1 KORIN 5:9 - Cho Bible Common Language 2016

⁹ Ayan ka guk law nak ah ca ung pletbeng ciah chang gui awn kä nami m’gu ng’pawng vai ah ka ning m’cäi gui ci.

1 KORIN 5:9 Referans Kwoze

EPHESIAN 5:11

Hnüp khui ung om ciah chang gui ah bi, kä ak ni gui cu, kä nami bi en tu vai, cun gui cu nami dang sak vai nei.

2 THESSALONIAN 3:14

Shin ah kami ning m’khäh law gui ah ca ung ning m’cäi nak gui ah ng’thu kä läk tuk ciah chang cu, m’hnüt u netah, kä ng’gui ng’pha püi ne nami nawng vai nei, cun ung ani cu lü ng’aa khai nei.

2 THESSALONIAN 3:6

Phäinau gui aw, Bawipa Jesuh Khrit ah ming awn thukhän kami ning peit gui cu, damduh ciah khritha phäi nau gui la, keimi ah m’shümthein nak kä läk tuk ciah chang gui cu, kä nami kawng ät püi gui vai.

2 KORIN 6:14

Kä yum ci gui awn a täng täng ah kä nami hnün thawh vai, atäng ah om ih vai ah kä kyak ci. Ak ni la ak ka cu kä ng’gui ng’pha hlawt khai goi. Akdei la ak hnüp cu a täng ah kä om hlawt khai goi.

NG'THU K'THUUK~ 9:6

A i kä hmuhmat ciah chang gui cu nawng gui ne ghing ä. Hmuhmat nak cu läk ä.”

1 KORIN 5:7

K’caw k’phyim ah kyak ciah katnak cu nami nawng shüt vai, cun ung vah nangmi cu nami theingcim lawk khai. Cun ung nangmi cu k’caw kä shum ah m’htut den k’thai ah mäih ah nami kyak khai. Cun ah nangmi akcang ah nami kyak cu kei naw ka hmat ci. Mikmi ah phiawnnak Htome ah kyak ciah Bawi Khrih awn ng’küikyan pyi ah kya sei, phiawnnak pawi cu bige vai kyak ci nei.

1 KORIN 5:2

Cun hlawk ah shetkat nak om sei phi a i ah kya sei nami khähghah lä ang! A i ah kya sei cun ah hmawk ah kä nami thui ng’aa ang! A i ah kya sei cun ah mäih ah chang cu nami bum nak ungka kä nami k’täm ang!

2 KORIN 6:17

Cun ah kyasei Bawipa naw; “Ngami cu nawng shüt gui ne, ngami awn ng’cha ne nami om vai. Kä theingcim cicu kut awn phi kä nami tawk en vai, cun ung ka ning dou gui khai.

1 KORIN 5:10

Cun ah ka pyein nak ung pletbeng ci gui, ng’yak hlü nak da aih ci gui, m’guk ci gui, a gup khawihnah ci gui phung kä nami m’gu pawng püi gui vai ah ka pyein ah kä kayk ci. Ngami cuhlawi gui vai a kyak ung nangmi cu shin ah khomdek khan ung kä nami om tu ba ciah kyak khai.