1 KORIN 6:12 - Cho Bible Common Language 2016

¹² Chang atumat naw, “Kei cu i phi ka bi hning ci” cine kyak ciah chang om khai. Cun ung phi, a päng avan cu nangmi ah hmawk ah kä nik khai. Kei naw a i phi ka bi hning ciah ka pyein ung phi, a i naw phi kei cu ani ah khleihtein ah kä na k’hmoh hlawt khai.

1 KORIN 6:12 Referans Kwoze

1 KORIN 9:27

Kei naw chang gui ng’längna tuk khai gui ah khü gui netah, ka mät kä ka k’pawih en shüt vai ah, ka pumsa cu liu ne guh khai ah khüi ne ka ng’lüm ci nei.

2 THESSALONIAN 3:9

Cun ah kami bi cu, keimi ung nangmi ah m’hteihtang nak kami k’thäh nak hning, kä a om su ah kä kyak ci, nangmi naw nami na theileh gui vai ah kami bi ah kyak ci.

JUDE 1:12

Ngahmi cu kä lü ng’aa neh, ei aw plawihnai u ne, nami mang ei küikyang cu thang m’shet ci gui nei. Ngah mi cu ami mät ah hmawk bäng teng ci gui. Ngami cu khaw ah phi kä aa hlawt ciah, khawkhi naw a yon shüishüi ah khaw ng’mei awn täng ci gui. Kä m’theihpai sei, Khaw cingkhaw ah ang yung ah mawi ne m’shän ung chawng ne sik ciah singghing awn phi täng ci gui.

1 KORIN 8:4

Cun ah kya sei a gup am sonkian ah ei cu ei ah mawng pyein ah a kyak ung, a gup cu akcang ah ghing om ciah a gup ah kä kyak ci, cicu mi hmat ci; Khanpughi tumat bäng om ci, ci cun phi mi hmat ci.

ROMAN 7:14

Thukhän cu mümcha lam ah kyak ciah mi hmat ci, cun ung phi kei cu katnak ah khlei-htein, chang ah hta ah ka kyak ci.

1 KORIN 9:12

A hei gui hngaw naw nangmi ungka ami gah khin ah a kyakung, keimi läi naw däm pui sei kami gah khin ciah kä kya ne ang? Cun ung phi keimi naw cun gui cu kä kami lak ci. Bawi Khrih ah mawng Thu Ni kä a ng’phleng nak vai ah kami bui aut phung kami hnimgei ci nei.

JOHAN 5:10

Cun ah kyak sei Jew chang ng’vai gui naw, “A u naw a ning gai ba sak ang? thu ngawi cu kyinnak hnüüp ah kyak ci, na yih phah la ne na law ba cu thukhän nak kaan ciah kyak ci” cine kyak nak ci gui.

TAIGÜTHUM 15:18

Pami la hnumi cu ani ng’yaw kawn ung, ani nik hnih tui ani ng’si vai. Ngani cu khaw mühun güt ung kä theingthap ci goi ah kyak ci.