜTHUM 18:20

Chang ah chu kä na yawpawm vai, cun naw kä ning theingthap sak khai.

THULÄÄN NAK 22:22

“Pami tumat cu a hei pami ah chu awn ng’yawpawm ni sei hmu ne nami pha goi ah a kyak ung ani nik hnih sih nak pek goi vai. A cuk cha ah nangmi naw akshe cu nami nawt heng vai.

NG'THU K'THUUK~ 7:27

Ani ah im ah na hteh tu ung, nang cu sih nak ah khaw ah na hteit ciah kyak ci. Cun cu sih nak yät ah kyak ci.

EZEKIEL 18:11

apa naw kä abi man abi ah kiah ci. Ani naw ami hmau ah khawih kiang ung khawihnah douthak cu ei ci, Chang hei ah chuphi kat püi ci.

LUKA 21:8

Bawipa Jesuh naw, “Chang naw kä a ning m’hleei-en gui vai ah geing na ne om vä. Chang akda cu kei ah mäih ah ng’hlawk ne ‘Kei cu Messiah nei’ cik ci om lawk khai nei, acun ah khin cu gawk law pyi ci nei, cine ning m’hleei gui ci phi om lawk khai nei.

LAMKTU 20:32

“Tuk bäi kei naw nang mi cu Khanpughi ah kut ung la, am gein nak ah Thu Ni ung ka ning ap gui ci. Cun ah Thu Ni naw, Khanpughi naw ak chang gui ah hmawk ah am hnüt ah, hriham ning pe gui ne ning düih sak gui khai.

1 KORIN 5:11

Kei naw ka pyein hlü cu kei khritha nei ci netah pletbeng ci gui, ng’yak hlü nak aih om ci gui, a gup hkawihnah ci gui, m’thüikhang ci gui, awktat ci gui, la m’guk ci gui awn kä nami kawng ät vai ah ka pyein ah kyak ci. Cun ah chang gui awn atäng ah ei awk vai ah ngoh ah phi kä nami ngoh en tu vai.

1 KORIN 6:18

Pletbeng nak cu nami hlawi vai. A hei katnak naw chang tumat ah pumsa cu kä di sak ci; cun ung phi ng’yawpawm pletbeng nak bik ciah chang cu amät ah pumsa m’di ciah kyak ci.

2 KORIN 12:21

Cän kawn ah nangmi ah kei ka law ba ung Khanpughi naw, nami ma ah, kei cu na lü ng’aa sak khai ni mä, yan ä sheka u netah tuh güt kä ng’yu ba u ne, m’gu plet ng’yaw ng’pawm düut ciah chang gui ah hmawk ah, kei cu ka ng’phli tui kya law ei bawk khai ni mä, cine kang ä ci nei.

KALATIAN 6:7

Ang lih ng’lat ah kä nami om men vai, a u chang naw phi Khanpughi kä m’hleei hlawt khai. Chang cu amät ah geit bä bä amät naw khäm ba khai.

KOLOSE 3:5

Nangmi naw sihnak ung nami ap vai cu, nami m’lung kyong ung bi bik ciah khomdek khan ng’yak hlü nak gui ah kyak ciah, ng’yawng’pawm nak, om shet nak, htukhtik nak, cheishoh nak, humhlam nak (Humhlam nak cu a gup khawihnah nak ah kyak ci.)

1 JOHAN 3:7

Ka htanau gui aw, a u naw kä ning yoshe-en ah gui sä! Bawi Khrit ang düngdau ah mäih ah düng nak bik ciah chang cu düngdau ci.