1 KORIN 4:8 - Cho Bible Common Language 2016

⁸ Nangmi cu nami ng’yak hlü päng kumbe pyi ne maa! Nami ng’büh mang ei pyi ci maa! Keimi hnaw ghangpughang ah kä kya u ngä sei, nangmi ghangpughang ah nami kya pyi ci maa! Nangmi cu akcang ah ghangpughang ah nami kyak vai ka ng’ya hlük ci, cun ung vah keimi phi nangmi awn a täng ah ghangpughang ah kami kya tuk khai.

1 KORIN 4:8 Referans Kwoze

THU PHLAAN 5:10

Nang naw ngami cu Khanpughi ah khuut bik khai gui ah ngung nak ah taigü ah na k’hmoh gui ci. Ngami naw m’dek khan ah uknak cu gah khai gui nei,” ciah kyak ci.

KALATIAN 6:3

Amät bä ciah ngai ci cu, amät kä bä ciah a kyak law ung, amät naw amät m’hleei ciah kyak ci.

2 KORIN 13:9

Keimi kami k’tha ken ne, nangmi nami k’tha a ghaat ung, kei mi kami yei ci nei. Cun ah kyasei nang mi kümbe ciah chang ah nami kyak law vai ah phi kami k’taigü ci nei.

1 KORIN 5:6

Nangmi cu chang ah kä nami ng’shei vai. “K’caw api hta naw m’htut den avan cu thawh sak ci” ciah thu thuuk cu nami hmat ci.

1 KORIN 1:5

Nang mi cu Bawi Khrit ung nami kawng ät nak awn, thu m’gawng thei nak la hmuhmat nak mah mah ah bühmang nak cu nami gah ci.

ROMAN 12:3

Khanpughi ah na peit ah bä mang nak awn, ak chang sing ka ning m’cäi gui hlü cu; na mi mät ung ng’müi ciah tha ah hlüng pi khai ah m’lung kä nami m’däm vai. Khanpughi naw a ning peit gui ah yum nak ah ayun ak bawng ah ciah, nami mät awn khinkhaa khai ah, nami mät naw nami mät nami m’khoichaa vai nei.

LUKA 6:25

“Tuhbäi nami plumshau ci gui thüi sei nak om ci. Nangmi, ung cawi gha nak gawk lawk khai nei. “Tuhbäi nami yei gaih ci gui thüi sei nak om ci, ng’phli li sei Nami thüisei nak gawk lawk khai nei.

NG'THU K'THUUK~ 13:7

Chang amshah cu bühmang ciah ng’shei ci, cun ung phi a i kä tak ci. Chang amshah cu pyamtham ciah ng’shei ci, cun ung phi khawh akda tak ci.

THU PHLAAN 3:17

‘Kei cu ka ng’bühmang ci, kei ung a i phi kä hlü ci’ na cik ci, cun ung phi nang cu a i hlawk ah dukhaih ne m’gein vai ah na kiak cu kä na hmat ci. Nang cu dukhaih ne a i kä suisa ne, a i kä hmuteng ne na om ciah chang nei.

PHILIPPIAN 2:12

Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

PHILIPPIAN 1:27

Tuk bäi ak küikyang pi cu Bawi Khrit ah Thu Ni awn ng’müi khai ah nami ghin om vai ah kyak ci. Cun ah kya sei kei ka law ba hlawt ung phi, kä ka law ba hlawt ung phi, Thu Ni yum nak ung, tumat ah khäng khai ah m’lung ngai u ne, ng’bü nak ung tumat ah htek khai ah ng’düi u ne, khüighaat ne nami kyak ah mawng cu ka ng’ya hlük ci nei.

2 KORIN 11:1

Kei ah api ah ka shetkat nak cu nami hnimgei vai nei, Nami Bä ni!

1 KORIN 4:18

Nangmi ah kei kä ka law ba khai ah ngai u netah chang amshah gui cu chang ah ng’shei ci gui nei.

LAMKTU 26:29

Paul naw, “Ashäng hta la ak shou nu cu ak tung ah kä kyak ci, nang ghangpughang la tuk bäi ka ng’thu ngai ng’ya tuk ciah chang avan cu, shin ah khihpawn nak ungka phyawng ne, kei ah mäih ah nami kyak law tu vai ah, Khanpughi ah kak taigü ci nei” ci ne pyein ci.

JEREMIAH 28:6

“Cäicat vai nei! Shin gui cu Bawipa naw bik khai ah kei naw ka ngaih u ci! Kei naw akcang ah ka ngaih u ci, ani naw nangmi ah ng’cäbang nak cu bä khai ah bik khai, Babilonia ah kaa, Taigüim m’küm khawh gui a van la pha ne ami hteh püi ah chang gui avan cu law püi ba gui khai gui.

ISAIAH 5:21

Nami khaw mü ci nei! Nangmi naw nami mät cu cüivai ciah, lunglang aih ciah nami ngai ci.

NG'THU K'THUUK~ 25:14

Shaitak bi neta kä pe phung ciah chang cu, kho kä aa sak phung ciah khongmei la khokhi ah mäih ah kyak ci.

KHEI NAK 11:29

Moses naw, “Nang cu kei ah hmawk ah ning m’ä tu ne ma? Kei naw ka ng’yak hlü cu Bawipa naw ang mümcha cu ak chang gui avan am a peik vai. Ngami ami van cu prophet ah mäih ah ami m’lau vai ah kyak ci.

MATTHE 5:1

Bawipa Jesuh cu chang gui akda hmu gui netah, m’htung khan ah hang kai ci.