1 KORIN 5:8 - Cho Bible Common Language 2016

⁸ Cun ah kya sei katnak la cheishoh nak ah kyak ciah k’caw ak pyim shumah m’htut awn ah kä kyak ciah ng’cim nak la ng’düng nak ah kyak ciah k’caw kä shum ah m’htut awn phiawn nak pawi cu mi bik khai nei.

1 KORIN 5:8 Referans Kwoze

THULÄÄN NAK 16:3

Shin ah ei nami ei law ah akiak ung k’caw shum ne pyan ah m’htut kä nami ei en vai, kho hnüüp chih ung nangmi cu k’caw kä shum ah m’htut nami ei vai. Cun cu nangmi naw Egypt khaw ang ghit ah nami hteh tak law vai ung nami bi ah mäih ah kyak ci. Shin ah m’htut nami ei vai, Cun cu yaica nak ah m’htut ah pyen vai. Cun ah kya sei yaica nak a hmun, Egypt khaw ungka naw nami law ba nak ah hnüüp cu nami ghin ah chuih nami shüm ba vai ah kyak ci.

PHYAWN NAK 12:15

Bawipa naw, “Khaw hnüüp chih ung k’caw shum ah m’htut kä nami ei en vai, k’caw kä shum ah m’htut bäng nami ei vai. A hnüüp ät hnüüp nami im ungka k’caw avan nami ghawh vai. Cun ah hnüüp chih ah kyong ung chang tumat mat naw, k’caw shum ah m’htut a ei ah a kyak ung ani cu kei ah chang ah kä kya ba khai.

LUKA 12:1

Cun yah ung phiaa m’ku-gha ah chang gui cu ng’tawn ne, ng’hnet tu ne gawk law u khätah, Bawipa Jesuh naw ang düihpüi gui-am, “Pharisee gui ah k’caw ah mäih ah ami thuvi cu nami geing nak vai,

MAKUH 8:15

Bawipa Jesuh naw, “Nang mi naw Pharisee gui ah k’caw la Herod ah k’caw cu geing nah ne nami hlawi vai nei” cine ang düihpüi gui cu m’cäi gui ci.

MATTHE 16:6

Bawipa Jesuh naw, “Nangmi cu pharisee gui la Sadducee gui ah k’caw cu ngaih na ne nami hlawi vai,” cine m’cäi gui ci.

1 PETER 4:2

Tuhbäi khomdek pumsa awn nami ghin nak ba ah a khin ung, chang ah ng’yak hlü ah kä ghing ne, Khanpughi ah m’hni ah nami ghin vai.

EPHESIAN 6:24

Kä si hlawt ciah m’hni nak awn mi Bawipa Khrit m’hni ciah chang gui ah khan ah Khanpughi ah m’geinsei nak cu kümbe ne om sä.

1 KORIN 5:6

Nangmi cu chang ah kä nami ng’shei vai. “K’caw api hta naw m’htut den avan cu thawh sak ci” ciah thu thuuk cu nami hmat ci.

JOHAN 1:47

Bawipa Jesuh naw Nahtanelah a law hmu netah, “Ani cu, Israel chang akcang ah kyak ci nei, ani ung hleeihlak nak kä om ci nei” cik ci.

MATTHE 16:12

Cun kawn ah ang düihpüi gui naw, m’htut pyan nak ah k’caw ami hlawi vai ah kä kya ne, pharisee gui la Sadducee gui ah theithang cu kä ami läk-en vai ah Bawipa Jesuh naw am cäi gui cu, hmat lawk ci gui.

ISAIAH 30:29

Cunung phi nangmi khanpughi ah chang gui cu yeikyai u ne, thingcim ciah pawi mü ung nami ng’äi ah mäih ah ng’äi nami m’cu khai. Israel gui shungvong gui ciah Bawipa ah Taigü un ah amihteh nak lam ung, puläi tum nak ung hteit ci gui ah mäih ah nangmi cu yei kiai nak om khai.

ISAIAH 25:6

Shin ah Zion m’htung ung m’gäi ciah Bawipa naw khomdek khan chang pakhui avan ah hwawk ah ei-hnii ng pyang khai bä pi ciah ei la ni pi ciah awk ah ei-hniing ah kya ci.

SAM 42:4

Yan ä ka gui ka shüm ba ung ka m’lung so ci nei, Kei cu chang hli awn atäng ah Khanpughi ah im ah ka hteh yah ung, ami m’hni ah hteh sak gui yeikyai ciah chang hli naw ng’äi m’cu ne, m’lau ne, Khanpughi m’tam ci gui nei.

SAM 32:2

Bawipa ah m’kat nak ah hma nak kä om ne, m’thüi m’khang nak ung am hlawt ah chang cu yeikyai nak om ci.

TAIGÜTHUM 23:6

A hnüüp gha lei hma hnüüp ung k’caw kä shum ah m’htut htun nak ah pawi cu tün ne, hnüüp chih ah kyong ung nangmi cu k’caw shum ah m’htut kä nami ei en vai.

2 KORIN 8:8

Shin cu ka ning khänkhi gui ah kä kyak ci. Chang gui ah peittaak m’hteintang nak ah mawng ka ning m’thein gui cu nangmi ah m’hni nak akcang, ah hmat vai ah phäh ah kyak ci.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

1 KORIN 5:1

Khritha ah kä kyak ci gui hngaw naw shetkat ciah ami ngaih ah ng’yaw ng’pawm pletbeng nak cu nang mi ung om ciah ka ng’yak ci. Chang tumat cu anu chui awn ng’yaw ne ip ci goi ciah ka ng’yak ci nei.

1 KORIN 3:3

A i ah kyasei ci ung nangmi cu khomdek chang gui ah om ah mäih laih laih ah vah nami om ci. Tumat la tumat nami m’thüikhang ci, nami ng’vawng’shang ci, cun ah nami om naw khomdek chang gui ah mäih düt ah nami om cu m’dang ciah kä kya ne-ang?

JOSHUA 24:14

Tuhbäi cun kawn ah, Joshua naw k’täi ne, “Bawipa cu m’tamkhah ne kyäp nep nak la bekhüt nak awn abii nami bi vai. Egypt la Mesopotamia khaw ah nami pupa gui naw ami khawihnah man ah khanpughi gui cu nami phyawn nak gui vai, Bawipa bäng ah khut nami bi vai.

THULÄÄN NAK 16:16

“Nami pakhui khaw ung chang avan cu Bawipa khawihnah vai ah khawihnah nak ah hmun tumat ung kum ät ung thum vei nami law vai nei. Cun gui cu Phyawn nak Pawi, Geit Khäm Pawi la Ng’yii nak Pawi ah kyak ci. A chang sing naw m’cümhnah nak tumat ci a law püi vai.

PHYAWN NAK 13:6

Hnüüp chih ung k’caw kä shum ah m’htut nami ei vai. A hnüüp chih hnüüp Bawipa m’tam nak ah pawi nami bi vai.

PHYAWN NAK 12:8

Acu mü cun ah meh cu ng’shai neta, ankha la k’co kä shum ah m’htut awn meh ne ei vai.

PHYAWN NAK 12:19

Hnüüp chih ah kyong ung nami im kyong ah k’caw kä a om en vai, tumat mat ung a om ah a kyak ung, khaw mah ah a kyak ung phi, khaw hei chang ah a kyak ung phi, k’caw shum ah m’htut ei ci phung cu, kei ah ka chang ah kä kya tuba khai nei” cik ci.

PHYAWN NAK 13:7

Hnüüp chih ung k’caw awn pyan ah m’htut kä nami ei vai. K’caw la k’caw shum ah m’htut nami khaw ung a hawi ah phi kä a om en vai.

2 KORIN 2:17

Keimi naw a hei chang gui ah so ah, Khanpughi ah ng’thu cu, a phu k’yän khawhchaam ah mäih ah kä kami sumlei nak ci: Khanpughi naw ana tüih gui ah kyasei, amaa ah ang thu cu, Bawi Khrih chang shäm ah kya ne ng’düng sei kami pyein ci.