1 KORIN 6:3 - Cho Bible Common Language 2016

³ Mikmi naw khankho chang gui phi mi ng’thumcha gui khai cicu kä nami hmat ci maa! Cun ah kya sei khomdek khan ung a mawng gui läi cu mi ng’thumcha pui khai ah kyak ci nei.

1 KORIN 6:3 Referans Kwoze

JUDE 1:6

Ami mät ah gah ah hrilham ah kyong ung kä om u ne, ami om nak ah hmun nawng shüt ci gui ah Khankho chang gui ah mawng cu nami shüm ba khai nei. Ngami cu Khanpughi naw am khoichaa nak vai ah hnüüp ung am shetkat gui vai ah m’htei khaw hnüüp khui ung, kä k’phyan ba hlawt ah m’si gui awn khit ne k’pawng gui ci nei.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

1 KORIN 6:4

Ng’cuhcan nak gui a om law ung Khritha ah kä kyak ciah chang gui am kä nami m’khoichaa en sak vai.

LUKA 8:14

Ng’hling hmu ah kya lawk ciah m’shi ci cu, Khanpughi ah ng’thu ang yak kawn ah kyikyawk ng’ä ng’ai nak, bühmang nak la hlimtui nak gui naw m’khüt sei kä hnün tho hlawt ciah kyak ci.

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

2 TIMOTHI 4:10

Demas cu m’dek khan am hni nak awn, kei na nawng ne, Thessalonika ah hteit ci nei. Creseens cu Kalatia ah, Titus cu Dalmatia ah hteit ci gui nei.

2 TIMOTHI 2:4

A bilawh mawng ung hnüntho ciah gakaap tumat cu, a bawi naw ayum vai ah bilo ciah kyak ci, a hei a mawng ama ung käng cawngcam, kä hnün tho ci.

2 PETER 2:4

Khanpughi naw cheishoh ciah khanchang gui phi käm düm gui ci, ngahmi cu m’hteikho ah yuk chah gui ne, M’khoichaa nak ah Hnüüp güt m’si gui awn k’pawng gui ci.

SAM 17:14

Ami ghin yah ung ami ng’yak hlü düt ah kyak ciah chang gui ung ka na hun ä. Ngami ah hmawk ah na gim pek gui ah yaica nak awn m’kyuk gui ä; cun gui cu ami hta gui ah hmawk ah ng’büh khai nei, Ami hta ah hta gui-am phi nawng pe shüt khai gui nei.

DANIEL 7:22

Cun kawn ah angtäi ah ghing ciah tumat cu law ne, khanpughi ah chang gui täng ah m’kum ne ng’thumcha vai ah mawng shäu ci. Khanpughi ah chang gui naw bawimang huham ami dou nak vai ah akhin cu gawk lawk ci nei.

ROMAN 6:16

Nang mi cu chang tumat ah khlei-htein ah kya ne nami ng’ap ung, a cun ah bawi ah khlei-htein ah nami kyak cu akcang ah nami hmat ci. Nang mi cu katnak ah khlei-htein nah nami kyak ung, nang mi ah gah vai cu sih nak ah kyak ci, Khanpughi ah ng’thu nami ngaih ung nang mi cu Khanpughi naw chang düng ah ning dou gui khai.

1 KORIN 6:15

Nami pumsa cu Bawi Khrih ah pumsa ah ng’phyeekpai ah kyak ciah nami hmat ci. Kei naw Bawi Khrih ah pumsa ng’pai cu la netah, chang hlawhlangnu ah pumsa ng’pai ah ka pyan ung bä khai ang! Kä bä khai nei!

1 KORIN 6:16

Chang thuiplet awn ng’yaw ng’pawm ci goi ah chang cu, acun ah chang awn pumsa tumat ah kyak ci goi cicu kä nami hmat ci maa! Cacim naw ang dang ah a pyein cu, “Cun ah chang hnih cu pumsa tumat ah kyak khai goi nei” ciah kyak ci.

1 KORIN 6:19

Nami pumsa cu Mumcha Theing ah pum im ah kyak ciah kä nami hmat ci maa! Cun ah nangmi ung om ciah Mumcha Theing cu Khanpughi ah ning peit gui ah kyak ci. Nami mät naw nami mät kä nami khäm ci, Khanpughi naw vah khäm ci.