1 KORIN 4:12 - Cho Bible Common Language 2016

¹² Keimi cu k’thagui na sei kami bilo ci. K’shedam nak kami gah ung hrilham kami pek ci; dukdeiu nak kami gah ung, kami hniimgei ci;

1 KORIN 4:12 Referans Kwoze

1 PETER 3:9

Akshe cu akshe awn kä thung ne, ak kaa cu ak kaa awn kä nami sah vai, cun nak vai sü ung m’shumphyuk nak nami peit vai, a i ah kyasei ci ung, m’shumphyuk nak cu, Khanpughi naw a ning khü gui yah ung a ning peit gui vai ah a shaitaak ah kyak ci.

MATTHE 5:11

“Kei ah hmawk ah chang gui naw ning shedam na gui ne, käng düng ci awn a hlü hlü ah a ning m’kat law gui ung, nangmi cu yeikyai nak om sä, nangmi cu kei na läk ciah nami kyak ci nei.

ROMAN 12:14

Nang mi ning k’shedam na gui ciah chang ah hmawk ah Khanpughi naw hrilham a peit vai ah nami ng’yoih peit vai, cun ah chang gui cu kä yüigen u ne, hrilham nami peit vai.

ROMAN 12:20

Cun ah kya sei, phu nami tuk nak vaisü ung nami bilawh vai ah cacim theing naw a pyein cu, “Nami gaa cu ei a cawi ung ei nami m’bei tu vai, tui a gha ung tui nami tuu tu vai, cun ah na bi nak awn nang naw na gaa cu na ng’aa sak khai nei,” ciah kyak ci.

LAMKTU 18:3

Ngah ni cu Paul ah mäih ah mehvun bi ne ei awk ciah chang ah kia ni khä tah, Paul cu ngahni ah om nak ah hteit ne a täng ah bi lo tuk ci.

LUKA 6:28

Ning yüi-gen gui ci-am, ng’thu k’ni m’khäh vä, ning hleip taap gui ci-am k’taigü pe vä.

1 PETER 3:14

Cun ung phi akni nami bi ah hmawk ah ning shedam nah gui ci a om ung, yeikyai vä, kä kyikyawk en vä, kä ng’ä ng’ai en vä.

1 PETER 2:23

Shedam nak ci phi kä shedam na tu ba ci, a geinvai yah ung phi, a u kä ng’vanglaak na ne, düng sei m’khoichak ciah Khanpughi ung, ang ngaih u nak cu ap ci.

LUKA 23:34

Bawipa Jesuh naw, “Ngami cu a i ami bi ah ami mät naw kä hmat ci gui nei, m’gein gui ä” cine pyein ci. Chang gui naw Bawipa Jesuh ah a suisak gui cu, m’shüih tawk ne ng’pai ci gui.

MATTHE 5:44

Cun ung phi nami gaa nami m’hni vai, ning shedam nah gui ci nami taigü peit vai, ciah kei naw ka pyein ci.

LAMKTU 7:60

Ani cu m’khuukdoong netah, “Khanpughi awi, shin ah chang gui ah ami katnak cu m’gein gui ä” ci neh ak’aw m’can neh m’lau netah kät lawk ci. Saul cu Stephen ngawn vai ah yum tuk ciah chang ah kyak ci.

JOHAN 15:20

Nami shüm vai ah ka ning m’thein gui cu; ‘Chang shäm cu a bawi ah kä hlüngtai pi man ci.’ Kei ami na dukdeiu nak ung nangmi phi ning dukdeiu na gui khai gui; kei ah ng’thu ami ngaih ung nangmi ah ng’thu phi ngai khai gui.

JUDE 1:9

Khan chang gui ah bawi Michaela naw phi shin ah mäih cu kä bik ci, Moses ah pumsa a u naw lak khai ciah mawng Khoshe awn ani ng’cuh nak ung, Michaela naw Khoshe cu kä k’shedam na yäi netah, “Khanpughi naw khän ne ning m’cäi sä” cin kyak nak ci.

1 TIMOTHI 4:10

Mikmi naw tha na ne mi bilawh ah mawng cu, chang nüng ah Hunbawi, ak tung pi ah yum ci gui ah Hunbawi ah kya ne ghing ciah Khanpughi cu mi ngaih u ah hmawk ah kyak ci.

2 THESSALONIAN 3:8

Kami sui-ei vai, kä kleih ne chang ah kaa kami ng’yoihthäh nak a i kä om ci. Nangmi tumat naw phi keimi ah hmawk ah kungkap nak kä a om vai ah, keimi cu amü ak hnüüp cümbawng ne bi kami bik ci nei.

1 THESSALONIAN 2:9

Phäi nau gui aw, keimi naw a i hlawk ah cümbawng ne, kami bilawh cu nangmi naw akcang ah nami hmat ci nei. Khanpughi ah Thu Ni kami pyein nak ung nangmi ah khan ah yaica nak kä a om vai ah, amü ak hnüüp bi kami bik ci nei.

1 KORIN 9:6

Kei la Barnabas bäng naw kani ghin nak vai ah hmawk ah bi kani bik khai maa?

LAMKTU 20:34

Kei naw shin ah kut awn bi bi ne ka chang gui ah sui ei vai la ka mät ah ng’yaak hlü gui, ka küm be sak cu nami van naw nami hmat pyi ci.

1 PETER 4:19

Cun ah kyasei Khanpughi ah ang yak hlü ah geinvai nak gah ciah chang gui cu, akni ah hnüntho u ne, angtäi sei a shaitaak küm ciah Pushihpi ah ami ghin nak avan ng’ap u sä.

ROMAN 8:35

Cun ah kya sei a u naw mikmi cu Bawi Khrit ah m’hni nak awn nam chaa gui hlawt khai ang! Zaica nak, cümbawng nak, k’dukdeiu nak, cawigha nak, pyamthaam nak, gaa kyih nak la sih nak; cun gui naw Bawipa ah m’hni nak awn nam chaa gui hlawt khai maa!

2 KORIN 11:8

Nangmi ah ng’lung ah khuut kabi yah ung khrithabum a hei gui naw na pe taak ci gui nei. Cun cu nangmi ning m’hteihtang nak gui vai ah a hei khrithabum gui guhtep gui ah mäih lawk ci.

EPHESIAN 4:28

M’gu man ciah chang phi käm gu-en ba ne, khüighaat ne hnüntho ne, amät ah hnun m’ghin ne, pyamtham ci phi am hteihtang tu hning vai ah tha na sä.