1 KORIN 5:2 - Cho Bible Common Language 2016

² Cun hlawk ah shetkat nak om sei phi a i ah kya sei nami khähghah lä ang! A i ah kya sei cun ah hmawk ah kä nami thui ng’aa ang! A i ah kya sei cun ah mäih ah chang cu nami bum nak ungka kä nami k’täm ang!

1 KORIN 5:2 Referans Kwoze

2 KORIN 12:21

Cän kawn ah nangmi ah kei ka law ba ung Khanpughi naw, nami ma ah, kei cu na lü ng’aa sak khai ni mä, yan ä sheka u netah tuh güt kä ng’yu ba u ne, m’gu plet ng’yaw ng’pawm düut ciah chang gui ah hmawk ah, kei cu ka ng’phli tui kya law ei bawk khai ni mä, cine kang ä ci nei.

EZEKIEL 9:6

Aghipa, chang nong, hnumi nong, nunu gui, hta hmaw gui, ngawn gui vä. Cun ung phi am calai ung m’hnüt nak om cicu kä name tawn en vai. Shin ah kei ah Taigüim pei ung name tün vai.” Cun ah kyasei ngami haw Taigüim pei ah ng’düi ciah ang vai gui ung tün ci gui.

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.

JEREMIAH 13:17

Nangmi naw kä nami ngaih ah a kyak ung nangmi chang ah nami ng’shei ah phäh ah adüm ah ka kyap khai; Kei cu ak tung ah ka kyap khai, ka ng’phlitui cu long khai, a i ah kyasei ci ung Bawipa ah chang gui pha ne ami hteh püi gui ah phäh ah kyak ci.

SAM 119:136

Chang gui naw na thukhän kä ami läk ah hmawk ah tuinu ah mäih ah ka ng’phli li ci nei.

2 GHANGPUGHANG GUI 22:19

Nang cu ng’yuu ba ne, kei ah ma ah na m’lung na ng’neim sak ci, kei naw Jerusalem la a chang gui, ka m’kyuk gui khai, cicu ng’ya neta na sui k’teek ne, na kyap ci. Kei naw cun cu kyihkyawk vai ah ka bik khai, shin ah hmun ah aming cu chang gui naw plah tam nak ah mang khai gui. Cun ung phi nangmi ah taigü cu kei naw ka ng’yak ci,

KHEI NAK 25:6

Israel chang tumat naw Midianit hnumi cu Moses la chang bum gui ah hmuh ah a shaum ah kyong ah luh püi ci. Cun yah ung ngami cu Bawipa ah om nak ah Phung valuh nak ung ami thüikyah sang ah kyak ci.

1 KORIN 4:18

Nangmi ah kei kä ka law ba khai ah ngai u netah chang amshah gui cu chang ah ng’shei ci gui nei.

2 KORIN 12:20

Nangmi ah kei ka gawk law ung, ka ning hmuh gui hlü ah mäih ah kä ka ning hmuh gui vai la, nangmi naw phi kei cu nami na hmuh hlü ah mäih ah kä nami na hmuh vai ah kang ä ci nei. Ng’tukvook nak, m’thüikhang nak, m’lungshe nak, ng’küükneet nak, ghingshe nak, khleei nak, m’ghäm’ce nak, ng’go ng’gan nak gui ka hmuh vai ah ang htei ah ka ng’ä ci nei.