1 KORIN 4:5 - Cho Bible Common Language 2016

⁵ Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

1 KORIN 4:5 Referans Kwoze

JAMES 5:7

Ka phäinau gui aw, Bawipa a law ba güt hnimgei ne om vä. Lo bik ciah chang tumat naw, a lo ung, ak küikyang ah a geitkaw gui am theih tak law vai ah, kho k’aa htük ungka naw, kho k’aa ang pyi güt ung, hnimgei ne ging ci nei.

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

1 KORIN 3:13

Cun ah chang gui ah cawhkyan nak ah a phu phäh phäh cu, Bawi Khrit a kyum law hnüüp ung ng’tän ne dang lawk khai. Cun ah hnüüp ung meidäi naw chang tumat ciah bi cu m’dang khai: cun ah mei naw chang tumat ciah bilawh cu akcang ah m’hnüt m’cah ne m’khoichak khai.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

2 KORIN 10:18

A i ah kyasei ci ung Khanpughi naw am hni ah chang cu, amät naw m’hlüngtai ciah kä kyak ci, Bawipa naw am hlüngtai ah chang ah kyak ci.

ROMAN 2:16

Cun ah kya sei, kei naw ka ng’shäu ah Thu Ni ah pyein ah m’khoichaa nak ah kho hnüüp ung Khanpughi naw, Bawipa Jesuh Khrit awn chang gui naw m’yih ne ami ngaih-tüh gui phung cu, m’khoi m’cha ne m’dang yawp khai nei.

ROMAN 2:1

Cun ah kya sei teihpüi aw, nang naw chang ah katnak nam khoichaa ung phi, na mät ah katnak kä nam yih hlawt khai. Nang cu katnak bik ciah chang ah kya lang ne, na paw chang cu nam khoichaa tu ah a kyak ung na mät naw na mät nam kat ciah kyak ci.

THU PHLAAN 20:12

Cun kawn ah sik ci gui cu ak yaw akdäm ah a ciah mangkiaang ah maa ah ng’düi lawk ci gui. Cun ung cachaw gui phi ng’phian lawk ci gui, cun kawn ah ghin nak ah ca-uk ah kyak ciah a hei cachaw phi ng’phian lawk ci. Sik ciah chang gui cu, cun ah ca-uk gui ung gu ne ami m’hnüt gui ah ami mät ah om ih ah ciah m’khoichaa nak gah ci gui.

THUSHÄUTU 12:14

Mi bi nü nü, aka, m’zih ne bi gui avan cu Khanpughi naw m’khoichak khai nei.

1 PETER 1:7

Cun ah yaica geinvai nak cu nami yum nak a khän la kä cun ah m’nüm nak ah kyak ci. Didap thei ciah ghui cu mei awn m’nüm ah kiak ci, ghui ah mä küikyang pi ciah nami yum nak cun phi m’nüm vai ah kyak ci, Cun ung vah khän htek nak om sei, Bawi Jesuh Khrit a kyum law ba hnüüp ung m’hlüngtai nak, bämang nak la chang m’sui nak cu nami gah khai.

ROMAN 2:29

Jew chang akcang läi cu am lung kyong ah vun-ah nak bi pyi ciah chang ah kyak ci nei. Cun ah chang Jew chang ah kyak sak cicu gu ne tai ah thukhän ah kä kyak ci, Khanpughi ah Mumcha naw vah chang cu am lung kyong ung Jew chang ah kyak sak ci. Ani cu chang ah m’hlüngtai nak gah ciah kä kyak ci, Khanpughi ah m’hlüngtai nak gah ciah kyak ci.

2 KORIN 4:2

Keimi naw m’yih vai la lü ng’aa nak vai cu kami nawng shüt ci; keimi cu kä kami thuvi ci, Khanpughi ah ng’thu phi hleei ne kä kami pyein ci. Keimi cu Khanpughi ah maa ah düng ciah akdei ung ghing u ne, chang gui ah ni kyom nak vai ah k’tha na ne kami bik ci.

ROMAN 14:4

Nang a u ah kya ne chang hei ah changshäm cu nam khoichaa tu vai ang! Cun ah changshäm naw a bilawh a näng la kä a näng cu, amät ah bawi naw m’khoichak khai nei. Ani cu näng khai nei, a i ah kya sei ci ung Bawipa naw ani cu näng khai ah am htei ah kyak ci.

JOHAN 5:44

Nangmi nami mät tumat naw tumat am hlüngtai vai nami ng’ya hlük ci. Cun ung phi tumat bäng om ciah Khanpughi naw aning m’hlüngtai gui vai kä nami tha nak ci. Cun ah kya sei nangmi naw kei a hawk chaa ah nami na yum khai yaw?

JAMES 4:11

Phäinau gui aw, tumat la tumat kä ng’täitawk tu vä. A khritha phäinau täitawk ne m’khoichak ciah chang cu, thukhän täitawk ne m’khoichak ciah kyak ci nei. Thukhän nami m’khoichaa ah a kyak ung nangmi cu thukhän läk ciah kä kya ne, m’khoichak ciah nami kyak khai.

LUKA 6:37

Chang ah katnak kä na pyein peit vai, cun ung Khanpughi naw na katnak kä ning pyein Pek khai. Chang kä nami m’shukchaak vai, cun ung Khanpughi naw kä ning m’shukcha gui khai. Chang ah katnak nami m’gein vai, cun ung Khanpughi naw nami katnak ning m’gein gui khai.

MATTHE 24:46

Ani naw a mät ah a bi lawh gui vai phung akni ah abi cu a bawi law ba ne a hmuh ung yeikyai nak om ci.

THU PHLAAN 1:7

Teng tu vä, Bawipa cu khawmei ung cun ne kyum lawk ci nei, chang nüng nüng naw hmuk khai gui nei, amät k’htei awn shun te ci gui naw phi hmu tuk khai gui nei. Khomdek ah khan ung chang ah hta avan cu haala yawp khai gui nei. Cun cu akcang ah kya sä!

1 PETER 5:4

Ang vaipi säih Htome uk ciah Bawipa ang dang law ung, angtäi ah pyü ne ng’shü ciah abämang nak ah ghui lukhu cu nami gah khai nei.

1 THESSALONIAN 5:2

A i ah kyasei ci ung Bawipa ah kho Hnüüp cu khomü ah m’guk-ei a law ah mäih ah gawk lawk khai nei, cicu nangmi nami mät naw nami hmat pyi ah kyak ci.

JOHAN 21:22

Bawipa Jesuh naw, “Kei ka law ba güt ung ani ghing ne a om vai ah kei naw kang yak hlü ah a kyak ung, nang naw a i na pyein vai kä om ci, ka hnu ah na läk ä” cine pyen nak ci.

2 PETER 3:4

“Ani lawk khai ah shaitak ci, kä law ne ma? A hawi ang ani? Kami pupa gui cu si yawp pyi ci gui, cun ung phi a päng avan cu, khomdek ang tüi law sang ungka ah mäih bä ah om ci gui nei,” ci ne ning kyak na gui khai gui.

MATTHE 25:23

A bawi naw ‘Na bä ci nang cu düng ciah changniah na kyak ci. Bi api ung nang düng ci kyasei bi akdäm cu ka ning ap khai, kei ah law ne kei awn a täng ah yeikyai ne na om khai nei,’ cine pyen nak ci.

MALAKHI 3:18

Cun kawn ah mä ng’düng ci gui la chang shekha gui ah khan ah, ka khuut bik ci la kä bik ciah khan ah, a i ah a kyak law cu ka chang gui naw hmuk khai gui nei” cik ci.

JUDE 1:14

Adam ungka naw ang shon chuk nak Enok naw, cun gui ah a mawng k’cä ne a pyein cu, “Bawipa cu tämkäp phyaa khak ah ak khan chang theing gui awn kyum law ne,

2 PETER 3:12

Khankho cu mei naw m’khih sei dimaih ne, khankho pumsa a phiäp nak vai ah Khanpughi a hnüüp gawk lawk khai cine, k’tha nah ne nami ngäng yah ung, nami ghin nak cu theing cim sak ne Khanpughi ah nami ng’ap vai nei.

1 KORIN 15:23

Cun ah kyasei chang gui cu akhüimai angkäkhtäng ah tho ba khai gui: ak htük bäih ah Bawi Khrih tho ba ci, cun kawn ah ani a kyum law ba ung, ani khäm ciah chang gui cu tho ba khai gui.

1 KORIN 11:26

Nangmi cu shin ah m’htut ei ne, shin ah khap nami awk ung Bawipa a sih ah mawng cu, a kyum law ba ung khüt sei, shäu ne nami pyein ci.

1 KORIN 1:7

Cun ah kya sei nangmi naw Bawi Khrit Jesuh a kyum law vai cu nami gin yah ung, nangmi naw kä nami gah tu ah hriham cu a i kä om khai.

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

MATTHE 24:30

Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

1 KORIN 3:8

M’shi geit ci la tui shawi cicu ani ng’lak mah nak kä om ci; Khanpughi naw ak chang sing cu amät ah bi phäh phäh ah ci ah m’cümhnah nak pek khai.

MATTHE 25:21

A bawi naw, ‘Na bä ci, nang cu düng ciah changniah na kyak ci. Bi api ung nang düng ciah kyasei, bi ak däm cu ka ning ap khai, kei ah law ne kei awn a täng ah yeikyai ne na om khai nei,’ cine pyen nak ci.

JOB 12:22

Ani naw sihnak ah a hmüp nak ung akdei cu tüi ci.

JEREMIAH 16:17

Kei naw ami bi phung ka hmuk ci. Kei ah kä hmuh vai ah thuh a i kä om ci; ngami ah katnak cu kei ah hmuh nak ung kä phyawng ci.

JEREMIAH 23:25

Cun ah prophet gui ah pyen cu kei naw ka hmat gui ci nei, ngami naw kei ah ming awn ami hleei pyen u ne, ami man gung kei naw ka ng’thu ka pe gui ciah pyen ci gui.

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

MATTHE 10:26

‘Cun ah kyasei chang kä nami kyih vai, küp gui phung avan ng’hmawng yawp khai, m’yih gui phung avan ng’hmat yawp khai.

JOHAN 21:23

Cun ah kyasei, ‘Cun ah ang düihpüi cu kä si hlawt khai’ ciah Bawipa Jesuh ah ang düihpüi gui ami van ung ng’thu yat ci. Cun ung phi Bawipa Jesuh naw ani kä sik khai ah a pyein ah kä kyak ci, “Kei ka law ba güt ani ghing ne a om vai ah, kei naw kang yak hlü ung phi, nang naw na pyein vai kä om ci” a ciah kyak ci.

1 KORIN 3:14

Mei naw kä a uih m’khüt vai ah cokyang ciah chang cu m’cümhnah nak gah khai.

1 KORIN 11:16

Shin ah a mawng pyein ne ng’cuhcan hlük ciah chang gui am, “Keimi ung phi bäi, Khanpughi ah khrithabum ung phi bäi, shin ah kawn ah thungyo a hei kä om ci nei” ciah kam thein gui ci nei.

JAMES 5:9

Ka phäinau gui aw, tumat la tumat shetkat nak kä nami ng’lon nen tu vai, cun ung Khanpughi naw kä ning m’khoichaa gui khai. Thu m’chak khai cu gawk law ne ng’düi law pyi ci nei.

NG'THU K'THUUK~ 12:8

Nang cu na lulang ung m’tam nak na gah khai, na gu ang ung chang gui naw ning yuk teng khai gui.

2 KORIN 10:9

Kei naw ca gu ne ka ning m’kyihkyawk gui ciah kä nami ngaih vai nei.