1 KORIN 4:4 - Cho Bible Common Language 2016

⁴ Kei ah kam lung kyong cu theingcim ci, cun cu kei ung kat nak kä om ciah ka pyein na kä kyak ci. Kei nam khoichak ci cu Bawi tumat bäng ah kyak ci.

1 KORIN 4:4 Referans Kwoze

SAM 143:2

Na na changshäm cu yung ah m’kawt ung kä na cha en ä; Nang lam ah theingcim ci a u kä om ci nei.

SAM 130:3

Kami katnak gui na na m’hnüt pek gui ah akyak ung, a u naw m’kyuk nak ung nak phyawn gui hlawt khai aw?

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

NG'THU K'THUUK~ 21:2

Nang naw na bi avan cu hman ciah na ngai ci. Cun ung phi Bawipa naw na m’lung ngaih ning m’khoichak ci, cicu na shüm vai.

SAM 19:12

Ani ah hma katnak cu a u naw kä hmuk ci; ng’thup ciah katnak ung ka nak phyawn ä, Bawipa!

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

ROMAN 2:13

Chang cu thukhän ng’yak nak düt awn Khanpughi ah ma ah ng’düng ciah kä kyak ci, thukhän ah pyein läk ciah chang cun vah, Khanpughi ah ma ah ng’düng ciah kyak ci.

JOB 27:6

Ka cang ka pyen cu a i yah ung phi kä ka nawng khai nei, ka m’lung kyong cu theing ci nei.

JOB 25:4

Khanpughi täng ah ka naw teng ung ng’düng ciah chang ng’ciim ciah chang a u om khai aw?

LAMKTU 23:1

Paul naw kawngsi ng’vai gui cu kheing ne teng gui netah, “Israel phäi nau gui aw, Kei cu tuk ngawi ung khüt sei, ka ghin na chuih Khanpughi ah ma ah kam lung kyong theingcim sei ka bilo om ih ci nei” cine pyein ci.

JOHAN 21:17

Ak thum vei nak ah Bawipa Jesuh naw, “Johan ah hta Simon,” Kei na nam hni ci ang?” cine ng’shi ba mä ci. Cun ah ak thum vai nak ah ng’shi ba mä khätah, Peter cu thüi netah, “Bawipa, nang naw a päng avan na hmat ci nei, kei naw ka ning m’hni cu na hmat ci nei” cine pyein ci. Bawipa Jesuh naw, “Ka htome gui nam htei vai nei bäi,

JOB 15:14

Chang cu akcang ah theingcim hning khai ang? Chang cu akcang ah Khanpughi awn ng’düng hlawt khai ang?

JOB 9:20

Kei cu theing ne ka bekhüt ci, cun ung phi ka ng’thu naw na m’shet ne, ka pyen phung van naw na m’kyuk khai mäih lawk ci.

ROMAN 4:2

Abraham cu amät a bilawh om ih nak awn Khanpughi ung ng’düng ciah a kyak vai sü ung, a ni ung khähghah nak vai om khai sü te; cun ung phi ani cu Khanpughi ah ma ah kä khähghah hlawt ci.

SAM 50:6

Khan kho naw ng’shäu ne, Khanpughi cu düng ci, ani cu suki ah kyak ci, cik ci.

SAM 26:12

Kei cu kyihshe ci phung ka phyawn nak ci, ak chang hli ah ng’lung ah Bawipa cu ka m’taam khah ci.

NG'THU K'THUUK~ 29:26

A chang päng naw uktu ah ani nak cu ng’ya hlük ci, cun ung phi taga nak cu Bawipa bäng ung na gah khai.

1 KORIN 4:3

Kei cu nangmi naw nami nam khoichaa ung phi changah m’hnüt nak am nami na tüihtok ung phi, a i ah kä ka ngai ci; Ka mät naw ka mät phi m’khoichaa nak kä ka bik ci.