1 KORIN 5:1 - Cho Bible Common Language 2016

¹ Khritha ah kä kyak ci gui hngaw naw shetkat ciah ami ngaih ah ng’yaw ng’pawm pletbeng nak cu nang mi ung om ciah ka ng’yak ci. Chang tumat cu anu chui awn ng’yaw ne ip ci goi ciah ka ng’yak ci nei.

1 KORIN 5:1 Referans Kwoze

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

THU PHLAAN 2:21

Kei naw ani ang yu ba vai ah akhin ka pek ci, cun ung phi ani ashet katnak ung kä ng’yu ba hlük ci.

KOLOSE 3:5

Nangmi naw sihnak ung nami ap vai cu, nami m’lung kyong ung bi bik ciah khomdek khan ng’yak hlü nak gui ah kyak ciah, ng’yawng’pawm nak, om shet nak, htukhtik nak, cheishoh nak, humhlam nak (Humhlam nak cu a gup khawihnah nak ah kyak ci.)

EPHESIAN 5:3

Nangmi cu Khanpughi ah chang ah nami kyak ci kyasei, pletbeng nak, shetkat nak a hlü hlü la ng’yak hlü aih nak gui ah mawng cu, a pyein pang ah phi kä nami pyein vai nei.

TAIGÜTHUM 18:8

Na pa ah a chu hei gui phi yawpawm pe ne, na pa kä na m’thüi en vai.

KALATIAN 5:19

Hnicim chang ah ng’yak hlü gui cu dang ge ci. Cun gui cu ng’yawpawm nak, shemshai nak, gän düt ah kyak nak;

1 THESSALONIAN 4:7

Khanpughi naw m’gukplet humhlam vai ah a na khü gui ah kä kiak ci, ak theingcim ah om vai ah ana khü gui ah kyak ci.

2 KORIN 12:21

Cän kawn ah nangmi ah kei ka law ba ung Khanpughi naw, nami ma ah, kei cu na lü ng’aa sak khai ni mä, yan ä sheka u netah tuh güt kä ng’yu ba u ne, m’gu plet ng’yaw ng’pawm düut ciah chang gui ah hmawk ah, kei cu ka ng’phli tui kya law ei bawk khai ni mä, cine kang ä ci nei.

1 KORIN 6:18

Pletbeng nak cu nami hlawi vai. A hei katnak naw chang tumat ah pumsa cu kä di sak ci; cun ung phi ng’yawpawm pletbeng nak bik ciah chang cu amät ah pumsa m’di ciah kyak ci.

1 KORIN 6:13

Chang atumat naw, “Ei cu chi ah phäh ah kyak ci, chi cun phi ei ah phäh ah kyak ci” cine pyein ci om khai. Acun ah kyak ci, cun ung phi Khanpughi naw acun goi ani nik hnih cu dimaih sak khai. Pumsa cu ng’yawpawm pletbeng nak düt vai ah kä kyak ci, Khanpughi ah bi bi nak vai ah kyak ci; Khanpughi naw phi pumsa ung hlü ci gui cu yuk m’kyum lawk ci.

1 KORIN 6:9

Khanpughi ah uknak kho cu chang shekha naw kä khäm khai cicu akcang ah nami hmat ci nei. Ang lat ah kä nami ngaih en vai nei; Pletbeng ci gui, a gup khawihnah ci gui, chang ah chu hta kat püi ci gui, pami goi ng’yawpawm ci gui;

1 KORIN 5:11

Kei naw ka pyein hlü cu kei khritha nei ci netah pletbeng ci gui, ng’yak hlü nak aih om ci gui, a gup hkawihnah ci gui, m’thüikhang ci gui, awktat ci gui, la m’guk ci gui awn kä nami kawng ät vai ah ka pyein ah kyak ci. Cun ah chang gui awn atäng ah ei awk vai ah ngoh ah phi kä nami ngoh en tu vai.

LAMKTU 15:29

A gawn kheik ne ngawn ah sa kä ei vai, kä ng’yawpawm dütdüt vai, ciah thukhän nah kawn ah a hei phuih gih nami khan ah kä a gawk law vai ah Mumcha Theing awn keimi kami gup ät ci nei. Shin ah a mawng gui cu nami hlawi ah khoi ung nangmi ah hmawk ah bä ei khai nei. Gai ne yei ne om vä!” ciah guk ci gui.

LAMKTU 15:20

Cun ung phi khongyo vawihpeh ng’ghutha nak kä ei vai ah mawng; kä ng’yo khoh dütdüt vai ah mawng; a gawn ung kheik ne ngawn la si phung phung kä ei vai ah mawng gui cu ami hmat hlawi vai ah ca gu ne mi pe gui khai ah ka ngai ci.

JEREMIAH 2:33

Nangmi naw mät ah m’hni cu a i hawkcha gawt vai cicu nami hmat ci nei. Ak ghawi pikbäih ah hnumi gui naw phi nangmi ah ng’thei lawk khai gui nei.

2 KORIN 7:12

Cun ah kyasei a yan ka guk law ah ca cu, cheishoh ciah chang ah hmawk ah phi kä kyak ci, ami cheishoh nak ah chang ah hmawk ah phi kä kyak ci. Khanpughi ah maa ah nangmi naw keimi cu a i hlawk ah nami na yum hni gui cu akcang ah ang dang vai ah phäh ah kyak ci.

1 KORIN 1:11

Phäinau gui aw, nangmi nami ng’gen tu ah mawng cu Chloe ah kyongkhui chang gui naw nam thein u sei ka ng’yak ci nei.

AMOS 2:7

Ngami naw aktha ken ci la amgein kaa gui cu k’thüng gui u ne, dukhaih ci gui cu lam ungka buh tawn gui ci gui. Apa la ahta naw changshäm hnumi hta cu ng’lak na ne chu nak ci goi. Cun ah kya ne ka ming theing cu m’shet ci gui.

EZEKIEL 16:47

Nang cu ngami läk gui ne ami khaw ne hung kai ne, shemshai ciah ami hnun thawh cu na theitu nak awn na ng’büh ne ang? Kä na ng’büh ci, akhin api hta ah kyong ung ngami naw ami bi gui nü ngata kaa pi khai ah nang naw na bik ci nei.

THULÄÄN NAK 27:20

“Khanpughi ah plah taam nak cu apa ah chu tumat mat ng’yawpawm püi ne apa m’thüi ciah chang päng ah khan ah gawk sä.” Chang avan naw ami m’shan vai cu, ‘Amen!’

THULÄÄN NAK 22:30

“A u pami naw phi apa ah chu tumat mat yawpawm ne apa kä am thüi en vai.

EZEKIEL 22:10

Amshah gui cu ami pa ah chu awn ip ci gui. Amshah gui naw hnumi gui ami cha shüi a law yah ung k’tut ne ng’yaw püi ci gui.

1 SHONTÄP NAK 5:1

Shin cu Jakob ah hta gui ung ang vai pikbäih Reuben ah htangshon gui ah kyak ci. Ani cu apa ah chu tuba tumat awn ani ng’yaw ah phäh ah hta htük ah kyak nak cu shum ci, ani ah chan cu Joseph am ami pek ah kyak ci.

2 SAMUEL 20:3

David cu Jerusalem amang im ung gawk law ba neta, mang im m’htei khai ah a nawng shüt gui chubawk sing gha cu la gui ne, im ung chum gui ci. Ani naw ami ng’yak hlü pe gui ci, cun ung phi kä ng’yaw koh püi gui ci. Ngami cu ami ghin ah chüih chum ne tha gui ci, hmeinu ah mäih ah om ci gui.

2 SAMUEL 16:22

Cun ah kyasei ngami naw mang im m’kiung khan ah Absalom ah phäh ah phung tuk ci gui. Cun kawn ah chang päng ah hmuh ah Absalom cu hteit ne, apa ah chubawk gui cu yaw gui ci.

1 SAMUEL 2:24

“Ka hta gui, nawng vä! Bawipa ah chang gui naw shin ah mawng pyen vai cu kyih aih vai kyak ci nei!

TAIGÜTHUM 20:11

Chang tumat cu apa ah chu tumat mat awn ng’yawpawm nine, apa am thüi ah a kyak ung, hnumi la pami ani nik hnih cu ngawn goi vai. Ngani cu ani mät ah sih nak vai ma nak ci goi ah kyak ci.

ATÜNNAK 49:4

Nang cu tuiklaw ah mäih ah na kyak ci. Cun ung phi nang cu aküikyang pi ah kä na kyak khai, A i ah kyasei ci ung kei ah ka chuba ih püi ne, na pa ah ihphak cu na shetkat sak ciah kyak ci.

ATÜNNAK 37:2

Shin cu Jakob ni kyong ah mawng ah kyak ci. Jakob cu a khaw kum gha lei chih a law yah ung, apa ah chu tuba goi Bilhah la Zilpah ah hta gui awn a täng ah htawme gui shäm ci gui. Joseph naw a phäinau gui ah shetkat nak ah mawng cu apa am m’thein ba ci ci.

ATÜNNAK 35:22

Jakob cu cun ah khaw ung a om yah ung a hta Reuben la ak chuba Bilhah cu ng’yaw ci goi, cun cu Jakob naw hmat ci. Jakob cu gha lei goi ah hta ci.

2 KORIN 2:5

Chang tumat naw kei a nam thüi ah a kyak ung, kei bäng ah kä kyak ci, nang mi nami van, kä cun ung amshah läi cu ning m’thüi gui ciah kyak ci. (Acun ah chang ah khan ah katnak kä k’bum hlü ne cun ah ka pyein ah kyak ci.)