1 KORIN 4:21 - Cho Bible Common Language 2016

²¹ Nangmi naw a i ang nami ng’yak hlü! Kei cu ng’mui tawn kawt ne ka law vai ang! Kä cun ung m’hni nak la ng’awi gei nak awn ka law vai ang!

1 KORIN 4:21 Referans Kwoze

2 KORIN 13:2

Ak hinh vei nak ka law yah ung, katnak bik ci gui la chang a hei gui am,” cän kawn ah ka law ba ung kä ka ning m’düm gui khai nei”, cine, kam cäi gui ah mäih ah, tuhbäi phi a sho nak ah om netah khän ne ka ning m’cäi ba gui mä ci nei.

1 THESSALONIAN 2:7

Cun ung phi keimi cu Bawi Khrit ah ng’düihpüi ah kami kyak nak awn nangmi ah khan ah a i phi kami k’thäh hning ci. Cun ung phi anu naw a hta am htei ah mäih ah, nangmi awn a täng ah mi om yah ung kami ning k’dük gui ci.

2 KORIN 13:10

Kei naw shin ah ng’daut ne ca ka ning pet law gui ah mawng cu; kei ka gawk law ung Bawipa ah na pet ah huham cu ak ghaat ah kä ka mang vai ah phäh ah kyak ci. Cun ah huham cu nangmi ning m’küi m’khän nak gui vai ah kyak ci, ning m’shukchaak nak gui vai ah kä kyak ci.

2 KORIN 2:3

Nangmi naw kei cu nami na yei sak khai süte, cun ung phi, kei ka law ung nangmi ah hmawk ah kam lung a thüi vai kyi netah, ca ka guk law te ah kyak ci nei. Kei ka yei ung nangmi nami van nami yei khai ah ka yum ci nei.

2 KORIN 1:23

Korin ah kä ka law vai ah ka k’bäi cu nangmi ka ning m’gein nak gui ah a kyak cu kei ah m’lung hmat ciah Khanpughi saksi ci.

JAMES 3:17

Cun ung phi Khankho ah kaa cüivai nak läi cu ak htük bäi ah theingcim netah dimdeeih nak, ng’awigi nak la khawtsheng nak gui cu dang sak ci. Cun cu chimgein nak awn kümbe ne, nikiom nak cu vuipai sak ci, m’khoi m’hnga nak kä om ci, thuvi nak kä om ci.

2 KORIN 10:6

Nangmi naw keimi ah ng’thu avan nami ngaih cu kami hmat kawn ah thu kä ngai ci gui cu m’kat ge vai ah keimi om ci nei.

2 KORIN 2:1

Nangmi ah kei ka law ung nami m’lung kä nik khai kyasei, kä ka law ba khai ah ka k’bäi ci nei.

2 KORIN 10:8

Kei cu Bawipa ah na peit ah huham ka mang däm te ung phi kä ka ng’aa ci nei, cun ah huham cu nang mi, ning m’shukchaak nak gui vai ah kä kyak ci, ning m’düih m’thawh nak gui vai ah kyak ci.

2 KORIN 3:10

Cäu ng’shü man ciah bämang nak cu ng’kon sei, cun ah ng’shü pi ci naw tuhbäi chü küm ci nei.

1 KORIN 5:5

Bawipa a law hnüüp ung cun ah chang ah mümcha cu hun nak a gah tu vai ah hmawk ah, a pumsa cu, am di vai ah Satan nam nami ap vai nei.

1 KORIN 4:18

Nangmi ah kei kä ka law ba khai ah ngai u netah chang amshah gui cu chang ah ng’shei ci gui nei.

2 KORIN 12:18

Kei naw Titus cu ng’paa na ne tüi law ne, ani awn a täng khritha tumat phi ka tüih law nei. Titus cu nangmi ung länglawt ciah pyein vai kya ne ang? Ani la kei cu ka ni m’lung ngaih täng sei lam tumat ung ka ni hteit ciah kä kya ne ang?

KALATIAN 6:1

Ka Phäi nau gui aw, chang tumat cu a cheishoh ah a kyak ung, Mumcha k’thamah nak om ci gui naw, m’cäi ne nami ng’düng ba sak vai. Cun cu om ni nak awn nami bi vai. Nami mät phi tüihtok nak ung kä nami gawk vai ah nami geing nak vai.